അമേരിക്കയിലെ ന്യൂയോര്ക്കില് താമസിക്കുന്ന ഇന്ത്യക്കാര് ഈ സ്വാതന്ത്ര്യദിനത്തില് ചരിത്രം സൃഷ്ടിക്കാന് ഒരുങ്ങുകയാണ്. ഇന്ത്യയുടെ 74-ാം സ്വാതന്ത്ര്യത്തിന്റെ ഓര്മയ്ക്കായി 2020 ഓഗസ്റ്റ് 15 ന് ടൈംസ് സ്ക്വയറില് ഇന്ത്യന് ത്രിവര്ണ്ണ പതാക ഉയര്ത്താന് ഇന്ത്യന് വംശജരായ ഒരു പ്രമുഖ സംഘം തീരുമാനിച്ചിട്ടുണ്ട്. ന്യൂയോര്ക്ക് നഗരത്തിലെ ടൈംസ് സ്ക്വയറില് ഇന്ത്യന് പതാകയോ ഏതെങ്കിലും പതാകയോ പാറിപ്പറക്കുന്നത് ഇതാദ്യമായിരിക്കും.
ന്യൂയോര്ക്ക്, ന്യൂജേഴ്സി, കണക്റ്റിക്കട്ട് എന്നീ ത്രിരാഷ്ട്ര പ്രദേശങ്ങളിലെ ഫെഡറേഷന് ഓഫ് ഇന്ത്യന് അസോസിയേഷന്സ് (എഫ്ഐഎ) ഒരു ഔദ്യോഗിക പ്രസ്താവനയില് അറിയിച്ചതാണ് ഇക്കാര്യം. ചടങ്ങില് വിശിഷ്ടാതിഥിയാകുന്നത് ന്യൂയോര്ക്കിലെ കോണ്സല് ജനറല് രണ്ദീര് ജയ്സ്വാള് ആയിരിക്കും. ടൈംസ് സ്ക്വയറില് നടക്കുന്ന പതാക ഉയര്ത്തല് ചടങ്ങിന് പുറമെ, എംപയര് സ്റ്റേറ്റ് കെട്ടിടവും ഇന്ത്യന് പതാകയുടെ നിറങ്ങളായ കുങ്കുമം, വെള്ള, പച്ച എന്നീ നിറങ്ങളില് പ്രകാശിപ്പിക്കുമെന്നും എഫ്ഐഎ അറിയിച്ചു.
പ്രസിദ്ധമായ എംപയര് സ്റ്റേറ്റ് കെട്ടിടത്തിന്റെ ലൈറ്റിംഗ് ചടങ്ങ് ഓഗസ്റ്റ് 14 ന് നടക്കും. ചടങ്ങിനെക്കുറിച്ച് എഫ്ഐഎ പറയുന്നത് ഇങ്ങനെ- ടൈംസ് സ്ക്വയര് പതാക ഉയര്ത്തല് ചടങ്ങ് ഇന്ത്യന്-അമേരിക്കന് സമൂഹത്തിന്റെ വര്ദ്ധിച്ചുവരുന്ന ദേശസ്നേഹത്തിന്റെ തെളിവാണ്, കൂടാതെ എഫ്ഐഎയുടെ സുവര്ണ്ണ ജൂബിലി വര്ഷം ആഘോഷിക്കുന്നതിന്റെ ഭാഗം കൂടിയായിരിക്കും. യുഎസ്എയിലെ ഏറ്റവും വലിയ ഇന്ത്യന് സംഘടനകളിലൊന്നാണ് 1970 ല് സ്ഥാപിതമായ എഫ്ഐഎ.
Also Read: ഇന്ത്യയില് കൊവിഡിന് ശേഷമുള്ള ട്രെയിന് യാത്ര ഇങ്ങനെയായിരിക്കും
എല്ലാ വര്ഷവും ഇന്ത്യയുടെ സ്വാതന്ത്ര്യദിനം ആഘോഷിക്കുന്നതിനായി എഫ്ഐഎ അതിന്റെ പ്രധാന പരിപാടി, ഇന്ത്യാ ഡേ പരേഡ് സംഘടിപ്പിക്കുന്നു. പരിപാടിയില് പ്രശസ്ത അമേരിക്കന് രാഷ്ട്രീയ നേതാക്കളും നിയമനിര്മ്മാതാക്കളും ഇന്ത്യന്-അമേരിക്കന് കമ്മ്യൂണിറ്റി അംഗങ്ങളും പങ്കെടുക്കുന്നു. മിക്കപ്പോഴും, ഇന്ത്യന് താരങ്ങളും മാന്ഹട്ടന്റെ ഹൃദയഭാഗത്ത് സംഘടിപ്പിക്കുന്ന വാര്ഷിക പരേഡില് പങ്കെടുക്കുന്നു. സ്വാതന്ത്ര്യദിന പരേഡ് എല്ലാ വര്ഷവും വന് വിജയവും വലിയൊരു ജനക്കൂട്ടവുമാണ്.
Also Read: ഇന്ത്യയിലെ ഈ 7 റൂട്ടുകളിലൂടെ ബുള്ളറ്റ് വേഗത്തില് പായാം
എന്നാല് നിലവിലെ കൊവിഡ് 19 സാഹചര്യം കണക്കിലെടുക്കുമ്പോള്, ഈ വര്ഷം പരേഡ് നടക്കില്ല. പകരം, ഇവന്റ് മുഴുവനും തത്സമയം സംപ്രേഷണം ചെയ്യും.