ലോക്ക് ഡൗണ് കാലത്ത് വിശപ്പിന്റെ വില മനസ്സിലാക്കിയവരാണ് ഏറെയും. പൂര്ണാമായും ഭക്ഷണത്തിനായി ഹോട്ടലുകളെ ആശ്രയിച്ചിരുന്ന അതിഥി തൊഴിലാളികള് ദുരിതത്തിലാവുകയായിരുന്നു. എന്നാല് തമിഴ്നാട്ടിലെ പെരൂരിലെ വടിവേലംപാളയം എന്ന സ്ഥലത്ത് ആരും പട്ടിണി കിടക്കില്ല. വയറു നിറയ്ക്കാന് 85 കാരിയായ കമലതാല് ഇവിടെയുണ്ടാകും. ഇഡലി പാട്ടിയെന്നും പാട്ടിയമ്മയെന്നുമൊക്കെ പറഞ്ഞാല് കൂടുതല് വ്യക്തമായി അറിയും. മുമ്പും വാര്ത്തകളില് നിറഞ്ഞു നിന്നിട്ടുണ്ടെങ്കിലും ലോക്ക് ഡൗണ് കാലത്ത് വീണ്ടും ശ്രദ്ധ പിടിച്ചുപറ്റിയിരിക്കുകയാണ്.
അതിഥി തൊളിലാളികളുടെ ആനുഗ്രഹം
സംസ്ഥാനത്തെ അതിഥി തൊഴിലാളികള്ക്ക് ഏറെ സഹായകരമായിരിക്കുകയാണ് കമലതാല്. തൊഴിലാളികള്ക്കായി ഇവര് ഒരു രൂപയ്ക്ക് ഇഡലി വില്ക്കുന്നു. തുച്ഛമായ കാശ് കൊടുത്ത് വയറു നിറയ്ക്കാം. മുപ്പത് വര്ഷമായി ഇവര് ഇവിടെ ബിസിനസ് നടത്തുന്നുണ്ട്. എന്നാല് ലോക്ക്ഡൗണ് തുടങ്ങിയതു മുതല് ബിസിനസ് നഷ്ടത്തിലായി. എന്നിട്ടും ഒരു രൂപയ്ക്ക് ഇവര് ഇഡലി വിറ്റു. ഈ സമയത്ത് നാട്ടില് പോകാന് കഴിയാതെ ലോക്ക് ഡൗണില് പെട്ടു പോയവര്ക്കാണ് ഇത് ഏറ്റവും കൂടുതല് അനുഗ്രഹമായത്. പലരും സഹായബസ്തവുമായി ഇവിടെ എത്താറുമുണ്ട്. ചിലര് ഉഴുന്നും മറ്റുമൊക്കെ ഇവര്ക്ക് സ്പോണ്സര് ചെയ്യാറുമുണ്ട്. ലോക്ക് ഡൗണ് കാലത്ത് സാധനങ്ങളുടെ വില വര്ദ്ധിച്ചിട്ടും കമലാദലിന് ഒരു രൂപയ്ക്ക് ഇഡലി വില്ക്കാന് കഴിഞ്ഞു.
Also Read: ആശയക്കുഴപ്പം വേണ്ട; ആഭ്യന്തര സര്വീസുകളുടെ ബുക്കിംഗ് തുടങ്ങിയിട്ടില്ല
സാമൂഹ്യ സേവനംകമലാദല് ഇപ്പോള് ചെയ്യുന്നത് ഒരു തരത്തിലുള്ള സാമൂഹ്യ സേവനം തന്നെയാണ്. തമിഴ് നാട്ടിലുള്ളവര്ക്കും മറ്റ് സംസ്ഥാനങ്ങളില് നിന്നുള്ള തൊഴിലാളികള്ക്കും ഏറെ പ്രയോജനമാണ്. ലാഭമുണ്ടാക്കുന്നതിനെക്കാള് പാവപ്പെട്ട തൊഴിലാളികള്ക്കായി തന്നാല് കഴിയുന്ന സഹായം ചെയ്യാന് കഴിയുന്നു എന്ന കാര്യത്തില് കമാലാദല് സന്തുഷ്ടയാണ്. ഇഡ്ലിയും സാമ്പാറുമാണ് ഇവരുടെ സ്പെഷ്യല്. വര്ഷങ്ങളായി ഒരു രൂപയ്ക്കു തന്നെയാണ് ഇഡലി വില്ക്കുന്നത്. ലോക്ക് ഡൗണ് ആയ സാഹചര്യത്തിലും ഇവര് ഇഡലി ഒരു രൂപയ്ക്കു തന്നെ വില്ക്കാന് തീരുമാനിക്കുകയായിരുന്നു. നൂറു കണക്കിന് തൊഴിലാളികള്ക്കാണ് ഇത് അനുഗ്രഹമായിരിക്കുന്നത്.