താജ്മഹല്‍, കോട്ട
രാജസ്ഥാനിലെ കോട്ടയിലെത്തിയാല്‍ അവിടെയൊരു താജ്മഹാല്‍ കാണാം. എന്നാല്‍ ഇതിന് വലിയ ചരിത്രപ്രാധാന്യമൊന്നും പറയാനില്ല. കോട്ടയിലുള്ള ഒരു പാര്‍ക്കില്‍ ലോകത്തെ മറ്റ് അത്ഭുതങ്ങളോടൊപ്പം താജ്മഹാലിന്റെ രൂപവും കാണാം. പിസയിലെ ചരിഞ്ഞ ഗോപുരം, സ്റ്റാച്യു ഓഫ് യൂണിറ്റി തുടങ്ങിയ കെട്ടിടങ്ങളുടെ രൂപങ്ങള്‍ കാണാം. ഇവിടെ വരുന്ന സന്ദര്‍ശകര്‍ കെട്ടിടങ്ങളുടെ സമീപത്തു നിന്നും ഫോട്ടോകളെടുക്കാനാണ് താല്‍പ്പര്യപ്പെടാറുണ്ട്.
ബൂലന്ദ്ഷഹറിലെ മിനി താജ്മഹല്‍
ഉത്തര്‍പ്രദേശിലെ ബൂലന്ദ്ഷഹറിലുള്ള ഒരു ചെറിയ ഗ്രാമമായ കേസര്‍ കലനിലാണ് താജ്മഹലിന്റെ രൂപത്തിലുള്ള കെട്ടിടം കാണാന്‍ കഴിയുക. ഖദ്രിയുടെ താജ്മഹല്‍ എന്നാണ് പൊതുവായി അറിയപ്പെടുന്നത്. ക്യാന്‍സര്‍ ബാധിച്ച് മരിച്ച തന്റെ ഭാര്യയുടെ ഓര്‍മ്മയ്ക്കായി ഫൈസുല്‍ ഹസന്‍ ഖാദ്രി നിര്‍മ്മിച്ചതാണ് ഈ കെട്ടിടം. 2011ലാണ് അദ്ദേഹത്തിന്റെ പത്‌നി മരിച്ചത്. മുന്‍ പോസ്റ്റ് മാസ്റ്ററാണ് ഖാദ്രി. 15 ലക്ഷം രൂപ ചെലവഴിച്ചാണ് ഈ താജ്മഹല്‍ നിര്‍മ്മിച്ചത്. തന്റെ പേരിലുള്ള കുറച്ച് വസ്തു വിറ്റും ഭാര്യ ഉപയോഗിച്ചിരുന്ന ആഭരണങ്ങള്‍ വിറ്റുമാണ് കെട്ടിടം പണികഴിപ്പിച്ചത്. ഭാര്യയുടെ ഓര്‍മ്മയ്ക്കായി പണികഴിപ്പിതിനാലായിരിക്കണം മിനി താജ്മഹല്‍ എന്നും ഈ കെട്ടിടം അറിയപ്പെടുന്നു.
Video-ഈ താജ്മഹാലിനുമുണ്ട് പ്രണയകഥകൾ പറയാൻ
ഷഹ്‌സാദി കാ മക്ബാരാ, ലഖ്‌നൗ
ലഖ്‌നൗവില്‍ പോയിട്ടുള്ളവര്‍ക്ക് ഈ കെട്ടിടം സുപരിചിതമായിരിക്കും. ഛോട്ടാ ഇമാംബറ കോംപ്ലക്‌സിലാണ് ഈ കെട്ടിടം സ്ഥിതി ചെയ്യുന്നത്. താജ്മഹാലുമായി ഈ കെട്ടിടത്തിന് സാമ്യമുണ്ട്. കെട്ടിടത്തിനുള്ളില്‍ ഔദിലെ മൂന്നാമത്തെ ഭരണാധികാരിയായിരുന്ന മുഹമ്മദ് അലി ഷാ ബഹദൂറിന്റെ മകളായ സീനത് അസിയയുടെ ശവകുരീരം സ്ഥിതി ചെയ്യുന്നു.
ബീബി കാ മക്ബാര
ആഗ്രഹയിലെ താജ്മഹല്‍ ഷാജഹാന്‍ തന്റെ പത്‌നിയായ മുംതാസിനു വേണ്ടിയാണ് പണിതതെങ്കില്‍ ഔറംഗബാദിലെ ബിബി ക മക്ബാരാ, അസം ഖാന്‍ എന്ന യുവരാജാവ് സ്വന്തം മാതാവിന് വേണ്ടി പണികഴിപ്പിതാണ്. മുഗള്‍ രാജാവായിരുന്ന ഔറംഗസേബിന്റെ പുത്രനാണ് അസം ഖാന്‍. ഔറംഗസേബിന്റെ ആദ്യ ഭാര്യയായിരുന്ന ദില്‍രാസ് ബാനുവിന് വേണ്ടിയാണ് ഈ കെട്ടിടം പണിതത്. ആഗ്രയിലെ താജ്മഹലിന്റെ ശില്‍പ്പിയായിരുന്ന അതാഉല്ലയുടെ മകന്‍ അസ്താദ് അഹമദ് ലഹൗരിയാണ് ലഖ്‌നൗവിലെ കെട്ടിടത്തിന്റെ ശില്‍പ്പി.
താജ്മഹല്‍, ബാംഗ്ലൂര്‍
ബാംഗ്ലൂരിലും ഒരു താജ്മഹലുണ്ട്. ബനാര്‍ഗട്ട റോഡിലാണ് ദക്ഷിണേന്ത്യയിലെ താജ്മഹാല്‍ തലയുയര്‍ത്തി നില്‍ക്കുന്നത്. മലേഷ്യന്‍ ആര്‍ട്ടിസ്റ്റായ ശേഖര്‍ 2015ലാണ് ഈ കെട്ടിടം നിര്‍മ്മിച്ചത്. നാല്‍പ്പതടി ഉയരമുള്ള കെട്ടിടത്ത എഴുപതടി നീളവും വീതിയുമുണ്ട്. ആഗ്രയിലെ താജ്മഹാലുമായി സാമ്യം തോന്നും.