ലോകത്തിലെ മൂന്നാമത്തെ ഏറ്റവും ഉയരം കൂടിയ കൊടുമുടിയായ കാഞ്ചന്ജംഗ ഇപ്പോള് പശ്ചിമ ബംഗാളിലെ സിലിഗുരി പട്ടണത്തില് നിന്ന് വ്യക്തമായി കാണാം. രാജ്യം മുഴുവന് ലോക്ക്ഡൗണിലേക്ക് പോയപ്പോള് അന്തരീക്ഷ മലിനീകരണം ഗണ്യമായി കുറഞ്ഞിരുന്നു. ഈ സാഹചര്യത്തിലാണ് അസാധാരണമായ ഇത്തരം കാഴ്ച്ചകള് കണ്ടു തുടങ്ങിയത്. ഇന്ത്യയിലെ വിവിധ ഭാഗങ്ങളില് വര്ഷങ്ങള്ക്ക് ശേഷം ഇങ്ങനെയുള്ള കാഴ്ച്ചകള് തെളിഞ്ഞു വരികയായിരുന്നു. സിലിഗുരി നിവാസികളെ സംബന്ധിച്ചിടത്തോളം, ലോകത്തിലെ ഏറ്റവും ഉയരമുള്ള മൂന്നാമത്തെ പര്വതശിഖരത്തിന്റെ കാഴ്ചകള് കാണുമ്പോള് അവര് ഒരു മാന്ത്രിക നിമിഷത്തിലായിരുന്നു.
ചിത്രങ്ങള് ഹിറ്റ്
നിരവധിപേര് തങ്ങള് കണ്ട് കാഴ്ച്ചകളുടെ ചിത്രങ്ങള് അവരുടെ സോഷ്യല് മീഡിയ അക്കൗണ്ടുകളില് ഷെയര് ചെയ്തു. ഒരു ട്വിറ്റര് ഉപയോക്താവ് സിലിഗുരിയിലെ തന്റെ വീട്ടില് നിന്ന് ദൃശ്യമാകുന്ന പര്വതശിഖരത്തിന്റെ ചിത്രം പങ്കിട്ടു. താമസിയാതെ, വൈറലായ ചിത്രം സോഷ്യല് മീഡിയ ഏറ്റെടുത്തു. അധികം വൈകാതെ മറ്റുള്ളവരും തങ്ങളടുത്ത ഫോട്ടോകളുമായി രംഗത്തു വന്നു.
Also Read: വിശ്വസിച്ചാലും ഇല്ലെങ്കിലും!! ബീഹാറില് എവറസ്റ്റ് കൊടുമുടി തെളിഞ്ഞു കണ്ടു
പ്രകൃതിക്ക് ആശ്വാസം
രാജ്യവ്യാപകമായി ലോക്ക്ഡൗണ് ചെയ്യുന്നത് മനുഷ്യരെ അവരുടെ വീടുകള്ക്കുള്ളില് നിര്ത്തുന്നുണ്ടെങ്കിലും, പ്രകൃതി സ്വതന്ത്രമായിരിക്കുകയാണ്. ഒരുകാലത്ത് മനുഷ്യരെ മാത്രം കണ്ട റോഡുകളില് ഇന്ന് വന്യമൃഗങ്ങള് ഇറങ്ങി വിലസുന്നു. നദികളിലെ വെള്ളം കണ്ണാടി പോലെ തെളിഞ്ഞു. അന്തരീക്ഷ മലിനീകരണം അവിശ്വസനീയമായ തലത്തിലേക്ക് താഴ്ന്നു.
Also Read: സുഹൃത്തുക്കള് ക്വാറന്റൈനില് കഴിയുന്നത് പബ്ബില്!
ഏതാനും ദിവസങ്ങള്ക്ക് മുമ്പ് ഹിമാലയത്തിന്റെ ധൗലധര് ശ്രേണി പഞ്ചാബിലെ ജലന്ധറില് നിന്ന് കാണാമായിരുന്നു. ജലന്ധറില് നിന്ന് 200 കിലോമീറ്റര് അകലെയുള്ള ഈ ശ്രേണി 30 വര്ഷത്തിനുശേഷം ജലന്ധറിലെ ആളുകള്ക്ക് കണ്ടു. കഴിഞ്ഞ മാസം ഗംഗാ നദിയില് ഡോള്ഫിനുകളെ കണ്ടെത്തിയതും സോഷ്യല് മീഡിയയില് ഹിറ്റായ വീഡിയോയായിരുന്നു. മനുഷ്യന്റെ ഇടപെടലും കൈയേറ്റവും കൂടാതെ പ്രകൃതിക്ക് കൂടുതല് മികച്ചത് ചെയ്യാനാകുമെന്നതിന്റെ തെളിവാണ് ഈ ഉദാഹരണങ്ങളെല്ലാം. കൊവിഡ് 19 ലോക്ക്ഡൗണിനിടയില്, പ്രകൃതി പുനരുജ്ജീവിപ്പിക്കുന്നതിനുള്ള ഈ ഉദാഹരണങ്ങള് നല്ല ലക്ഷണങ്ങളായി കരുതാം.