തായ് ലൻ്റ് എന്താ അത്ര മോശം സ്ഥലമാണോ..?

ഒട്ടും ചെലവ് ഇല്ലാതെ യാത്ര ചെയ്യാൻ കഴിയുന്ന മനോഹരമായ രാജ്യമാണ് തായ് ലാൻ്റ് . സെക്സ് ടൂറിസത്തിൻ്റെ ടാഗ് മാത്രമല്ല തായ് ലൻ്റ്. വളരെ പഴക്കം ഉള്ള ഒരു മഹത്തായ സംസ്കാരം രാജ്യത്തിനുണ്ട്. ഒരിക്കലും കോളനിവൽക്കരിക്കപെടാത്ത രാജ്യം. ഇന്ത്യയെക്കാള്‍ പതിന്മടങ്ങ് വൃത്തിയുള്ള രാജ്യം. പട്ടിണി ഇല്ലാത്ത രാജ്യം.


ഏഷ്യയിലെഏറ്റവും മനോഹരങ്ങളായ രാജ്യങ്ങളില്‍ ഒന്ന്. ലോകത്തിലെ തന്നെ ഏറ്റവും നല്ല കോണ്‍ഫറന്‍സ് ഫെസിലിറ്റിഉള്ള രാജ്യങ്ങളില്‍ ഒന്ന്. ജീവിക്കുവാനും സഞ്ചരിക്കുവാനും ഏറ്റവും സുരക്ഷിതമായ രാജ്യങ്ങളില്‍ ഒന്നു. എല്ലാവരോടും മാന്യമായി പെരുമാറുന്ന ജനങ്ങൾ തന്നെയാണ് ഹൈലൈറ്റ്.



നിരവധി ബുദ്ധക്ഷേത്രങ്ങൾ, ചരിത്ര നി‍ർമ്മിതികൾ, മനോഹരമായ താഴ്വരകൾ, തിരക്കേറിയ ബീച്ചുകൾ എന്നിവ തായ് ലൻ്റ് സഞ്ചാരിയെ കാത്തിരിക്കുന്നു. കിഴക്കിൻ്റെ വെനീസ് എന്നും അറിയപ്പെടുന്ന ബാങ്കോക്ക് ഉറപ്പായും സന്ദർശിക്കേണ്ട സ്ഥലമാണ്. കനാലുകളാണ് ബാങ്കോക്കിൻ്റെ പ്രത്യേകത. അതിലൂടെ ഒരു ബോട്ട് യാത്ര നിങ്ങൾക്ക് മറ്റൊരു അനുഭവമായിരിക്കും. ചിലവ് കുറഞ്ഞ ഷോപ്പിക്കിന് പറ്റിയ സ്ഥലവും കൂടിയാണ് തായ് ലാൻ്റ്.
പൊതു ഇടങ്ങളിൽ സ്ത്രീകളുടെ സ്വതന്ത്ര്യം എന്താണെന്ന് തായ് ലൻ്റ് പറഞ്ഞ് തരും. അവർ വളരെ സ്വതന്ത്രരായി സഞ്ചരിക്കുന്നു. രാത്രിയെന്നോ പകലെന്നോ വ്യത്യാസമില്ല. വമ്പൻ മാളുകൾ, റെസ്റ്റോറന്റുകൾ ,ബാറുകൾ , തെരുവ് കച്ചവടങ്ങൾ , മെട്രോ , ടൂറിസം , ഡ്രൈവിങ് , ഹോട്ടൽ തുടങ്ങി സമസ്ത മേഖലകളിലും സ്ത്രീ സാന്നിധ്യം പ്രകടമാണ്.

എല്ലാറ്റിൽ നിന്നും മാറി നിൽക്കുന്ന ഒരു സ്ത്രീകളേയും അവിടെ പ്രതിക്ഷിക്കരുത്. വളരെ സന്തോഷമുള്ള മുഖത്തോടെ , നിറഞ്ഞ ചിരിയോടെ , കൈ വീശി ഹായ് പറഞ്ഞ് നമ്മളോട് അവർ പെരുമാറും. ഇനിയെങ്കിലും തായ് ലൻ്റിലേക്ക് കുടുസായ മനസില്ലാതെ യാത്ര ചെയ്യൂ...

Things You Need to Know Before Traveling to Thailand

Everything you need to know before traveling to Thailand. Thailand is a Southeast Asian country. It's known for tropical beaches, opulent royal palaces, ancient ruins and ornate temples displaying figures of Buddha.