മഴ നനയാന്‍ ഇന്ത്യന്‍ സഞ്ചാരികള്‍ക്ക് ഇഷ്ടം അതിരപ്പിള്ളി

കൊച്ചി: പരിസ്ഥിതിവാദികള്‍ എതിര്‍ക്കുന്ന അതിരപ്പിള്ളി വൈദ്യുത പദ്ധതി നടപ്പാക്കാതിരിക്കാന്‍ ഒരു കാരണംകൂടി.

മഴക്കാല ടൂറിസം പ്രദേശങ്ങളില്‍ ഇന്ത്യയില്‍ ഏറ്റവുമധികം ആളുകള്‍ സന്ദര്‍ശിക്കുന്ന വിനോദസഞ്ചാര കേന്ദ്രങ്ങളില്‍ ഒന്ന് അതിരപ്പിള്ളിയാണ്. മുംബൈ ആസ്ഥാനമായി പ്രവര്‍ത്തിക്കുന്ന എഫ്‍സിഎം ട്രാവല്‍ സൊല്യൂഷന്‍സ് എന്ന സ്ഥാപനം നടത്തിയ സര്‍വേയില്‍ നിന്നാണ് ഇത് വ്യക്തമായത്.

ജൂലൈ മുതല്‍ ഓഗസ്റ്റ് വരെയുള്ള മണ്‍സൂണ്‍ മാസങ്ങളില്‍ ഇന്ത്യയില്‍ ഏറ്റവും അധികം സന്ദര്‍ശകര്‍ എത്തുന്ന മേഖലകളില്‍ ഒന്നാണ് അതിരപ്പിള്ളി. ഹിമാചല്‍ സ്‍പിതിവാലി, തിന്‍സുകിയ (അസം), മണ്ഡു (മധ്യപ്രദേശ്), കൗശനി (ഉത്തരഖണ്ഡ്) എന്നിവിടങ്ങള്‍ക്കൊപ്പമാണ് അതിരപ്പിള്ളിയുടെ സ്ഥാനം.

ഈ വര്‍ഷത്തെ മണ്‍സൂണ്‍ സീസണില്‍ 30 ശതമാനം സഞ്ചാരികളുടെ വര്‍ധനവാണ് ഉണ്ടായത്. ബുക്കിങ്ങില്‍ 52 ശതമാനം വര്‍ധനയുമുണ്ട്. ഒറ്റയ്‍ക്ക് സഞ്ചരിക്കുന്നവരുടെ എണ്ണത്തില്‍ 15 ശതമാനത്തിന്‍റെ വര്‍ധനയുമുണ്ട്.

Monsoon tourism sees increase, Athirapally tops in Kerala

Kerala's Athirapally was featured in the popular monsoon tourism destinations in India. The overall growth of Monsoon tourism is 30%, says FCM Travel Solutions, a Mumbai based travel company.