ആള്ക്കാരുമായി ഇടപെടാം
യാത്ര ചെയ്യുമ്പോള് ആള്ക്കാരുമായി ഇടപെടേണ്ട അവസരങ്ങള് ധാരാളമായി ഉണ്ടാകുന്നു. ഒറ്റയ്ക്കാണ് യാത്രയെങ്കില്പ്പോലും പലരുമായും അടുത്തിടപെടേണ്ട അവസ്ഥ വരും. ചിലപ്പോള് നിങ്ങള് താമസിക്കുന്ന ഹോട്ടലിലെ സ്റ്റാഫുമായായിരിക്കും, അതുമല്ലെങ്കില് നിങ്ങള് യാത്ര ചെയ്യുന്ന കാറിന്റെ ഡ്രൈവറുമായായിക്കും. അവരുടെ കഥകള് കേള്ക്കാന് ചിലപ്പോള് അവസരം ലഭിക്കും. നിങ്ങളുടെ കഥയെക്കാള് ദയനീയമായിരിക്കും അവരുടെ കഥ. അതിനെയൊക്കെ അതിജീവിച്ച് അവര് സന്തോഷത്തോടെ ജോലി ചെയ്യുന്നു. ഇത്തരക്കാരിലൂടെ നിങ്ങള്ക്ക് പ്രചോദനവും ലഭിക്കും. ഗ്രാമങ്ങളിലേക്കാണ് യാത്രയെങ്കില് നാട്ടുകാരുമായി സമയം ചെലവഴിക്കാന് അവസരം ലഭിച്ചാല് അതും പാഴാക്കരുത്. അവരുടെ കുടുംബത്തെക്കുറിച്ചും അവര് ചെയ്യുന്ന ജോലിയെക്കുറിച്ചൊക്കെ മനസ്സിലാക്കി അവരുമായി സൗഹൃദം സ്ഥാപിക്കാം. അവരുമായി സമയം ചെലവഴിക്കുന്ന അത്രയും സമയം നിങ്ങളുടെ മനസ്സില് മറ്റ് വിഷമങ്ങളൊന്നുമുണ്ടാവില്ല. കൂട്ടമായി യാത്ര ചെയ്യുമ്പോള് കൂടെ യാത്ര ചെയ്യുന്നവരുമായി സമയം ചെലവഴിക്കാന് അവസരമുണ്ടാകും. കൂട്ടത്തില് കുട്ടികളുണ്ടെങ്കില് അവരുടെ പ്രവര്ത്തികള് വീക്ഷിക്കാം. അവര് യാത്രയെ ഇഷ്ടപ്പെടുന്നതും ആര്ത്തുല്ലസിക്കുന്നതുമൊക്കെ കാണാം. അവരോടൊപ്പം വിനോദപരിപാടികളില് ഏര്പ്പെടുകയും ചെയ്യാം. ഇത് നിങ്ങള്ക്ക് ആനന്ദം പകരുമെന്ന കാര്യത്തില് സംശയമില്ല.
പ്രകൃതിയുമായി അടുക്കാം
പ്രകൃതിയുമായി ഇണങ്ങി നില്ക്കുന്ന സ്ഥലങ്ങളിലേക്കുള്ള യാത്രകള് നിങ്ങളെ സഹായിക്കാനാകും. കാടുകളും കാട്ടരുവികളും മലനിരകളുമൊക്കെ സന്തോഷം പകരുന്ന കാര്യങ്ങളാണ്. തനിച്ചാണ് യാത്രയെങ്കിലും പ്രകൃതി സൗന്ദര്യം പരമാവധി ആസ്വദിക്കുക വഴി കുറച്ചു സമയത്തേക്ക് എല്ലാ വിഷമങ്ങളില് നിന്നും മോചനം ലഭിച്ചേക്കും. പഠനങ്ങളും ഇക്കാര്യം തെളിയിച്ചിട്ടുണ്ട്. പ്രകൃതിയുമായി കൂടുതല് സമയം ചെലവഴിക്കുമ്പോള് മനസിന് ഉണര്വ് ലഭിക്കുന്നു. പച്ചപ്പ് നിറഞ്ഞ കാടുകളും ഹില്സ്റ്റേഷനുകളും അരുവികളുമൊക്കെ ഇതിന് സഹായിക്കും. യാത്ര പ്ലാന് ചെയ്യുമ്പോള് അത്തരത്തില് പ്രകൃതിയുമായി അടുത്തു നില്ക്കുന്ന സ്ഥലങ്ങള് നോക്കി തെരഞ്ഞെടുക്കാം.
Also read: ഷിംലയും മണാലിയും വിട്ട് ഹിമാചലിലെ ഗ്രാമങ്ങളില് ചെന്ന് രാപ്പാര്ക്കാം
ശരീരാധ്വാനവും സഹായിക്കും
മാനസിക സംഘര്ഷത്തിലൂടെ കായികമായും നേരിടാം. ട്രെക്കിംഗ്, റിവര് ക്രോസിംഗ് അടക്കമുള്ള കായിക വിനോദങ്ങളുള്ള വിനോദ സഞ്ചാര കേന്ദ്രങ്ങള് ധാരാളമുണ്ട് ഇന്ത്യയില്. ഇത്തരം സ്ഥലങ്ങളിലേക്ക് യാത്ര പ്ലാന് ചെയ്യാം. എല്ലാം മറന്ന് കാടും മലകളുമൊക്കെ കീഴടക്കി മുന്നേറാം. നല്ല കായികക്ഷമത ആവശ്യമായ ട്രെക്കിങ്ങിലും മറ്റുമൊക്കെ പങ്കെടുക്കുന്നതിലൂടെ മനിസിലെ ചിന്തകളെ വഴിതിരിച്ചു വിടാനാകും. ട്രെക്കിങ്ങിന് പോകാന് പറ്റിയ ധാരാളം സ്ഥലങ്ങള് കേരളത്തില് തന്നെയുണ്ട്. ട്രെക്കിങ്ങിനൊപ്പം പ്രകൃതി സൗന്ദര്യം ആസ്വദിക്കാനും ആവുന്നു. ഇതിലൂടെ ശീരീരത്തിനും മനസിനും പുത്തനുണര്വ് ലഭിക്കും.
Also read: സഞ്ചാരികളെ ഞെട്ടിക്കാന് ആതീവ ഗ്ലാമറസായി കാശ്മീര്; എങ്ങനെയെന്ന് ഈ ചിത്രങ്ങൾ പറയും
കൂടുതല് യാത്ര, നല്ല ഉറക്കം
ഉറക്കമില്ലായ്മയാണ് മറ്റൊരു പ്രശ്നം. ടെന്ഷനും സ്ട്രെസും കൂടി ഉറക്കം നഷ്ടപ്പെടുന്ന അവസ്ഥയുണ്ടാകുന്നു. ഉറങ്ങാന് ഉറക്കഗുളികയുടെ സഹായം തേടുന്നു. എന്നാല് ജോലിയില് നിന്ന് ഒരു ഇടവേളയെടുത്ത് കറങ്ങാന് പറ്റിയാല് അത് മുതലാക്കുക. ദൂരെ സ്ഥലങ്ങളിലേക്ക് യാത്ര ചെയ്യുക. ട്രെക്കിംഗ് ചെയ്യാനുള്ള അവസരങ്ങള് പാഴാക്കരുത്. ശരീരം നന്നായി തളരുന്നത് നല്ലതാണ്. ദീര്ഘനേരത്തെ യാത്ര കഴിയുമ്പോള് സ്വാഭാവികമായും തളരും. വൈകുന്നേരം ഈ ക്ഷീണം ഉറങ്ങിത്തീര്ക്കാം, ഒരു ഉറക്കഗുളിയയുടേയും സഹായമില്ലാതെ.
Also read: ഇപ്പോള് സീസണാണ്; ചിക്മഗലൂരിലെ ഈ സ്ഥലങ്ങള് നഷ്ടപ്പടുത്തരുത്
ലോകം നിങ്ങളുടേതു മാത്രമല്ല
വിവിധ സ്ഥലങ്ങളിലേക്കുള്ള യാത്ര നിങ്ങളെ അതത് സ്ഥലങ്ങളിലെ സംസ്കാരത്തെക്കുറിച്ച് മനസ്സിലാക്കി തരുന്നു. പല തരം മനുഷ്യരെയും അവര് ജീവിക്കുന്ന വ്യത്യസ്ത സാഹചര്യങ്ങളുമൊക്കെ നിങ്ങള്ക്ക് കാണാനാകുന്നു. പല പാഠങ്ങളും ഇത്തരത്തിലുള്ള യാത്രകളില് നിന്ന് പഠിക്കാം. നിങ്ങള് ജീവിക്കുന്ന ലോകത്തിന് പുറമെ പുറത്ത് മറ്റൊരു ലോകമുണ്ടെന്ന് ആ യാത്ര മനസ്സിലാക്കിത്തരുന്നു. പ്രകൃതി നിങ്ങള്ക്കായി ഒരുക്കിവെച്ചിരിക്കുന്ന വിരുന്ന് ആസ്വദിക്കാന് ശ്രമിക്കുക എന്നതാണ് നമ്മുടെ കടമ. അത് ഭംഗിയായി നിറവേറ്റുക.