PC: Kerala Tourism (Youtube)
'ഓണപ്പൊട്ടനെ'ക്കുറിച്ച് കേട്ടിട്ടുണ്ടോ? തെക്കന് കേരളത്തില് അധികം പ്രചാരമില്ലാത്ത ഈ തെയ്യരൂപം വടക്കേ മലബാര് പ്രദേശങ്ങളില് ഓണത്തോടനുബന്ധിച്ച് അവതരിപ്പിക്കപ്പെടുന്ന ഒരു അനുഷ്ഠാനമാണ് (Kerala Ritual art Onapottan). കോഴിക്കോട്, കണ്ണൂര് ജില്ലകളിലെ ഉള്പ്രദേശങ്ങളില് ഓണക്കാലത്താണ് ഓണേശ്വരന് എന്നും അറിയപ്പെടുന്ന ഓണപ്പൊട്ടന് തെയ്യം കൂടുതലായി കാണുന്നത്. ഇപ്പോള് അന്യം നിന്നുപൊയ്ക്കൊണ്ടിരിക്കുന്ന ഈ അനുഷ്ഠാന കല നിലനിര്ത്തുന്നതിനായി കേരള വിനോദസഞ്ചാര വകുപ്പ് ഇടപെടുന്നുവെന്നാണ് ടൂറിസം മന്ത്രി പി എ മുഹമ്മദ് റിയാസ് പറഞ്ഞിരിക്കുന്നത്. തന്റെ ഔദ്യോഗിക ഫേസ്ബുക്ക് പോസ്റ്റില് ഓണപ്പൊട്ടനെക്കുറിച്ചുള്ള ടൂറിസം വകുപ്പിന്റെ വീഡിയോ പങ്കുവച്ചുക്കൊണ്ട് ടൂറിസം മന്ത്രി കുറിച്ചത് ഇങ്ങനെയാണ് - ''ഉത്തര മലബാറിലും വള്ളുവനാട്ടിലുമൊക്കെ ഓണത്തിന് വീടുവീടാന്തരം വരുന്ന അനുഷ്ഠാന കലയാണ് ഓണപ്പൊട്ടന്. കൈയ്യില് കൈമണി കിലുക്കി ഓലക്കുടയേന്തി കിരീടം ധരിച്ച് കൈതനാരുകൊണ്ട്, വായ് മൂടുന്ന താടി വെച്ചാണ് ഓണപ്പൊട്ടന് എത്തുക. ഓണത്തിന്റെ വരവറിയിച്ച് ഉത്രാടത്തിനും തിരുവോണത്തിനുമാണ് ഈ വരവ്.
വായ് തുറക്കാത്ത, സംസാരിക്കാത്ത വേഷമായതിനാലാണ് ഓണപ്പൊട്ടനെന്ന പേര്. കാല് നിലത്തുറപ്പിച്ചു വെക്കാതെ എപ്പോഴും താളത്തിലാകും നടപ്പ്. പ്രജകളെ കാണാനെത്തുന്ന മഹാബലിയുടെ പ്രതിരൂപമാണ് ഓണപ്പൊട്ടനെന്നാണ് സങ്കല്പം. ദക്ഷിണയും അരിയും ഓണപ്പുടവയും നല്കിയാവും ഓണപ്പൊട്ടനെ വീട്ടുകാര് യാത്രയാക്കുക.'' ഇത്തരം അനുഷ്ഠാനകലകള് അന്യം നിന്നു പോകാതെ സംരക്ഷിക്കുന്നതിനും അവ ജനങ്ങളിലേക്ക് കൂടുതല് എത്തിക്കുന്നതിനുമുള്ള ടൂറിസം വകുപ്പിന്റെ ശ്രമമാണ് ഈ വീഡിയോയെന്നും മുഹമ്മദ് റിയാസ് കൂട്ടിച്ചേര്ത്തുണ്ട്.
ഓണത്തെയ്യത്തില്ത്തന്നെ സംസാരിക്കാത്ത ഒരു തെയ്യ രൂപമാണ് ഇത്. രാജഭരണക്കാലം മുതല് ഓണപ്പൊട്ടന് തെയ്യം അനുഷ്ഠിച്ചു വരുന്നുണ്ട്. മലയസമുദായക്കാര്ക്കാണ് വേഷം കെട്ടാനുള്ള അവകാശം. ഓണത്തെയ്യത്തെപ്പോലെതന്നെ ചിങ്ങത്തിലെ ഉത്രാടത്തിനും തിരുവോണത്തിനുമാണ് ഓണപ്പൊട്ടന് പ്രദേശത്തെ വീടുതോറും എത്തുന്നത്. ഓണപ്പൊട്ടന് വീടുകളിലുത്തുന്നത് ഐശ്വര്യമാണെന്നാണ് കരുതുന്നത്.
കൈതനാരുകൊണ്ട് തലമുടിയും താടിയും കൂടാതെ മുഖത്ത് ചുമന്ന ചായവും തലയില് കിരീടവും, കൈവളകളും, പ്രത്യേകരീതിയിലുള്ള ചുമന്ന ഉടുപ്പും ഒക്കെയുള്ള ആടയാഭരണങ്ങളും കുരുത്തോലക്കുടയുമാണ് ഓണപ്പൊട്ടന്റെ വേഷവിധാനം. ഓണപ്പൊട്ടന് എപ്പോഴും താളം ചവിട്ടി മണികിലുക്കിയാണ് വീടുകളില് എത്തുക. പ്രത്യേക താളത്തിലുള്ള കൈമണി ശബ്ദം, ഓണം വരുന്നു എന്ന സന്ദേശമാണ് നല്കുന്നത്. ഓണപ്പൊട്ടന് അകമ്പടിയായി ഒരു ചെണ്ടയുമുണ്ടാകും.
ഉത്തര മലബാറില് പലയിടങ്ങളിലും ഇപ്പോഴും ഓണപ്പൊട്ടന് അനുഷ്ഠാനങ്ങളുണ്ടെങ്കിലും അന്യം നിന്നുപൊയ്ക്കൊണ്ടിരിക്കുന്ന തെയ്യരൂപങ്ങളുടെ കൂട്ടത്തിലാണ് ഇതിനെയും ഉള്പ്പെടുത്തിയിരിക്കുന്നത്. ചിങ്ങത്തിലെ അത്തതിന് ആരംഭിച്ച ഓണത്തിന്റെ ഒന്പതാം ദിവസം ഉത്രാടത്തിനും പത്താം ദിവസം തിരുവോണത്തിനുമാണ് സാധാരണ ഓണപ്പൊട്ടന് വീടുകളില് എത്തുക. ഇത്തവണത്തെ ഓണം, ഓഗസ്റ്റ് 30-ന് (അത്തം) ആരംഭിച്ചിരുന്നു. സെപ്റ്റംബര് ഏഴിനും എട്ടിനുമാണ് ഉത്രാടവും തിരുവോണവും ആഘോഷിക്കുന്നത്.
ദൈവത്തിന്റെ സ്വന്തം നാട് എന്ന് വിശേഷിപ്പിക്കുന്ന നമ്മുടെ മലയാളനാട്ടില് ഏറ്റവും ആഘോഷിക്കപ്പെടുന്ന ഉത്സവമാണ് ഓണം. ഒട്ടനവധി വര്ണ്ണങ്ങളുടെയും കലകളുടെയും സമന്വയമാണ് ഓണം. ഇവിടുത്തെ ഓരോനാട്ടിലും ഓണത്തോടനുബന്ധിച്ച് നാടന് അനുഷ്ഠാനങ്ങളോ കലകളോ കഥാപാത്രങ്ങളോ ഒക്കെയുണ്ടാകാറുണ്ട്.
കേരളത്തിലെ പ്രദേശങ്ങള് ഇനിയുള്ള നാളുകളില് ഓണപ്പാട്ടും, ഓണവില്ലും, പുലികളിയും, തിരുവാതിരയും, ഓണത്തല്ലും, ഓണസദ്യയും ഒക്കെയായി ആഘോഷതിമിര്പ്പിലാകും. അന്യം നിന്നുപോകുന്ന ഓണപ്പൊട്ടനെപ്പോലെയുള്ള പല കലകളെയും ചേര്ത്ത് പിടിക്കാനുള്ള ഒരു അവസരം കൂടിയാണ് ഈ ആഘോഷങ്ങള്.
'ഓണപ്പൊട്ടനെ'ക്കുറിച്ച് കേട്ടിട്ടുണ്ടോ? തെക്കന് കേരളത്തില് അധികം പ്രചാരമില്ലാത്ത ഈ തെയ്യരൂപം വടക്കേ മലബാര് പ്രദേശങ്ങളില് ഓണത്തോടനുബന്ധിച്ച് അവതരിപ്പിക്കപ്പെടുന്ന ഒരു അനുഷ്ഠാനമാണ് (Kerala Ritual art Onapottan). കോഴിക്കോട്, കണ്ണൂര് ജില്ലകളിലെ ഉള്പ്രദേശങ്ങളില് ഓണക്കാലത്താണ് ഓണേശ്വരന് എന്നും അറിയപ്പെടുന്ന ഓണപ്പൊട്ടന് തെയ്യം കൂടുതലായി കാണുന്നത്. ഇപ്പോള് അന്യം നിന്നുപൊയ്ക്കൊണ്ടിരിക്കുന്ന ഈ അനുഷ്ഠാന കല നിലനിര്ത്തുന്നതിനായി കേരള വിനോദസഞ്ചാര വകുപ്പ് ഇടപെടുന്നുവെന്നാണ് ടൂറിസം മന്ത്രി പി എ മുഹമ്മദ് റിയാസ് പറഞ്ഞിരിക്കുന്നത്.
വായ് തുറക്കാത്ത, സംസാരിക്കാത്ത വേഷമായതിനാലാണ് ഓണപ്പൊട്ടനെന്ന പേര്. കാല് നിലത്തുറപ്പിച്ചു വെക്കാതെ എപ്പോഴും താളത്തിലാകും നടപ്പ്. പ്രജകളെ കാണാനെത്തുന്ന മഹാബലിയുടെ പ്രതിരൂപമാണ് ഓണപ്പൊട്ടനെന്നാണ് സങ്കല്പം. ദക്ഷിണയും അരിയും ഓണപ്പുടവയും നല്കിയാവും ഓണപ്പൊട്ടനെ വീട്ടുകാര് യാത്രയാക്കുക.'' ഇത്തരം അനുഷ്ഠാനകലകള് അന്യം നിന്നു പോകാതെ സംരക്ഷിക്കുന്നതിനും അവ ജനങ്ങളിലേക്ക് കൂടുതല് എത്തിക്കുന്നതിനുമുള്ള ടൂറിസം വകുപ്പിന്റെ ശ്രമമാണ് ഈ വീഡിയോയെന്നും മുഹമ്മദ് റിയാസ് കൂട്ടിച്ചേര്ത്തുണ്ട്.
ഓണത്തെയ്യത്തില്ത്തന്നെ സംസാരിക്കാത്ത ഒരു തെയ്യ രൂപമാണ് ഇത്. രാജഭരണക്കാലം മുതല് ഓണപ്പൊട്ടന് തെയ്യം അനുഷ്ഠിച്ചു വരുന്നുണ്ട്. മലയസമുദായക്കാര്ക്കാണ് വേഷം കെട്ടാനുള്ള അവകാശം. ഓണത്തെയ്യത്തെപ്പോലെതന്നെ ചിങ്ങത്തിലെ ഉത്രാടത്തിനും തിരുവോണത്തിനുമാണ് ഓണപ്പൊട്ടന് പ്രദേശത്തെ വീടുതോറും എത്തുന്നത്. ഓണപ്പൊട്ടന് വീടുകളിലുത്തുന്നത് ഐശ്വര്യമാണെന്നാണ് കരുതുന്നത്.
കൈതനാരുകൊണ്ട് തലമുടിയും താടിയും കൂടാതെ മുഖത്ത് ചുമന്ന ചായവും തലയില് കിരീടവും, കൈവളകളും, പ്രത്യേകരീതിയിലുള്ള ചുമന്ന ഉടുപ്പും ഒക്കെയുള്ള ആടയാഭരണങ്ങളും കുരുത്തോലക്കുടയുമാണ് ഓണപ്പൊട്ടന്റെ വേഷവിധാനം. ഓണപ്പൊട്ടന് എപ്പോഴും താളം ചവിട്ടി മണികിലുക്കിയാണ് വീടുകളില് എത്തുക. പ്രത്യേക താളത്തിലുള്ള കൈമണി ശബ്ദം, ഓണം വരുന്നു എന്ന സന്ദേശമാണ് നല്കുന്നത്. ഓണപ്പൊട്ടന് അകമ്പടിയായി ഒരു ചെണ്ടയുമുണ്ടാകും.
ഉത്തര മലബാറില് പലയിടങ്ങളിലും ഇപ്പോഴും ഓണപ്പൊട്ടന് അനുഷ്ഠാനങ്ങളുണ്ടെങ്കിലും അന്യം നിന്നുപൊയ്ക്കൊണ്ടിരിക്കുന്ന തെയ്യരൂപങ്ങളുടെ കൂട്ടത്തിലാണ് ഇതിനെയും ഉള്പ്പെടുത്തിയിരിക്കുന്നത്. ചിങ്ങത്തിലെ അത്തതിന് ആരംഭിച്ച ഓണത്തിന്റെ ഒന്പതാം ദിവസം ഉത്രാടത്തിനും പത്താം ദിവസം തിരുവോണത്തിനുമാണ് സാധാരണ ഓണപ്പൊട്ടന് വീടുകളില് എത്തുക. ഇത്തവണത്തെ ഓണം, ഓഗസ്റ്റ് 30-ന് (അത്തം) ആരംഭിച്ചിരുന്നു. സെപ്റ്റംബര് ഏഴിനും എട്ടിനുമാണ് ഉത്രാടവും തിരുവോണവും ആഘോഷിക്കുന്നത്.
ദൈവത്തിന്റെ സ്വന്തം നാട് എന്ന് വിശേഷിപ്പിക്കുന്ന നമ്മുടെ മലയാളനാട്ടില് ഏറ്റവും ആഘോഷിക്കപ്പെടുന്ന ഉത്സവമാണ് ഓണം. ഒട്ടനവധി വര്ണ്ണങ്ങളുടെയും കലകളുടെയും സമന്വയമാണ് ഓണം. ഇവിടുത്തെ ഓരോനാട്ടിലും ഓണത്തോടനുബന്ധിച്ച് നാടന് അനുഷ്ഠാനങ്ങളോ കലകളോ കഥാപാത്രങ്ങളോ ഒക്കെയുണ്ടാകാറുണ്ട്.
കേരളത്തിലെ പ്രദേശങ്ങള് ഇനിയുള്ള നാളുകളില് ഓണപ്പാട്ടും, ഓണവില്ലും, പുലികളിയും, തിരുവാതിരയും, ഓണത്തല്ലും, ഓണസദ്യയും ഒക്കെയായി ആഘോഷതിമിര്പ്പിലാകും. അന്യം നിന്നുപോകുന്ന ഓണപ്പൊട്ടനെപ്പോലെയുള്ള പല കലകളെയും ചേര്ത്ത് പിടിക്കാനുള്ള ഒരു അവസരം കൂടിയാണ് ഈ ആഘോഷങ്ങള്.