പാലസ് ഓണ് വീല്സ്
ഇന്ത്യയിലെ പഴക്കമേറിയ ആഡംബര ട്രെയിനുകളിലൊന്നാണ് പാലസ് ഓണ് വീല്സ്. രാജസ്ഥാനെ തൊട്ടറിഞ്ഞുള്ള ഒരു യാത്രയായിരിക്കും ഈ ട്രെയിന് സമ്മാനിക്കുക. രാജസ്ഥാന്റെ പ്രമുഖമായ സ്ഥലങ്ങള് കേന്ദ്രീകരിച്ചായിരിക്കും യാത്ര. എല്ലാവിധ അത്യാനുധിക സൗകര്യങ്ങളോടുംകൂടിയായിരിക്കും യാത്ര. എല്ലാ കോച്ചുകളിലും മികച്ച സൗകര്യങ്ങള് ഒരുക്കിയിട്ടുണ്ട്. ഇതിന് പുറമെ രാജസ്ഥാന്റെ തനതായ ഭക്ഷണവിഭവങ്ങളളാകും നിങ്ങള്ക്കു മുന്നില് വിളമ്പുക.
മഹാരാജാസ് എക്സപ്രസ്
ലോകത്തെ തന്നെ ഏറ്റവും ആഡംബരമേറിയ ട്രെയിനുകളിലൊന്നാണ് മഹാരാജാസ് എക്സപ്രസ്. മഹാരാജാസ് എന്ന പേരു സൂചിപ്പിക്കുന്നതു പോലെ തന്നെ ഈ ട്രെയിനിലെ യാത്ര രാജകീമയമായിരിക്കുമെന്ന കാര്യത്തില് സംശയമില്ല. ട്രെയിനിന്റെ കോച്ചുകളില് പണ്ട് രാജകൊട്ടാരങ്ങളില് ഉപയോഗിച്ചിരുന്ന തരം ഫര്ണീച്ചറുകളാണ്. സിംഹാസനത്തെ ഓര്മ്മപ്പെടുത്തുന്ന തരത്തിലുള്ള ഇരിപ്പിടങ്ങള് ട്രെയിനില് കാണാം. കാര്പ്പറ്റുകള്, മികവാര്ന്ന പെയിന്റിങ്ങുകള്, പഞ്ഞിക്കെട്ട് പോലത്തെ കിടക്കകള് തുടങ്ങിയവയ്ക്ക് പുറമെ അത്യാധുനിക സൗകര്യങ്ങളും ലഭ്യമാണ്. വൈ-ഫൈ സൗകര്യം, എല്സിഡി ടെലിവിഷന് തുടങ്ങിയവയും ട്രെയിനില് കാണാം. ഭക്ഷണം വിളമ്പുന്ന പാത്രങ്ങള്ക്കും ഗ്ലാസുകള്ക്കും വരെ രാജകീയത വരുത്തിയിട്ടുണ്ട് എന്നതാണ് പ്രത്യേകത. വടക്കേയിന്ത്യയിലെ ചരിത്രപ്രാധാന്യമുള്ള സ്ഥലങ്ങളെ ബന്ധിപ്പിച്ചാണ് മഹാരാജാസ് എക്സപ്രസ് സര്വീസ് നടത്തുന്നത്.
ലൈഫ്ലൈന് എക്സ്പ്രസ്
പേരു പോലെ തന്നെ ഇതൊരു ജീവന് രക്ഷാ എക്സപ്രസാണ്. ജീവന് രേഖ എക്സ്പ്രസ് എന്നൊരു പേരു കൂടി ഈ ട്രെയിനിനുണ്ട്. 1991ലാണ് ഈ ട്രെിയിന് സര്വീസ് ആരംഭിക്കുന്നത്. സഞ്ചരിക്കുന്ന ഒരു ആശുപത്രിയാണിത്. ഓപ്പറേഷന് തിയേറ്ററുകളും രോഗികളെ കിടത്താനുള്ള വാര്ഡുകളുമൊക്കെ ഈ ട്രെയിനിനുള്ളില് സജ്ജീകരിച്ചിട്ടുണ്ട്. മരുന്നുകളുടെ വന് ശേഖരവുമുണ്ട്. ഗ്രാമീണ മേഖലയിലുള്ളവരെ ലക്ഷ്യമാക്കിയാണ് ആ സര്വീസ് ആരംഭിച്ചത്. എത്രയും വേഗം ചികിത്സ ലഭ്യമാക്കുക എന്നതാണ് പ്രധാന ലക്ഷ്യം.
Also read: വെറുമൊരു കോട്ടയല്ല; ഇതിനുള്ളില് ജീവിക്കുന്നത് 4000 പേര്
ഡെക്കാന് ഒഡിസി
ഇന്ത്യയിലെ മറ്റൊരു പ്രമുഖ ലക്ഷ്വറി ട്രെയിനാണ് ഡെക്കാന് ഒഡിസി. രാജസ്ഥാന്, മുംബയ്, നാസിക്, കോലാപൂര്, ഔറംഗബാദ്, തഡോബ, അജന്ത കേവ്സ്, ഗോവ തുടങ്ങിയ സ്ഥലങ്ങളില് കറങ്ങാന് ഈ ട്രെയിന് തെരഞ്ഞെടുക്കാം. എട്ടു പകലും ഏഴു രാത്രികളും അടങ്ങുന്ന പാക്കേജ് തെരഞ്ഞെടുത്ത് മേല്പ്പറഞ്ഞ സ്ഥലങ്ങള് സന്ദര്ശിക്കാം.
Also read: സന്തോഷവാര്ത്ത: മഹാരാഷ്ട്രയിലെ നേരല്-മാതരന് ടോയ് ട്രെയിന് സര്വീസ് ഉടന് പുനരാരംഭിക്കും
റോയല് രാജസ്ഥാന് ഓണ് വീല്സ്
രാജസ്ഥാനിലെ ചരിത്രപ്രാധാന്യമുള്ള സ്ഥലങ്ങളിലൂടെയുള്ള ഒരു ആഡംബര യാത്രയാണ് റോയല് രാജസ്ഥാന് ഓണ് വീല്സ് എന്ന ട്രെയിന് സാധ്യമാക്കുന്നത്. പാലസ് ഓണ് വീല്സ് ട്രെയിനിനെ അപേക്ഷിച്ച് കൂടുതല് കോച്ചുകള് ഈ ട്രെയിനിനുണ്ട്. ട്രെയിനിന്റെ പുറം ഭാഗത്ത് നല്കിയിരിക്കുന്ന സ്വര്ണ നിറത്തിലുള്ള പെയിന്റിങ് ട്രെയിനിന് ഒരു രാജകീയ ലുക്ക് സമ്മാനിക്കുന്നു. ഉള്വശവും മികച്ച രീതിയില് തന്നെ സജ്ജീകരിച്ചിട്ടുണ്ട്. എല്ലാ ഭാഗത്തും ആഡ്യത്വം നിറഞ്ഞു നില്ക്കുന്നത് പ്രകടമാണ്.
Also read: മുംബയില് പോയാൽ ചെയ്യാന് പാടില്ലാത്ത കാര്യങ്ങള്
ഗോള്ഡന് ചാരിയറ്റ്
മറ്റൊരു ആഡംബര ട്രെയിനാണ് ഗോള്ഡന് ചാരിയറ്റ്. ദക്ഷിണേന്ത്യയിലെ റോക്ക് കട്ട് ക്ഷേത്രങ്ങള്, ഗോവയിലെ ബീച്ചുകള്, കേരളത്തിലെ കായല് സൗന്ദര്യം എന്നിവ ആസ്വദിക്കാന് ഗോള്ഡന് ചാരിയറ്റ് തെരഞ്ഞെടുക്കാം. കേരള, കര്ണാടക, തമിഴ്നാട്, ഗോവ തുടങ്ങിയ സംസ്ഥാനങ്ങളിലൂടെ യാത്ര ചെയ്യുന്ന ട്രെയിനാണിത്. ഫൈവ് സ്റ്റാര് സൗകര്യങ്ങളെല്ലാം ട്രെയിനില് ലഭ്യമാകും.
ഫെയറി ക്വീന്
ബ്രിട്ടീഷുകാര് ഇന്ത്യ ഭരിച്ചിരുന്ന കാലത്ത് ആരംഭിച്ച ട്രെയിന് സര്വീസാണ് ഫെയറി ക്വീന്. 1855ലാണ് ഈ സര്വീസ് ആരംഭിച്ചത്. ഡല്ഹിയും ആല്വാറും തമ്മില് ബന്ധിപ്പിക്കുന്ന സര്വീസാണിത്. 1855ല് ആരംഭിച്ച സര്വീസ് ഇപ്പോഴും തുടര്ന്നു പോകുന്നു. വിനോദസഞ്ചാരികളെ ലക്ഷ്യമാക്കിയാണ് സര്വീസ് നടത്തുന്നത്. എല്ലാ ആഡംബര സൗകര്യങ്ങളുംകൂടിയതാണ് ഫെയറി ക്യൂന് ട്രെയിന്.
ഥാര് എക്സപ്രസ്
ഇന്ത്യയിലെ ജോധ്പൂരില് നിന്ന് പാകിസ്ഥാനിലെ കറാച്ചിയിലേക്ക് സര്വീസ് നടത്തുന്ന ട്രെയിനാണ് ഥാര് എക്സ്പ്രസ്. ഥാര് മരുഭൂമിയെ അനുസ്മരിച്ചാണ് ട്രെയിനിന് ഥാര് എക്സ്പ്രസ് എന്ന പേരു നല്കിയിരിക്കുന്നത്. ഇന്ത്യയില് നിന്നും പാകിസ്ഥാനില് നിന്നും ധാരാളം പേര് ആശ്രയിക്കുന്ന സര്വീസാണിത്.
സംഝോത എക്സപ്രസ്
അടിക്കടി വാര്ത്താപ്രാധാന്യം നേടാറുള്ള ട്രെയിനാണിത്. ഇന്ത്യയെയും പാകിസ്ഥാനെയും ബന്ധിപ്പിക്കുന്ന പ്രധാനപ്പെട്ട ട്രെയിനാണിത്. ആഴ്ച്ചയില് രണ്ടു ദിവസം ഈ ട്രെയിന് സര്വീസ് നടത്തുന്നു. ഇന്ത്യയിലെ അമൃത്സറിനും പാകിസ്ഥാനിലെ ലാഹോറിനും ഇടയിലാണ് സംഝോത എക്സ്പ്രസ് സര്വീസ് നടത്തുന്നത.് 1976ലാണ് ഈ ട്രെയിന് സര്വീസ് ആരംഭിച്ചത്. പാകിസ്ഥാനിലെ വാഗയിലും ഇന്ത്യയിലെ അടാരിയിലും കസ്റ്റം പരിശോധനകള്ക്കായി നര്ത്താറുണ്ട്.
മൈത്രി എക്സപ്രസ്
രാജ്യാന്തര അതിര്ത്തി കടക്കുന്ന മറ്റൊരു ട്രെയിനാണ് മൈത്രി എക്സ്പ്രസ്. ഇന്ത്യയെും ബംഗ്ലാദേശിനെയുമാണ് ഈ ട്രെയിന് ബന്ധിപ്പിക്കുന്നത്. ഇരു രാജ്യങ്ങളിലുമായി ജീവിക്കുന്ന ബന്ധുക്കളായ ആള്ക്കാരെ പരസ്പരം കണ്ടുമുട്ടാന് ഈ ട്രെയിന് സഹായിക്കുന്നു. ഇരു രാജ്യങ്ങളും തമ്മില് ബന്ധിപ്പിക്കുന്ന ഒരേയൊരു ട്രെയിനും ഇതുതന്നെ. പാസ്പോര്ട്ട് ചെക്കിങ്ങിനായി ഇന്ത്യയിലെ ജീഡിലും ബംഗ്ലാദേശിലെ ദര്ശനയിലും ഈ ട്രെയിന് നിര്ത്താറുണ്ട്. 2008ല് ഓടിത്തുടങ്ങിയ ഈ ട്രെയിന് ആഴ്ച്ചയില് ആറു ദിവസം സര്വീസ് നടത്തുന്നുണ്ട്.