വേനല്‍ക്കാലവും മഴക്കാലവും വേണ്ട
ഗുജറാത്തിലേക്ക് പോകാന്‍ തീരുമാനിച്ചിട്ടുള്ളവര്‍ ഒക്ടോബര്‍ മുതല്‍ മാര്‍ച്ച് വരെയുള്ള സമയം സന്ദര്‍ശനത്തിനായി തെരഞ്ഞെടുക്കുന്നതാണ് ഉചിതം. വേനല്‍ക്കാലത്ത് നല്ല ചൂടായിരിക്കും അനുഭവപ്പെടുക. അതോടൊപ്പം ചില സ്ഥലങ്ങളില്‍ മഴയും ലഭിക്കാറുണ്ട്. ഒരു ട്രിപ്പില്‍ ഗുജറാത്തിലെ ഒരു മേഖല മാത്രം സന്ദര്‍ശിക്കാന്‍ ശ്രമിക്കുക. എല്ലാ സ്ഥലങ്ങളും ഒന്നിച്ച് സന്ദര്‍ശിക്കാന്‍ ശ്രമിച്ചാല്‍ അത് അതിമോഹമാകും. ഓരോ സ്ഥലങ്ങളും സമയമെടുത്ത് തന്നെ കണ്ടു തീര്‍ക്കേണ്ടവയാണ്.
നോണ്‍ വെജിറ്റേറിന്‍സിന്റെ കണ്ണുനിറയ്ക്കും
ഗുജറാത്തില്‍ പോയി വിഭവ സമൃദ്ധമായി ഭക്ഷണം കഴിക്കാമെന്ന അതിമോഹം മാംസഭുക്കുകള്‍ വെച്ചു പുലര്‍ത്തരുത്. ഗുജറാത്തിലെങ്ങും സസ്യാഹാരങ്ങള്‍ക്കാണ് പ്രിയമേറെ. മുന്തിയ ഹോട്ടലുകളിലെല്ലാം വെജിറ്റേറിയന്‍ വിഭവങ്ങളായിരിക്കും പ്രധാനമായും ലഭിക്കുക. മറ്റ് സംസ്ഥാനങ്ങള്‍ക്കൊന്നുമില്ലാത്ത തരത്തില്‍ വിശാലമായ തീരദേശം ഉള്ള ഗുജറാത്തിലാണ് ഇതെന്ന് ഓര്‍ക്കണം. മീന്‍ വിഭവങ്ങള്‍ ഒന്നും അധികം പ്രതീക്ഷിക്കരുത്. എന്തിനേറെ പറയുന്നു ഇവിടത്തെ ഡൊമിനോസ് പിസയുടെ മെനുവില്‍പ്പോലും നോണ്‍ വെജ് വിഭവങ്ങളില്ല. അതേസമയം, വെജിറ്റേറിയന്‍ ഭക്ഷണപ്രേമികള്‍ക്ക് പരീക്ഷിക്കാവുന്ന നിരവധി ഡിഷുകള്‍ ഗുജറാത്തില്‍ ലഭ്യമാണ്. ഗുജ്ജു താലി അടക്കമുള്ളവ ഇവിടത്തെ തദ്ദേശീയരുടെ പ്രിയപ്പെട്ട വിഭവാണ്.
Also read: കേരളത്തിലെ ഈ സ്ഥലങ്ങള്‍ ഇനി 'വേറെ ലെവല്‍'
ഒഴിഞ്ഞ റോഡുകള്‍ ഒഴിവാക്കാം
ഗുജറാത്തില്‍ സുഹൃത്തുക്കളുണ്ടെങ്കില്‍ ഏറെ ജീവിക്കാന്‍ ഏറ്റവും സുരക്ഷിതമായ സ്ഥലമാണ് ഗുജറാത്ത് എന്ന് പറഞ്ഞിട്ടുണ്ടാകും. ഗൂജറാത്തിലെത്തുന്ന വിനോദസഞ്ചാരികളും വ്യത്യസ്ത അഭിപ്രായക്കാരല്ല. ടൂറിസ്റ്റുകള്‍ക്ക് ഗുജറാത്ത് സുരക്ഷിതമായ ഇടമാണെന്ന് പൊതുവെ പറയാറുമുണ്ട്. മറ്റ് സംസ്ഥാനങ്ങളെ അപേക്ഷിച്ച് ഗോവ സുരക്ഷിതമാണെന്നാണ് പൊതുവെയുള്ള അഭിപ്രായം. എന്നാല്‍ എപ്പോഴും ഇങ്ങനെയായിരിക്കുമെന്ന് കരുതരുത്. രാത്രികാലങ്ങളില്‍ ഒറ്റപ്പെട്ട റോഡുകള്‍ ഒഴിവാക്കുന്നതാണ് നല്ലത്. ദീര്‍ഘദൂരം ആളനക്കമില്ലാതെ കിടക്കുന്ന റോഡുകളുണ്ടാകും. പരിചയമില്ലാത്ത ഇത്തരം റോഡുകളിലൂടെയുള്ള നൈറ്റ് ഡ്രൈവ് ഒഴിവാക്കുക.
Also read: 144 നീക്കി; ഇനി കാര്‍ണിവലിന്റെ ദിനങ്ങള്‍
സ്വന്തമായി പ്ലാന്‍ ചെയ്യാം
മറ്റ് സ്ഥലങ്ങളെ അപേക്ഷിച്ച് ടൂര്‍ ഓപ്പറേറ്റര്‍മാര്‍ കുറവാണ്. ഇത് മുന്‍കൂട്ടി കണ്ടു വേണം ഗുജറാത്തിലേക്ക് ട്രിപ് പ്ലാന്‍ ചെയ്യാന്‍. നിങ്ങളുടെ ട്രിപ് സ്വന്തമായി പ്ലാന്‍ ചെയ്യാന്‍ ശ്രമിക്കുക. ഹോട്ടലുകള്‍ ബുക്ക് ചെയ്യുന്നതും ട്രെയിന്‍-ഫ്‌ളൈറ്റ് ടിക്കറ്റുകള്‍ ബുക്ക് ചെയ്യുന്നതും സ്വന്തമായി തന്നെ ചെയ്യാം. ഹോട്ടലുകളില്‍ തങ്ങിയതിന് ശേഷം അടുത്ത സ്ഥലത്തേക്ക് പോകാനായി ഹോട്ടില്‍ നിന്ന് തന്നെ ടാക്‌സി ബുക്ക് ചെയ്യാം. പോകാനുള്ള സ്ഥലങ്ങളെക്കുറിച്ച് വലിയ ധാരണയില്ലെങ്കില്‍ ഹോട്ടല്‍ ജീവനക്കാരോടൊ തദ്ദേശീയരായവരോടെ ചോദിച്ചു മനസ്സിലാക്കാവുന്നതാണ്. ഹിന്ദി അറിയാമെങ്കില്‍ ഹിന്ദിയില്‍ തന്നെ ഇവരുമായി ആശയവിനിമയം നടത്താന്‍ ശ്രമിക്കുക. പലര്‍ക്കും ഇംഗ്ലീഷ് അറിയണമെന്നില്ല. ഇംഗ്ലീഷ് സംസാരിക്കുന്നതിനെതിരായിട്ടുള്ളവരെയും കാണാന്‍ കഴിയും.