റവോങ്ല എന്ന ചെറുപട്ടണം വിസ്തൃതിയുടെ കാര്യത്തിലോ ജനസംഖ്യയുടെ കാര്യത്തിലോ ഒന്നും വലുതായ ഒരു പ്രദേശമല്ല. എന്നാല് പ്രകൃതിഭംഗിക്കൊണ്ടും അതിശയകരമായ ശില്പങ്ങള്ക്കൊണ്ടും ഈ ചെറുപട്ടണം അമ്പരപ്പിക്കും. ദക്ഷിണ സിക്കിം ജില്ലയില് സമുദ്രനിരപ്പില് നിന്ന് 8000 അടി ഉയരത്തിലാണ് റവോങ്ല പട്ടണം സ്ഥിതി ചെയ്യുന്നത്. സിക്കിമിലെ രണ്ട് പ്രധാന വിനോദസഞ്ചാര കേന്ദ്രങ്ങളായ (Sikkim Tourism) ഗാങ്ടോക്കിന്റെയും പെല്ലിങ്ങിന്റെയും മധ്യഭാഗത്താണ് ഈ പട്ടണമുള്ളത്. രണ്ട് വലിയ ടൂറിസം കേന്ദ്രത്തിന് നടുവിലാണെങ്കിലും, ഈ പട്ടണത്തില് അധികം തിരക്കോ ബഹളങ്ങളോ ഒന്നുമില്ല. അതിശയകരമാംവിധം ശാന്തമായ ഒരു പ്രദേശമാണിത്. ശാന്തമായ അന്തരീക്ഷത്തില് വിശ്രമിക്കാന് മാത്രമല്ല സഹൃദയരായ പ്രദേശവാസികളോടൊപ്പം പ്രാദേശിക പാരമ്പര്യങ്ങള് അനുഭവിക്കാനും ഗംഭീരമായ ചില ബുദ്ധക്ഷേത്രങ്ങള് സന്ദര്ശിക്കാനും ലോകത്തിലെ ഏറ്റവും ഉയരം കൂടിയ മൂന്നാമത്തെ പര്വ്വതമായ കാഞ്ചന്ജംഗ പര്വ്വതത്തിന്റെ ഏറ്റവും മനോഹരമായ ചില കാഴ്ചകള് കാണാനും ഇവിടെ അവസരമുണ്ട്.
ബൂട്ടിയ ഭാഷയില് നിന്നാണ് പ്രദേശത്തിന് റവോങ്ല എന്ന പേര് ലഭിച്ചത്. 'റ' എന്നാല് കാട്ടുചെമ്മരിയാട്, 'വോങ്' എന്നാല് വളര്ത്തുന്ന സ്ഥലം, 'ല' എന്നാല് ചുരം. ഇതു ചേര്ത്ത് ഈ പ്രദേശത്തെ റവോങ്ല എന്ന് വിളിച്ചുതുടങ്ങി. ഒട്ടേറെ ബുദ്ധ മോണാസ്ട്രീകള് ഉള്ള ഒരു പ്രദേശമാണിവിടം. കൂടാതെ തിബറ്റന് സമൂഹത്തിന്റെ ഒരു സെറ്റില്മെന്റ് കൂടിയാണ് പ്രദേശം. അപൂര്വ്വ ഔഷധ സസ്യങ്ങളുടെ കലവറ എന്ന് വിശേഷിപ്പിക്കുന്ന മാനേം വന്യജീവി സങ്കേതത്തിലേക്കുള്ള ട്രെക്കിംഗിന്റെ ആരംഭ കേന്ദ്രമാണീ പട്ടണം.
തഥാഗത സാല് എന്നറിയപ്പെടുന്ന ബുദ്ധ പാര്ക്കാണ് റവോങ്ലയിലെ പ്രധാന ആകര്ഷണങ്ങളിലൊന്ന്. ഇവിടെ, മഞ്ഞുമൂടിയ മലനിരകളുടെ പശ്ചാത്തലത്തില് 130 അടി ഉയരമുള്ള ശാക്യമുനി ബുദ്ധന്റെ പ്രതിമയുണ്ട്. അത്യാകര്ഷകമായ ഈ ഭീമാകാരന് ശില്പം വളരെ പ്രശസ്തമാണ്. ഗൗതമ ബുദ്ധന്റെ 2550-ാം ജന്മവാര്ഷികത്തോടനുബന്ധിച്ച് ദലൈലാമയാണ് ഈ ബുദ്ധ പ്രതിമയുടെ പ്രതിഷ്ഠാ ചടങ്ങുകള് നിര്വഹിച്ചത്. ഇപ്പോള് ഈ പ്രദേശം, ഹിമാലയന് ബുദ്ധ സര്ക്യൂട്ടിലെ ഏറ്റവും പ്രധാനപ്പെട്ട കേന്ദ്രങ്ങളില് ഒന്നാണ്.
ഈ പട്ടണത്തിലെ അടുത്ത ആകര്ഷണം റവോങ്ല ചൂടുനീരുറവകളാണ്. റലോങ് ചാ ചു എന്നറിയപ്പെടുന്ന ഈ ചൂടുനീരുറവയ്ക്ക് ഔഷധ ഗുണങ്ങളുണ്ടെന്ന് പ്രദേശവാസികള് വിശ്വസിക്കുന്നു. കൂടാതെ ഈ റവോങ്ലയില് നിന്ന് കാഞ്ചന്ജംഗ പര്വ്വതം കൂടാതെ പാണ്ടിം പര്വ്വതം, സിനിയോല്ച്ചു, കബ്രു പര്വ്വതം തുടങ്ങിയ ചില കൊടുമുടികളും കാണാന് സാധിക്കും. ഇവിടുത്തെ ഉയര്ന്ന പ്രദേശങ്ങള് ഏപ്രില്-മെയ് മാസങ്ങളില്, ഓര്ക്കിഡുകളും റോഡോഡെന്ഡ്രോണുകളും ഉള്പ്പെടെ നിരവധി പൂക്കളാല് ചുറ്റപ്പെട്ടിരിക്കും.
നിരവധി ഹിമാലയന് പക്ഷികളുടെ ഒരു സങ്കേതമാണ് ഈ പ്രദേശം. വെര്ഡിറ്റര് ഫ്ലൈകാച്ചറുകള്, ബ്ലൂ-ഫ്രണ്ട്ഡ് റെഡ്സ്റ്റാര്ട്ടുകള്, ഗ്രേ ബുഷ് ചാറ്റ്സ്, ഡാര്ക്ക് ത്രോട്ടട് ത്രഷ്, ബ്ലൂ വിസിലിംഗ്-ത്രഷ്, ഗ്രീന്-ബാക്ക്ഡ് ടിറ്റുകള്, വൈറ്റ് ബ്രൗഡ് ഫാന്റെയ്ല്സ് എന്നിവ പക്ഷികള് ഇവിടെ സാധാരണമാണ്. ചുറ്റുമുള്ള വനങ്ങളില് ലാഫിംഗ് ത്രഷുകള്, ബാബ്ലറുകള്, കുക്കൂസ്, ഹില് പാട്രിഡ്ജുകള് തുടങ്ങിയ മറ്റ് പക്ഷികളുണ്ട്. അപൂര്വ സറ്റീര് ട്രാഗോപന് എന്നിവയെയും കാണാം.
മിക്ക വടക്കുകിഴക്കന് സംസ്ഥാനങ്ങളിലെ പ്രദേശങ്ങള് പോലെ തന്നെ മഴക്കാലത്ത് ഈ പ്രദേശം അല്പ്പം കഠിനമായിരിക്കും. എന്നാല് സെപ്റ്റംബര് മുതല് നവംബര് വരെയുള്ള സമയം ഇവിടെ തികച്ചും ആനന്ദകരമായിരിക്കും. ഡിസംബര്, ജനുവരി സമയങ്ങളിലും പോകാം. ഈ സമയത്ത് നോര്ത്ത് സിക്കിമില് അനുഭവപ്പെടുന്നതുപോലെ അസ്ഥി കുളിര്ക്കുന്ന തണുപ്പാക്കില്ല. സുഖകരമായ തണുപ്പിന്റെ ഒരു അന്തരീക്ഷമായിരിക്കും. പുറത്തിറങ്ങി നടക്കാനും കാഴ്ചകള് കാണാനും ഒക്കെ പറ്റിയ ഒരു സമയമാണ്.
തിബറ്റന് സമൂഹങ്ങളുടെ കുഗ്രാമങ്ങളും തിബറ്റന് ബുദ്ധവിഹാരമായ റാലംഗ് മൊണാസ്ട്രിയും പഴയ ചില ആശ്രമങ്ങളും ഇവിടെ നിന്ന് 6 കിലോമീറ്റര് അകലെയാണ് സ്ഥിതി ചെയ്യുന്നത്. സിക്കിമിന്റെ തലസ്ഥാന നഗരമായ ഗാങ്ടോക്കില് നിന്ന് ഏകദേശം 65 കിലോമീറ്ററും പെല്ലിങ്ങില് നിന്ന് 50 കിലോമീറ്ററും അകലെയാണ് റവോങ്ല സ്ഥിതി ചെയ്യുന്നത്.
ബൂട്ടിയ ഭാഷയില് നിന്നാണ് പ്രദേശത്തിന് റവോങ്ല എന്ന പേര് ലഭിച്ചത്. 'റ' എന്നാല് കാട്ടുചെമ്മരിയാട്, 'വോങ്' എന്നാല് വളര്ത്തുന്ന സ്ഥലം, 'ല' എന്നാല് ചുരം. ഇതു ചേര്ത്ത് ഈ പ്രദേശത്തെ റവോങ്ല എന്ന് വിളിച്ചുതുടങ്ങി. ഒട്ടേറെ ബുദ്ധ മോണാസ്ട്രീകള് ഉള്ള ഒരു പ്രദേശമാണിവിടം. കൂടാതെ തിബറ്റന് സമൂഹത്തിന്റെ ഒരു സെറ്റില്മെന്റ് കൂടിയാണ് പ്രദേശം. അപൂര്വ്വ ഔഷധ സസ്യങ്ങളുടെ കലവറ എന്ന് വിശേഷിപ്പിക്കുന്ന മാനേം വന്യജീവി സങ്കേതത്തിലേക്കുള്ള ട്രെക്കിംഗിന്റെ ആരംഭ കേന്ദ്രമാണീ പട്ടണം.
തഥാഗത സാല് എന്നറിയപ്പെടുന്ന ബുദ്ധ പാര്ക്കാണ് റവോങ്ലയിലെ പ്രധാന ആകര്ഷണങ്ങളിലൊന്ന്. ഇവിടെ, മഞ്ഞുമൂടിയ മലനിരകളുടെ പശ്ചാത്തലത്തില് 130 അടി ഉയരമുള്ള ശാക്യമുനി ബുദ്ധന്റെ പ്രതിമയുണ്ട്. അത്യാകര്ഷകമായ ഈ ഭീമാകാരന് ശില്പം വളരെ പ്രശസ്തമാണ്. ഗൗതമ ബുദ്ധന്റെ 2550-ാം ജന്മവാര്ഷികത്തോടനുബന്ധിച്ച് ദലൈലാമയാണ് ഈ ബുദ്ധ പ്രതിമയുടെ പ്രതിഷ്ഠാ ചടങ്ങുകള് നിര്വഹിച്ചത്. ഇപ്പോള് ഈ പ്രദേശം, ഹിമാലയന് ബുദ്ധ സര്ക്യൂട്ടിലെ ഏറ്റവും പ്രധാനപ്പെട്ട കേന്ദ്രങ്ങളില് ഒന്നാണ്.
ഈ പട്ടണത്തിലെ അടുത്ത ആകര്ഷണം റവോങ്ല ചൂടുനീരുറവകളാണ്. റലോങ് ചാ ചു എന്നറിയപ്പെടുന്ന ഈ ചൂടുനീരുറവയ്ക്ക് ഔഷധ ഗുണങ്ങളുണ്ടെന്ന് പ്രദേശവാസികള് വിശ്വസിക്കുന്നു. കൂടാതെ ഈ റവോങ്ലയില് നിന്ന് കാഞ്ചന്ജംഗ പര്വ്വതം കൂടാതെ പാണ്ടിം പര്വ്വതം, സിനിയോല്ച്ചു, കബ്രു പര്വ്വതം തുടങ്ങിയ ചില കൊടുമുടികളും കാണാന് സാധിക്കും. ഇവിടുത്തെ ഉയര്ന്ന പ്രദേശങ്ങള് ഏപ്രില്-മെയ് മാസങ്ങളില്, ഓര്ക്കിഡുകളും റോഡോഡെന്ഡ്രോണുകളും ഉള്പ്പെടെ നിരവധി പൂക്കളാല് ചുറ്റപ്പെട്ടിരിക്കും.
നിരവധി ഹിമാലയന് പക്ഷികളുടെ ഒരു സങ്കേതമാണ് ഈ പ്രദേശം. വെര്ഡിറ്റര് ഫ്ലൈകാച്ചറുകള്, ബ്ലൂ-ഫ്രണ്ട്ഡ് റെഡ്സ്റ്റാര്ട്ടുകള്, ഗ്രേ ബുഷ് ചാറ്റ്സ്, ഡാര്ക്ക് ത്രോട്ടട് ത്രഷ്, ബ്ലൂ വിസിലിംഗ്-ത്രഷ്, ഗ്രീന്-ബാക്ക്ഡ് ടിറ്റുകള്, വൈറ്റ് ബ്രൗഡ് ഫാന്റെയ്ല്സ് എന്നിവ പക്ഷികള് ഇവിടെ സാധാരണമാണ്. ചുറ്റുമുള്ള വനങ്ങളില് ലാഫിംഗ് ത്രഷുകള്, ബാബ്ലറുകള്, കുക്കൂസ്, ഹില് പാട്രിഡ്ജുകള് തുടങ്ങിയ മറ്റ് പക്ഷികളുണ്ട്. അപൂര്വ സറ്റീര് ട്രാഗോപന് എന്നിവയെയും കാണാം.
മിക്ക വടക്കുകിഴക്കന് സംസ്ഥാനങ്ങളിലെ പ്രദേശങ്ങള് പോലെ തന്നെ മഴക്കാലത്ത് ഈ പ്രദേശം അല്പ്പം കഠിനമായിരിക്കും. എന്നാല് സെപ്റ്റംബര് മുതല് നവംബര് വരെയുള്ള സമയം ഇവിടെ തികച്ചും ആനന്ദകരമായിരിക്കും. ഡിസംബര്, ജനുവരി സമയങ്ങളിലും പോകാം. ഈ സമയത്ത് നോര്ത്ത് സിക്കിമില് അനുഭവപ്പെടുന്നതുപോലെ അസ്ഥി കുളിര്ക്കുന്ന തണുപ്പാക്കില്ല. സുഖകരമായ തണുപ്പിന്റെ ഒരു അന്തരീക്ഷമായിരിക്കും. പുറത്തിറങ്ങി നടക്കാനും കാഴ്ചകള് കാണാനും ഒക്കെ പറ്റിയ ഒരു സമയമാണ്.
തിബറ്റന് സമൂഹങ്ങളുടെ കുഗ്രാമങ്ങളും തിബറ്റന് ബുദ്ധവിഹാരമായ റാലംഗ് മൊണാസ്ട്രിയും പഴയ ചില ആശ്രമങ്ങളും ഇവിടെ നിന്ന് 6 കിലോമീറ്റര് അകലെയാണ് സ്ഥിതി ചെയ്യുന്നത്. സിക്കിമിന്റെ തലസ്ഥാന നഗരമായ ഗാങ്ടോക്കില് നിന്ന് ഏകദേശം 65 കിലോമീറ്ററും പെല്ലിങ്ങില് നിന്ന് 50 കിലോമീറ്ററും അകലെയാണ് റവോങ്ല സ്ഥിതി ചെയ്യുന്നത്.