മഴ കുറഞ്ഞതോടെ വയനാട്ടിലെ വിവിധ കേന്ദ്രങ്ങളിലേക്ക് സഞ്ചാരികളെ വീണ്ടും പ്രവേശിച്ച് തുടങ്ങി. ചെമ്പ്ര പീക്കിലേക്കും സൂചിപ്പാറ വെള്ളച്ചാട്ടത്തിലേക്കും സഞ്ചാരികളെ പ്രവേശിപ്പിക്കുമെന്ന് വനംവകുപ്പ് അറിയിച്ചിട്ടുണ്ട്. ചെമ്പ്ര പീക്കിലേക്ക് ഇന്ന് മുതല് പ്രവേശനം ആരംഭിക്കും. സൂചിപ്പാറയില് ബുധനാഴ്ച ശുചീകരണ പ്രവര്ത്തനങ്ങള് നടക്കുന്നതിനാല്, വ്യാഴാഴ്ച മുതലായിരിക്കും ഇവിടെ സഞ്ചാരികളെ പ്രവേശിപ്പിക്കുന്നതെന്ന് സൗത്ത് വയനാട് ഡിഎഫ്ഒ ഷജ്ന കരീം വ്യക്തമാക്കി. സംസ്ഥാനത്തും ജില്ലയിലും അനുഭവപ്പെട്ട കനത്ത മഴയെതുടര്ന്നായിരുന്നു വയനാട്ടിലെ ട്രക്കിംഗ് കേന്ദ്രങ്ങളിലേക്കും വെള്ളച്ചാട്ടങ്ങളിലേക്കുമുള്ള പ്രവേശനം നിരോധിച്ചത്. (Wayanad Chembra peak, Soochipara Falls And Muneeswaran hills Reopen to tourists) മാനന്തവാടിയിലെ ബേഗൂര് റേഞ്ചില് തലപ്പുഴയില് സ്ഥിതി ചെയ്യുന്ന മുനീശ്വരന്കുന്നിലേക്ക് ഇന്നുമുതല് പ്രവേശനം അനുവദിക്കും. ബുധനാഴ്ച മുതല് പുതിയിടം മുനീശ്വരന്കുന്നിലേക്ക് സഞ്ചാരികളെ പ്രവേശിപ്പിക്കുമെന്ന് നോര്ത്ത് വയനാട് ഡിഎഫ്ഒ ദര്ശന് ഘട്ടാനി അറിയിച്ചു. കനത്തമഴയെത്തുടര്ന്ന് ജൂലൈ 14 മുതല് ഇവിടേക്കുള്ള പ്രവേശനം നിരോധിച്ചിരിക്കുകയായിരുന്നു. തവിഞ്ഞാല് ഗ്രാമപഞ്ചായത്തില് ഉള്പ്പെടുന്ന മുനീശ്വരന്കുന്ന്, വയനാട്ടിലെ ഏറ്റവും മികച്ച ക്യാമ്പിംഗ് കേന്ദ്രങ്ങളിലൊന്നാണ്. മുനീശ്വന് കോവില് എന്ന ഒരു ക്ഷേത്രവും ഇവിടെയുണ്ട്.
വയനാട്ടിലെ പ്രമുഖ ഇക്കോ ടൂറിസം സ്പോട്ട് ആയ മുനീശ്വരന് കുന്നില് വിനോദസഞ്ചാരികളെ ഉള്ക്കൊള്ളുന്നതിനായി അഞ്ചോളം ക്യാമ്പിംഗ് ടെന്റുകളുണ്ട്. വടക്കുഭാഗത്ത് തിരുനെല്ലിയും, കിഴക്കുഭാഗത്ത് മാനന്തവാടിയും അതിരിടുന്ന മുനീശ്വരന് കുന്നിന്റെ പ്രകൃതിഭംഗി അതിശയകരമാണ്. തവിഞ്ഞാല് ഗ്രാമത്തില് ഏക്കറുകളോളം പരന്നുകിടക്കുന്ന തേയിലതോട്ടങ്ങളുടെയും വയനാടിനെ കണ്ണൂരുമായി ബന്ധിപ്പിക്കുന്ന പെരിയ ചുരം, പാല്ചുരം എന്നിവയുടെ വിസ്മയകരമായ കാഴ്ചകളും കുന്നിന് മുകളില് നിന്നാല് കാണാം.
സൂചിപ്പാറ വെള്ളച്ചാട്ടം
സൂചിപ്പാറ വെള്ളച്ചാട്ടം മേപ്പാടി ഗ്രാമപഞ്ചായത്തിലാണ് സ്ഥിതി ചെയ്യുന്നത്. പല സ്ഥലങ്ങളില് നിന്നായി 100 മുതല് 300 അടി വരെ ഉയരത്തില് നിന്നും താഴേക്ക് വീഴുന്ന വെള്ളച്ചാട്ടം മനംകവരുന്ന ഒന്നാണ്. മൂന്നു തട്ടുകളായി ഉള്ള ഈ വെള്ളച്ചാട്ടം പതിക്കുന്ന ചെറിയ തടാകത്തില് സന്ദര്ശകര്ക്ക് ഇറങ്ങാന് സാധിക്കും. വെള്ളച്ചാട്ടത്തിനോട് ചേര്ന്ന് സാഹസിക വൈറ്റ് വാട്ടര് റാഫ്റ്റിംഗിന് ഉള്പ്പടെയുള്ള സൗകര്യം ഉണ്ട്. കൂടാതെ സാഹസിക മല കയറ്റത്തില് താല്പര്യമുള്ളവര്ക്ക് 200 മീറ്ററില് അധികം ഉയരമുള്ള സൂചിപ്പാറയിലേക്ക് കയറാനും അവസരങ്ങളുണ്ട്.
വെള്ളച്ചാട്ടത്തിന് ചുറ്റുമുള്ള പ്രകൃതി ദൃശ്യങ്ങള് അതിമനോഹരമാണ്. പശ്ചിമഘട്ടത്തിന്റെ ഏറ്റവും മനോഹരമായ ദൃശ്യങ്ങള് കാണാന് കഴിയുന്ന ഒരിടമാണ് സൂചിപ്പാറ. സൂചിപ്പാറയ്ക്ക് സമീപമുള്ള ഏറുമാടങ്ങളില് നിന്നാല് പശ്ചിമഘട്ട മലനിരകളുടെയും താഴെയുള്ള അരുവിയുടെയും അത്ഭുതകരമായ ദൃശ്യങ്ങള് കാണാം. വേനല്ക്കാലത്ത് വെള്ളത്തിന്റെ ഒഴുക്ക് കുറവാണ്. അതിനാല് മണ്സൂണ് സീസണാണ് സൂചിപ്പാറ വെള്ളച്ചാട്ടം സന്ദര്ശിക്കാനും ആസ്വദിക്കാനും പറ്റിയ സമയം.
ചെമ്പ്ര കൊടുമുടി
വയനാട്ടിലെ ഏറ്റവും ഉയരമുള്ള മലകളിലൊന്നായ ചെമ്പ്ര, സമുദ്രനിരപ്പില് നിന്ന് 2100 മീറ്റര് (6890 അടി) ഉയരത്തില് സ്ഥിതി ചെയ്യുന്ന പ്രദേശമാണ്. പശ്ചിമഘട്ട മേഖലയിലെ വയനാടന് കുന്നുകളും തമിഴ്നാടിലെ നീലഗിരി മലകളും, കോഴിക്കോട് ജില്ലയിലെ വെള്ളരിമലയും ചേരുന്ന ഭാഗമാണ് ചെമ്പ്ര മല. മേപ്പാടിയില് നിന്നും ചെമ്പ്ര കൊടുമുടിയിലേക്ക് കാട്ടിലൂടെയുള്ള മനോഹരമായ ഒരു നടപ്പാതയുണ്ട്. പുല്മേടുകളും പശ്ചിമഘട്ട മലനിരകളുമൊക്കെ ആസ്വദിച്ചുള്ള ചെമ്പ്ര മല ട്രെക്കിംഗ് നല്ലൊരു അനുഭവമാണ്.
ചെമ്പ്ര കൊടുമുടിയുടെ തൊട്ടുതാഴെ ഹൃദയാകൃതിയിലുള്ള ഒരു തടാകം സ്ഥിതി ചെയ്യുന്നുണ്ട്. ഈ ഹൃദയ തടാകത്തിലേക്ക് ഒട്ടേറെ പ്രണയജോടികള് എത്താറുണ്ട്. ഇപ്പോള് ഹൃദയ തടാകം വരെ ആളുകളെ പ്രവേശിപ്പിക്കുന്നുള്ളൂ. വന്യമൃഗങ്ങളുടെ വിഹാര കേന്ദ്രമായതിനാല് കൊടുമുടിയുടെ ഏറ്റവും മുകളിലേക്ക് പ്രത്യേക അനുമതി വാങ്ങി മാത്രമെ പ്രവേശിപ്പിക്കാറുള്ളൂ. ചെമ്പ്ര കൊടുമുടിയിലേക്കും ഹൃദയ തടാകത്തിലേക്കുമുള്ള ട്രക്കിംഗിന് മേപ്പാടി ഫോറസ്റ്റ് ഓഫീസില് നിന്നും അനുമതി വാങ്ങേണ്ടതാണ്.
വയനാട്ടിലെ പ്രമുഖ ഇക്കോ ടൂറിസം സ്പോട്ട് ആയ മുനീശ്വരന് കുന്നില് വിനോദസഞ്ചാരികളെ ഉള്ക്കൊള്ളുന്നതിനായി അഞ്ചോളം ക്യാമ്പിംഗ് ടെന്റുകളുണ്ട്. വടക്കുഭാഗത്ത് തിരുനെല്ലിയും, കിഴക്കുഭാഗത്ത് മാനന്തവാടിയും അതിരിടുന്ന മുനീശ്വരന് കുന്നിന്റെ പ്രകൃതിഭംഗി അതിശയകരമാണ്. തവിഞ്ഞാല് ഗ്രാമത്തില് ഏക്കറുകളോളം പരന്നുകിടക്കുന്ന തേയിലതോട്ടങ്ങളുടെയും വയനാടിനെ കണ്ണൂരുമായി ബന്ധിപ്പിക്കുന്ന പെരിയ ചുരം, പാല്ചുരം എന്നിവയുടെ വിസ്മയകരമായ കാഴ്ചകളും കുന്നിന് മുകളില് നിന്നാല് കാണാം.
സൂചിപ്പാറ വെള്ളച്ചാട്ടം
സൂചിപ്പാറ വെള്ളച്ചാട്ടം മേപ്പാടി ഗ്രാമപഞ്ചായത്തിലാണ് സ്ഥിതി ചെയ്യുന്നത്. പല സ്ഥലങ്ങളില് നിന്നായി 100 മുതല് 300 അടി വരെ ഉയരത്തില് നിന്നും താഴേക്ക് വീഴുന്ന വെള്ളച്ചാട്ടം മനംകവരുന്ന ഒന്നാണ്. മൂന്നു തട്ടുകളായി ഉള്ള ഈ വെള്ളച്ചാട്ടം പതിക്കുന്ന ചെറിയ തടാകത്തില് സന്ദര്ശകര്ക്ക് ഇറങ്ങാന് സാധിക്കും. വെള്ളച്ചാട്ടത്തിനോട് ചേര്ന്ന് സാഹസിക വൈറ്റ് വാട്ടര് റാഫ്റ്റിംഗിന് ഉള്പ്പടെയുള്ള സൗകര്യം ഉണ്ട്. കൂടാതെ സാഹസിക മല കയറ്റത്തില് താല്പര്യമുള്ളവര്ക്ക് 200 മീറ്ററില് അധികം ഉയരമുള്ള സൂചിപ്പാറയിലേക്ക് കയറാനും അവസരങ്ങളുണ്ട്.
വെള്ളച്ചാട്ടത്തിന് ചുറ്റുമുള്ള പ്രകൃതി ദൃശ്യങ്ങള് അതിമനോഹരമാണ്. പശ്ചിമഘട്ടത്തിന്റെ ഏറ്റവും മനോഹരമായ ദൃശ്യങ്ങള് കാണാന് കഴിയുന്ന ഒരിടമാണ് സൂചിപ്പാറ. സൂചിപ്പാറയ്ക്ക് സമീപമുള്ള ഏറുമാടങ്ങളില് നിന്നാല് പശ്ചിമഘട്ട മലനിരകളുടെയും താഴെയുള്ള അരുവിയുടെയും അത്ഭുതകരമായ ദൃശ്യങ്ങള് കാണാം. വേനല്ക്കാലത്ത് വെള്ളത്തിന്റെ ഒഴുക്ക് കുറവാണ്. അതിനാല് മണ്സൂണ് സീസണാണ് സൂചിപ്പാറ വെള്ളച്ചാട്ടം സന്ദര്ശിക്കാനും ആസ്വദിക്കാനും പറ്റിയ സമയം.
ചെമ്പ്ര കൊടുമുടി
വയനാട്ടിലെ ഏറ്റവും ഉയരമുള്ള മലകളിലൊന്നായ ചെമ്പ്ര, സമുദ്രനിരപ്പില് നിന്ന് 2100 മീറ്റര് (6890 അടി) ഉയരത്തില് സ്ഥിതി ചെയ്യുന്ന പ്രദേശമാണ്. പശ്ചിമഘട്ട മേഖലയിലെ വയനാടന് കുന്നുകളും തമിഴ്നാടിലെ നീലഗിരി മലകളും, കോഴിക്കോട് ജില്ലയിലെ വെള്ളരിമലയും ചേരുന്ന ഭാഗമാണ് ചെമ്പ്ര മല. മേപ്പാടിയില് നിന്നും ചെമ്പ്ര കൊടുമുടിയിലേക്ക് കാട്ടിലൂടെയുള്ള മനോഹരമായ ഒരു നടപ്പാതയുണ്ട്. പുല്മേടുകളും പശ്ചിമഘട്ട മലനിരകളുമൊക്കെ ആസ്വദിച്ചുള്ള ചെമ്പ്ര മല ട്രെക്കിംഗ് നല്ലൊരു അനുഭവമാണ്.
ചെമ്പ്ര കൊടുമുടിയുടെ തൊട്ടുതാഴെ ഹൃദയാകൃതിയിലുള്ള ഒരു തടാകം സ്ഥിതി ചെയ്യുന്നുണ്ട്. ഈ ഹൃദയ തടാകത്തിലേക്ക് ഒട്ടേറെ പ്രണയജോടികള് എത്താറുണ്ട്. ഇപ്പോള് ഹൃദയ തടാകം വരെ ആളുകളെ പ്രവേശിപ്പിക്കുന്നുള്ളൂ. വന്യമൃഗങ്ങളുടെ വിഹാര കേന്ദ്രമായതിനാല് കൊടുമുടിയുടെ ഏറ്റവും മുകളിലേക്ക് പ്രത്യേക അനുമതി വാങ്ങി മാത്രമെ പ്രവേശിപ്പിക്കാറുള്ളൂ. ചെമ്പ്ര കൊടുമുടിയിലേക്കും ഹൃദയ തടാകത്തിലേക്കുമുള്ള ട്രക്കിംഗിന് മേപ്പാടി ഫോറസ്റ്റ് ഓഫീസില് നിന്നും അനുമതി വാങ്ങേണ്ടതാണ്.