മലരും ജോർജും ഹിറ്റാക്കിയ ഡോൾഫിൻ നോസ്

പ്രേമത്തിലെ മലരും ജോ‍ർജും ഹിറ്റാക്കിയ സ്ഥലമുണ്ട്. മലരേ നിന്നെ കാണാതിരുന്നാൽ....വീഡിയോ ഒാർമ്മയില്ലേ? പശ്ചാത്തലത്തിൽ മനോഹരമായ ഡോൾഫിൻ നോസ് വ്യൂ പോയ്ൻറ് തെളിയും. സമുദ്രനിരപ്പിൽ നിന്ന് 2300 മീറ്ററിലധികം ഉയരത്തിൽ സ്ഥിതി ചെയ്യുന്ന അടിപൊളി സ്ഥലമാണ് കോത്തഗിരി ഡോൾഫിൻ നോസ്. കൊടെയ്ക്കനാൽ ട്രിപ്പിൽ അധികമാരും ഉൾപ്പെടുത്താതിരുന്ന സ്ഥലം.

ഇന്ന് ആളുകൾ കൂടുതലായി സന്ദർശിക്കുന്നു എന്നതിന് കാരണം പ്രധാനമായും ഈ ഗാനം തന്നെ. ഊട്ടിയിൽ നിന്ന് കൂനൂരിലേക്ക് പോകുന്ന വഴിക്കാണു ഡോൾഫിൻ നോസ് വ്യൂപോയന്റ്. താഴേക്കു നോക്കിയാല്‍ ഡോൾഫിന്റെ മൂക്കു പോലെ തള്ളി നില്‍ക്കുന്ന വൃക്ഷങ്ങളാലും തേയില തോട്ടങ്ങളാലും മൂടിയ വലിയൊരു ശിലാഖണ്ഡം. തെളിഞ്ഞ നേരത്ത് ഇടതുവശത്ത് കാതറീന്‍ വെള്ളച്ചാട്ടം ഇറങ്ങിവരുന്നതു കാണാം.

കൊടൈയ്ക്കനാലിൽ നിന്നും 6 കീമി സഞ്ചരിച്ചാൽ വട്ടക്കനാൽ എത്തിച്ചേരാം അവിടെ നിന്ന് ഏകദേശം ഒന്നര കീമി നടന്ന് വേണം ഡോൾഫിൻ നോസിൽ എത്തിച്ചേരാൻ. ഭൂരി ഭാഗം സമയവും കോടയിറങ്ങുന്ന ഇവിടം ഇനിയുള്ള കൊടെയ്ക്കനാൽ ട്രിപ്പിൽ ഉൾപ്പെടുത്താവുന്നതാണ്.