'വാട്ടഫാൾ പാരഡൈസ്'തുഷാരഗിരിയിലേക്കൊരു വൺഡേ ട്രിപ്പ്

കോഴിക്കോട് കാടും കാട്ടാറും തേടി ഒരു കിടിലൻ വൺഡേ ട്രിപ്പ് പോകാം. കോഴിക്കോട് നിന്ന് 50 കിമീ അകലത്തിൽ പശ്ചിമ ഘട്ടത്തിൻ്റെ താഴ്വരയിൽ സ്ഥിതി ചെയ്യുന്ന പ്രകൃതി സുന്ദരമായ സ്ഥലമാണ് തുഷാരഗിരി. ട്രക്കിങ് നടത്തുന്നതിനും മനോഹരമായ വെളളച്ചാട്ടത്തിൽ കുളിച്ച് ഒരു ദിവസം ചിലവഴിക്കുന്നതതിനും പറ്റിയ ഇടമാണ് തുഷാരഗിരി. നൂറടിയിലേറെ ഉയരത്തിൽ നിന്നുള്ള ഈരാറ്റ്മുക്ക് വെള്ളച്ചാട്ടമാണ് സഞ്ചാരികളെ ആക‍ർഷിക്കുന്നത്. വെള്ളം പലതട്ടുകളാ‍യി ഈ വെള്ളച്ചാട്ടത്തിലൂടെ ഒഴുകുന്നത്.

അതിരാവിലെ രണ്ടാമത്തെ വെള്ളച്ചാട്ടത്തിൽ നിന്നും കുന്നുകയറി തുടങ്ങിയാൽ വൈകിട്ട് വയനാട് ജില്ലയിലെ വൈത്തിരിയിൽ എത്തുന്നു . പാറക്കെട്ടുകൾക്കും വെള്ളച്ചാട്ടങ്ങൾക്കും ഇടയിലൂടെ മലകയറുവാനും പാറ കയറുവാനും ഏറെ അനുയോജ്യമാണ് ഇവിടം. പശ്ചിമഘട്ടത്തിൽ നിന്ന് ഉൽഭവിക്കുന്ന രണ്ട് അരുവികൾ ഇവിടെ കൂടിച്ചേർന്നാണ് ചാലിപ്പുഴ എന്ന നദി രൂപം കൊള്ളുന്നു. താമരശ്ശേരി വഴി വയനാട്ടിലേക്ക് പോകുന്ന ബസ്സിൽ കയറി അടിവാരത്ത് ഇറങ്ങുിനിന്നും ഒരു ഓട്ടോ പിടിച്ച് തുഷാരഗിരിയിൽ എത്തിച്ചേരാം.

കോഴിക്കോട് നിന്നും കോടഞ്ചേരിയിലേക്കുള്ള പ്രൈവറ്റ് ബസ്സിൽ കയറിൽ കോടഞ്ചേരിയിൽ നിന്നും തുഷാരഗിരിയിലേക്ക് ഓട്ടോയോ ജീപ്പോ കിട്ടും.സെപ്റ്റംബർ മുതൽ നവംബർ വരെയുള്ള മാസങ്ങളാണ് ഇവിടെ സന്ദർശിക്കാൻ അനുയോജ്യം. DTPC കോട്ടേജുകളും പ്രൈവറ്റ് റൂമുകളും താമസ സൗകര്യമായുണ്ട്. രാവിലെ 9 മണി മുതൽ വൈകുന്നേരം 6 മണി വരെയാണ് സന്ദർശന സമയം...