ഗോവയില് പഴയ തിരക്കോ ബഹളമോ ഒന്നുമില്ല. ആളും അനക്കവും എങ്ങുമില്ല. ഇന്ത്യയിലെ പ്രധാനപ്പെട്ട കടലോര പ്രദശങ്ങളെല്ലാം ഇങ്ങനെ തന്നെയാണ്. എന്നാല് ഈ സമയത്ത് ചില ജന്തുക്കള് പുറത്തിറങ്ങി നടക്കുന്ന കാഴ്ച്ചയാണ് കാണാന് കഴിയുന്നത്. അതിന്റെയൊക്കെ വീഡിയോകള് സമൂഹ മാധ്യമങ്ങളില് ഹിറ്റാവുകയും ചെയ്യുന്നു. ഇപ്പോഴിതാ ഗോവയുടെ കടപ്പുറങ്ങളിലൂടെ കുറച്ച് ആള്ക്കാര് പൂര്ണ സ്വാതന്ത്ര്യത്തോടെ ഇറങ്ങിനടക്കുന്നതിന്റെ വീഡിയോയാണ് വൈറലായിരിക്കുന്നത്.
ഒഡീഷയില് കണ്ടിരുന്നു
ലോക്ക്ഡൗണ് തുടങ്ങി അധികം ദിവസം പിന്നിടുന്നതിന് മുമ്പ് തന്നെ ഒഡീഷയിലെ കടല്തീരങ്ങളില് ഒലിവ് റിഡ്ലി ആമകളെ കണ്ടെത്തിയിരുന്നു. ലക്ഷക്കണക്കിന് ആമകളാണ് ബീച്ചുകളിലൂടെ ഓടിനടന്നത്. മനുഷ്യരാരും പുറത്തിറങ്ങാതായതോടെ ഇവ കൂട്ടമായി ഇറങ്ങുകയായിരുന്നു. സമാനമായ കാഴ്ച്ചയാണ് ഇപ്പോള് ഗോവന് കടപ്പുറത്ത് കാണാന് സാധിച്ചത്. മുട്ടയില് നിന്ന് വിരിഞ്ഞ് വന്ന ആയിരത്തോളം ആമകള് ബീച്ചില് ഓടിക്കളിക്കുന്നു. മുട്ട വിരിയുന്നതിനുള്ള സീസണായതിനാലാണ് ഇവയെ കൂട്ടമായി കണ്ടു തുടങ്ങിയത്. മാന്ദ്രെം, മോര്ജിം, അഗോണ്ട, ഗാല്ജിബാഗ, തുടങ്ങിയ സ്ഥലങ്ങളിലാണ് ഒലിവ് റിഡ്ലി ആമകളെ കണ്ടത്.
Also Read: തിരികെ വരേണ്ട, 10,000 രൂപ തരാം; ആള്ക്കാരോട് ഒരു സംസ്ഥാനം പറയുന്നതിങ്ങനെ
ഗോവയിലെ പ്രകൃതിഭംഗി
ഗോവയില് ബീച്ചും പാര്ട്ടികളും മാത്രമല്ല കാണാന് കഴിയുക. കാടിന്റെ സൗന്ദര്യവും നന്നായി ആസ്വദിക്കാന് കഴിയും. ഗുഹകളും വെള്ളച്ചാട്ടങ്ങളുമൊക്കെ ഇവിടെയുണ്ട്. പ്രകൃതി ഭംഗി ആസ്വദിക്കാനും അനുയോജ്യമായ സ്ഥലമാണ്. ഏറെ ചരിത്ര പ്രാധാന്യവും സാംസ്കാരിക പ്രാധാന്യവുമുള്ള സ്ഥലമാണ്. വര്ഷങ്ങള് പഴക്കമുള്ള ക്ഷേത്രങ്ങളും കാണാന് കഴിയും. അതേസമയം ഗോവ ലോകത്തിന് മുന്നില് അറിയപ്പെടുന്നത് ബീച്ചുകള്, നൈറ്റ്ലൈഫ്, കസീനോ എന്നിവയുടെ പേരുകളിലാണ് അറിയപ്പെടുന്നത്. ആള്ക്കാര് ആരും വരാതായപ്പോള് ഗോവയിലും പ്രകൃതിയില് മാറ്റങ്ങള് സംഭവിച്ചു തുടങ്ങി. ഇതിന്റെ ഭാഗമായായിരുന്നു ഒലിവ് റിഡ്ലി ആമകള് ഇറങ്ങിയത്.