ലോകമെങ്ങും കൊവിഡ് 19 ന്റെ ഭീഷണിയില് അടച്ചുപൂട്ടിയതിന് തുല്യമായ അവസ്ഥയിലാണ്. പ്രധാനപ്പെട്ട വിനോദ സഞ്ചാര കേന്ദ്രങ്ങളും മ്യൂസിയങ്ങളും ആര്ട്ട് ഗ്യാലറികളുമൊക്കെ അടച്ചുപൂട്ടി. മുന്കരുതല് നടപടി എന്ന നിലയ്ക്കാണ് ആയിരങ്ങള് ഒത്തുകൂടാന് ഇടയുള്ള സ്ഥലങ്ങള് ലോകമെമ്പാടും അടച്ചിടുന്നത്. ഇന്ത്യയിലും 21 ദിവസത്തെ ലോക്ക് ഡൗണ് പ്രധാനമന്ത്രി പ്രഖ്യാപിച്ചു കഴിഞ്ഞു. എന്നാല് ലോക്ക്ഡൗണ് കാലയളവില് പിരമിഡുകളുടെയും മമ്മികളുടെയും നാടായ ഈജിപ്തില് എന്താണ് സംഭവിക്കുന്നതെന്നറിയാമോ, ഒരുപക്ഷേ മറ്റ് രാജ്യങ്ങള്ക്കും മാതൃകയാക്കാവുന്ന പ്രവര്ത്തനങ്ങളാണ് നടക്കുന്നത്.
നല്ല നാളെയ്ക്കായി
ലോകം മുഴുവന് അടച്ചിടുമ്പോള് അത് ടൂറിസം മേഖലയെയാണ് ഏറ്റവും കൂടുതല് ഉലയ്ക്കുക. ഇതിനകം തന്നെ കോടിക്കണക്കിന് രൂപയുടെ നഷ്ടമാണ് എല്ലാ രാജ്യങ്ങളിലും ടൂറിസം മേഖലയില് മാത്രമായി ഉണ്ടായിരിക്കുന്നത്. കൊറോണ ഭീതി കഴിഞ്ഞ് വീണ്ടു ആള്ക്കാര് പുറത്തിറങ്ങുകയും ടൂറിസ്റ്റ് കേന്ദ്രങ്ങള് സന്ദര്ശിക്കുകയും ചെയ്യും. ഈ ശുഭാപ്തി വിശ്വാസത്തിലാണ് ഇറ്റിലിയിലെ ടൂറിസം മേഖലയില് പ്രവര്ത്തിക്കുന്നവരും. സഞ്ചാരികളെ സ്വാഗതം ചെയ്യുന്നതിനും തങ്ങളുടെ സ്വത്തുക്കളെ സംരക്ഷിക്കുകയും ചെയ്യുക എന്ന ലക്ഷ്യത്തോടെ അവര് കച്ചകെട്ടി ഇറങ്ങിയിരിക്കുകയാണ്.
പിരമിഡുകളുടെ നാട്
ലോക പ്രശസ്തമായ ഗിസ പിരമിഡിന്റെ ചുറ്റുപാടും വൃത്തിയാക്കുന്നതിലും അറ്റകുറ്റ പണികള് നടത്തുന്നതിലും വ്യാപൃതരാണ് ജീവനക്കാര്. കൊറോണ വൈറസ് ഭീതിയില് അടച്ചുപൂട്ടിയ സ്ഥലങ്ങള് അണുവിമുക്തമാക്കുന്നതിലാണ് ഒരു കൂട്ടം ജീവനക്കാര് തിരക്കു പിടിച്ചിരിക്കുന്നത്. കൃത്യമായ മുന്കരുതലുകളും സുരക്ഷാ സജ്ജീകരണങ്ങളോടും കൂടിയാണ് അവര് ഈ ദൗത്യത്തില് ഏര്പ്പെട്ടിരിക്കുന്നത്. മുഖത്ത് മാസ്കും കൈയില് ഗ്ലൗസുമണിഞ്ഞ് അവര് പിരമിഡുകള്ക്ക് ചുറ്റിലുമുള്ള വാക്ക്വേയില് കീടാനാശിന് സ്േ്രപ ചെയ്യുന്നുണ്ട്. ടിക്കറ്റ് ഓഫീസും വിസിറ്റര് സെന്ററും അണുവിമുക്തമാക്കി പ്രതിരോധം തീര്ക്കുന്നുണ്ട്.
Also Read: കുത്തനെ മല കയറുന്ന ഈ ട്രെയിന് ചങ്കിടിപ്പ് കൂട്ടും
എല്ലാം അടഞ്ഞു തന്നെ
ഗിസ പിരമിഡിന് പുറമെ ഈജിപ്തിലെ മറ്റ് പ്രധാനപ്പെട്ട വിനോദ സഞ്ചാര കേന്ദ്രങ്ങളെല്ലാം അടഞ്ഞു തന്നെ കിടക്കുകയാണ്. ആര്ക്കിയോളജിക്കല് സൈറ്റുകള്, മ്യൂസിയങ്ങള് എന്നിവ അടച്ചിട്ടു. കെയ്റോയിലെ ഈജിപ്ഷ്യന് മ്യൂസിയം മുതല് ലക്സറിലെ വാലി ഓഫ് കിംഗ്സ് മ്യൂസിയം വരെ അധികൃതര് അടച്ചിട്ടു. നൂറു കണക്കിന് പേര് സന്ദര്ശിക്കുന്ന സ്ഥലങ്ങളാണിത്. വിദേശ രാജ്യങ്ങളില് നിന്നടക്കം നിരവധി പേര് ഈ സ്ഥലങ്ങളിലെ അത്ഭുതക്കാഴ്ച്ചകള് കാണാന് എത്താറുണ്ടായിരുന്നു.
Also Read: നമ്മുടെ തെന്മലയും ഈ പട്ടികയിലുണ്ട്!!
ഹോട്ടലുകളും
അണുമുക്തമാക്കുന്നതിന്റെ ആദ്യ ഘട്ടമാണ് ഇപ്പോള് നടക്കുന്നതെന്നും ഇനിയും പല ഘട്ടങ്ങളുണ്ടോകുമെന്ന് അധികൃതര് അറിയിച്ചിട്ടുണ്ട്. ടൂറിസ്റ്റ് സൈറ്റുകള്ക്ക് പുറമെ ഹോട്ടലുകളും അണുമുക്തമാക്കാന് തുടങ്ങിയിട്ടുണ്ട്. നൈല് നദിയില് നങ്കൂരമിട്ടിരുന്ന ക്രൂയിസ് കപ്പലിലുണ്ടായിരുന്നവരിലാണ് ആദ്യം കൊറോണ വൈറസ് ബാധ കണ്ടെത്തിയത്. ക്രൂയിസിലെ യാത്രക്കാര്ക്കും ക്രൂ അംഗങ്ങള്ക്കും കൊറോണ കണ്ടെത്തിയിരുന്നു.