ദീപാവലി അടുത്തെത്തി, ഇപ്പോള് പലരും തങ്ങളുടെ ദീപാവലിയലധികള് എങ്ങനെ ആഘോഷിക്കണമെന്ന ആലോചനയിലാണ്.അവരുടെ അവധിക്കാലം ആസൂത്രണം ചെയ്യാന് തുടങ്ങി. ഒന്ന് ചില് ആയി രണ്ട് മൂന്ന് ദിവസം ആസ്വദിച്ച് നില്ക്കാനാണ് നിങ്ങള് ആഗ്രഹിക്കുന്നതെങ്കില് ദക്ഷിണേന്ത്യയില് അതിമനോഹരമായമായ ചില ഹില് സ്റ്റേഷനുകളുണ്ട് (Hill stations in South India). ഈ ദക്ഷിണേന്ത്യന് പ്രദേശങ്ങളിലെ മലനിരകളുടെ സൗന്ദര്യം ആരെയും ആവേശഭരിതരാക്കും. ഈ പ്രദേശങ്ങളുടെ മറ്റൊരു സവിശേഷത, ശാന്തവും വൃത്തിയുള്ളതുമായ ഇടങ്ങളാണ് എന്നതാണ്.
അതുക്കൊണ്ട് തന്നെ കുടുംബവുമായി ഒത്തോ അല്ലെങ്കില് പങ്കാളിയോ പ്രണയികളുമായോ സുഹൃത്തുക്കളുമായോ ഒക്കെ ചേര്ന്ന് ആസ്വദീകരമായ ചില നിമിഷങ്ങള് സ്വന്തമാക്കാന് ഈ പ്രദേശങ്ങള് നല്ലൊരു തിരഞ്ഞെടുപ്പാണ്. പച്ചപ്പും കോടമഞ്ഞും വൈവിധ്യമാര്ന്ന സസ്യജന്തുജാലങ്ങളും ഒക്കെ നിറഞ്ഞ പ്രകൃതിയോട് ചേര്ന്ന് നിന്ന് മനംകുളിര്പ്പിക്കുന്ന, ഈ ദീപാവലിക്ക് ഒരു ചില്ലിംഗ് ട്രിപ്പിന് പറ്റിന് കേരളത്തിലും അടുത്തുമായിട്ടുള്ള ചില ഹില്സ്റ്റേഷനുകളെക്കുറിച്ച് പങ്കുവയ്ക്കുന്നു.
സക്ലേഷ്പൂര്, കര്ണാടക
പശ്ചിമഘട്ടത്തിന്റെ താഴ്വരയില് സ്ഥിതി ചെയ്യുന്ന കര്ണാടകയിലെ മറഞ്ഞിരിക്കുന്ന രത്നം എന്ന് സകലേഷ്പൂരിനെ വിശേഷിപ്പിക്കാം. എന്നാണ് അറിയപ്പെടുന്നത്. സകലേഷ്പുര ഹാസന് ജില്ലയിലുള്പ്പെട്ട ഒരു മലമ്പ്രദേശ പട്ടണമാണ്. കാപ്പി, ഏലയ്ക്കാ, കുരുമുളക് എന്നിവയാല് സമൃദ്ധമായ ഈ പ്രദേശം ട്രെക്കിംഗ് പാതകള്, വെള്ളച്ചാട്ടങ്ങള്, കോട്ടകള് എന്നിവയാല് സഞ്ചാരികളെ ആവേശരാക്കും. സമുദ്രനിരപ്പില് നിന്ന് 956 മീറ്റര് ഉയരത്തിലുള്ള ഈ പ്രദേശത്തിന്റെ ഒരു ഭാഗം, രാജ്യത്തെ ജൈവവൈവിധ്യകേന്ദ്രങ്ങളിലൊന്നായ ബിസ്ലേ സംരക്ഷിത വനങ്ങളാണ്.
ദക്ഷിണേന്ത്യയിലെ സുന്ദരമായ ഒരു പ്രദേശമാണ് കര്ണാടകയിലെ കൂര്ഗ്. ശാന്തതയും സൗന്ദര്യവും ഏകാന്തതയും തേടുന്ന സഞ്ചാരികള്ക്ക് കൂര്ഗിനെ പ്രണയിക്കും. കൊടക് ജില്ലയിലെ കൂര്ഗ് മലനിരകളുടെ വശ്യഭംഗികള് അനുഭവിച്ച് തന്നെ അറിയണം. കോട്ടകള്, വെള്ളച്ചാട്ടങ്ങള്, പച്ചപ്പ് നിറഞ്ഞയിടങ്ങള്, ചരിത്രയിടങ്ങള്, വന്യജീവി സങ്കേതങ്ങള്, ആന സംരക്ഷണ കേന്ദ്രം ഒക്കെ ആസ്വദിക്കാം. കൂടാതെ ബൈലക്കൂപ്പയിലെ തിബറ്റന് മോണാസ്ട്രീ ഗംഭീരമായ ഒരു അനുഭമായിരിക്കും. റോഡ് യാത്രകള് ഇഷ്ടപ്പെടുന്നവര്ക്ക് കൊടക് പ്രദേശങ്ങള് അവിസ്മരണീയമായ നിമിഷങ്ങള് സമ്മാനിക്കും.
അരക്കു താഴ്വര, ആന്ധ്രാപ്രദേശ്
പൂര്വ്വഘട്ടത്തില് സ്ഥിതി ചെയ്യുന്ന ആന്ധ്രാപ്രദേശിലെ അരക്കു താഴ്വര, കൊടും വനങ്ങളാല് ചുറ്റപ്പെട്ടിരിക്കുന്നു. അതിമനോഹരമായ ഈ പ്രദേശം ഇപ്പോഴും സഞ്ചാരികളുടെ ഇടയില് അത്ര പ്രശസ്തമല്ല. ഈ ഹില് സ്റ്റേഷനിലേക്കുള്ള സന്ദര്ശനം അവിശ്വസനീയമായ ഒരു അനുഭവമായിരിക്കും. ട്രെക്കിംഗുകളും, ഗുഹ പര്യവേക്ഷണങ്ങള്ക്കും, ഗോത്ര സംസ്കാരങ്ങളെയും ഒക്കെ അടുത്തറിയാനും ഒക്കെ ഇവിടെ അവസരമുണ്ട്. കാപ്പിത്തോട്ടങ്ങള്ക്ക് നടുവിലൂടെ കോടമഞ്ഞില് ചെറുനടത്തങ്ങള് അവിസ്മരണീയമായ അനുഭൂതികളുടെ തലത്തിലേക്ക് നിങ്ങളെ കൊണ്ടുപോകും.
കൂനൂര്, തമിഴ്നാട്
പ്രകൃതിയുടെ യഥാര്ത്ഥ സൗന്ദര്യം ആസ്വദിക്കാന് തമിഴ്നാട്ടിലെ കൂനൂര് നല്ലൊരുയിടമാണ്. ഈ ഹില് സ്റ്റേഷന് സെപ്റ്റംബര്-ഒക്ടോബര് മാസങ്ങളില് സഞ്ചാരികള്ക്ക് അനുയോജ്യമായ കലാവസ്ഥയാണ്. കൂടാതെ ദക്ഷിണേന്ത്യയിലെ ഏറ്റവും മനോഹരമായ ഹില് സ്റ്റേഷനുകളില് ഒന്നായ ഊട്ടിയും ഇവിടെ നിന്ന് 20 കി.മീ അകലെയാണ്. നീലഗിരി കുന്നുകളുടെ സൗന്ദര്യം ആസ്വദിച്ച് നീലഗിരി മൗണ്ടന് റെയില് പാതയിലൂടെയുള്ള ടോയി ട്രെയിന് യാത്രകള് ജീവിതത്തില് ഒരിക്കലെങ്കിലും അനുഭവിക്കേണ്ടതാണ്. യാത്രകളുടെ വേറെ ഒരു തലം ആസ്വദിക്കാന് ഇതിലും മറ്റൊരുയിടമില്ല.
യേര്ക്കാട്, തമിഴ്നാട്
ദക്ഷിണേന്ത്യയില് ഇപ്പോള് ശ്രദ്ധിക്കപ്പെട്ടു വരുന്ന ഒരുയിടമാണ് തമിഴ്നാട്ടിലെ യേര്ക്കാട്. അതിശയിപ്പിക്കുന്ന പ്രകൃതിദത്തമായ ആകര്ഷണങ്ങളാല് ചുറ്റപ്പെട്ട ഈ പ്രദേശത്തിന് വര്ഷം മുഴുവനും സുഖകരമായ കാലാവസ്ഥയാണുള്ളത്. പൂര്വ്വഘട്ടത്തിലെ സെര്വ്വരായന് (ഷെവ്റോയ് ഹില്സ്) മലനിരകളിലുള്ള ഈ പ്രദേശം സമുദ്രനിരപ്പില് നിന്നും 1500 മീറ്റര് ഉയരത്തിലാണ് സ്ഥിതി ചെയ്യുന്നത്. കാപ്പിത്തോട്ടങ്ങളും ഓറഞ്ച് തോട്ടങ്ങളും ബൊട്ടാണിക്കല് സര്വ്വേ ഓഫ് ഇന്ത്യയുടെ കീഴിലുള്ള ഒരു ഓര്ക്കിഡ് ഗാര്ഡനും ഒക്കെ ഇവിടെ കാണായിട്ടുണ്ട്.
മൂന്നാര്, കേരളം
മൂന്നാറിന് ആമുഖം ആവശ്യമില്ല. കേരളത്തിലെ ഇടുക്കി ജില്ലയിലെ ഈ മനോഹരമായ ഹില് സ്റ്റേഷന് ഓരോ മലയോര പ്രേമികളുടെയും ആദ്യ പ്രണയ ഇടമാണ്. മനോഹരമായ തേയിലത്തോട്ടങ്ങള്, വെള്ളച്ചാട്ടങ്ങള്, ട്രെക്കിംഗ് പാതകള്, പര്വ്വത പ്രദേശങ്ങള്, ദേശിയോദ്യാനങ്ങള് എന്നിവയാല് ഗംഭീരമായ ഒരുയിടമാണ് മൂന്നാര്, മൊട്ടകുന്നുകളാല് മനംകവരുന്ന വാഗമണ്, വെല്ലുവിളിയുര്ത്തുന്ന ട്രെക്കിംഗ്കൊണ്ട് അതിശയപ്പിക്കുന്ന മീശപ്പുലിമല, ഓറഞ്ച് തോട്ടങ്ങളുടെ കേന്ദ്രമായ കാന്തല്ലൂര് പിന്നെ മറയൂര്, രാമക്കല്മേട്, ചിന്നാര്, ആനക്കുളം ഇങ്ങനെ പലതിനും ഇവിടെ അവസരമുണ്ട്.
കോടമഞ്ഞ് പുതച്ച തേയില തോട്ടങ്ങളും തടാകങ്ങളും മലനികളുമൊക്കെ നിറഞ്ഞ പശ്ചിമഘട്ടത്തിന്റെ സുന്ദരമായ ഈ ഭാഗം ഗംഭീരമായ ഒരു സ്പോട്ടാണ്. ചെമ്പ്ര പീക്ക്, എടയ്ക്കല് ഗുഹ, പൂക്കോട് തടാകം, സൂചിപ്പാറ വെള്ളച്ചാട്ടം, കുറുവാ ദ്വീപ് അങ്ങനെ കാണാന് നിരവധി കാഴ്ച്ചകളുണ്ട് വയനാട്ടില്. താമസത്തിനും നിരവധി സൗകര്യങ്ങളുണ്ട്. സ്വകാര്യത ഇഷ്പ്പെടുന്നവരെ വയനാട് നിരാശപ്പെടുത്തില്ല. കാടിനുള്ളിലുള്ള താമസം, മരത്തിന് മുകളിലെ ഏറുമാടങ്ങളിലെ അന്തിയുറക്കം, കബനി പുഴക്കരയ്ക്കരിലെ ശാന്തമായ താമസയിടങ്ങള്, മലമമുകളിലെ ക്യാമ്പിംഗ് അങ്ങനെ ഓഫ്ബീറ്റും അല്ലാത്തതുമായ മികച്ച അനുഭവങ്ങള് ഇവിടെ നിങ്ങള്ക്ക് സ്വന്തമാക്കാം.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.