സമ്പന്നമായ സാംസ്കാരിക പൈതൃകങ്ങള്, ഗംഭീരമായ കടല്ത്തീരങ്ങള്, അതിശയകരമായ സാഹസിക കേന്ദ്രങ്ങള്, പ്രകൃതിഭംഗി നിറഞ്ഞ പ്രദേശങ്ങള്, വൈവിധ്യമാര്ന്ന സസ്യജന്തുജാലങ്ങള് നിറഞ്ഞ വനങ്ങള് എന്നിങ്ങനെ പലതുക്കൊണ്ടും സഞ്ചാരികളെ തൃപ്തരാക്കുന്ന ഒരുയിടമാണ് കര്ണാടക. അതിനാല് തന്നെ സഞ്ചാരികള് ഇവിടെ ആവേശപൂര്വ്വം എത്തുകയും ചെയ്യുന്നു. എന്നാല് അധികം ശ്രദ്ധ നേടാത്തതും അറിയപ്പെടാത്തതുമായ ചില പ്രദേശങ്ങള് ഇവിടെ ഒളിഞ്ഞിരിക്കുന്നുണ്ട്. സാധാരണ യാത്രാനുഭവങ്ങളില് നിന്ന് മാറിയുള്ള അനുഭവങ്ങള് തേടി പോകാന് താല്പര്യമുണ്ടെങ്കില് കര്ണാടകയില് മാത്രം നിങ്ങള്ക്ക് അനുഭവിക്കാവുന്ന ഈ ഓഫ്ബീറ്റ് സ്പോട്ടുകള് പരീക്ഷിക്കാവുന്നതാണ് (Offbeat experiences you can have only in Karnataka). ചന്നപട്ടണ
രാമനഗര ജില്ലയിലാണ് ചന്നപട്ടണ ഗ്രാമം. പ്രാദേശികമായി ഈ പ്രദേശം ഗോംബെഗല നഗര അല്ലെങ്കില് കളിപ്പാട്ടങ്ങളുടെ നാട് എന്നാണ് അറിയപ്പെടുന്നത്. ഇവിടെ തദ്ദേശവാസികള് ലോകപ്രശസ്തമായ ജിഐ ടാഗ് ചെയ്ത ചന്നപട്ടണ കളിപ്പാട്ടങ്ങള് നിര്മ്മിക്കുന്നു. ചന്നപട്ടണ ഗ്രാമത്തിലെ കളിപ്പാട്ട നിര്മ്മാതാക്കള് കളിപ്പാട്ടങ്ങള് നിര്മ്മിക്കുന്നതിനായി ചില പമ്പരാഗത സാങ്കേതിക വിദ്യകളാണ് പിന്തുടരുന്നത്. തലമുറകളായി കൈമാറി വന്ന ഈ അറിവുകളാണ് ചന്നപട്ടണ കളിപ്പാട്ടങ്ങള്ക്ക് സവിശേഷ ഭംഗി നല്കുന്നത്. ഒരു പ്രത്യേക ശൈലിയിലെ നിറങ്ങളും അസംസ്കൃതവസ്തുക്കളും ഉപയോഗിച്ചുള്ള ഈ കളിപ്പാട്ടങ്ങള് വളരെ രസകരമാണ്.
യാന ഗുഹകള്
ഉത്തര കന്നഡ ജില്ലയിലെ സിര്സി, കുംത പട്ടണങ്ങള് പങ്കിടുന്ന വനപ്രദേശത്താണ് യാന ഗ്രാമം സ്ഥിതി ചെയ്യുന്നത്. കാര്സ്റ്റ് ചുണ്ണാമ്പുകല്ലില് രൂപീകൃതമായ, ക്രിസ്റ്റല് ഘടനയുള്ള യാനയിലെ രണ്ട് പാറക്കെട്ടുകള് അതിശയകരമാണ്. ഭൈരവേശ്വര ശിഖര എന്നും മോഹിനി ശിഖര എന്നുമാണ് ഈ പാറക്കെട്ടുകള് അറിയപ്പെടുന്നത്. ഇതിന് താഴെ ഗുഹാക്ഷേത്രങ്ങളമുണ്ട്. ഇടതൂര്ന്ന വനത്തിന് നടുവില് അതിശയിപ്പിക്കുന്ന ഘടനയുള്ള ഈ പാറക്കൂട്ടങ്ങള് സഞ്ചാരികളെ വളരെയധികം ആകര്ഷിക്കുന്ന ഒന്നാണ്. സാധാരണ ട്രെക്കിംഗ് റൂട്ടില് നിന്ന് അരകിലോമീറ്റര് മാറിയാണ് ഇവിടെയെത്തേണ്ടത്.
കരിഘട്ട ബ്ലാക്ക് ഹില്സ്
ബെംഗളൂരുവില് നിന്ന് 124 കിലോമീറ്റര് അകലെയാണ് കരിഘട്ട ഹില് സ്ഥിതി ചെയ്യുന്നത്. വേനല്ക്കാലത്ത് കുന്നിന് ചുറ്റുമുള്ള പുല്ല് ഉണങ്ങുകയും കുന്നിന് ഇരുണ്ട രൂപം നല്കുകയും ചെയ്യുന്നതിനാലാണ് ഇതിനെ 'കറുത്ത കുന്ന്' എന്ന് വിളിക്കുന്നത്. കൃത്യമായി കറുപ്പ് അല്ലെങ്കിലും കുന്നുകള്ക്ക് ആ സീസണുകളില് ഇരുണ്ട നിറമായിരിക്കും. കരിഘട്ട കുന്നിന് മുകളില് ഒരു ക്ഷേത്ര സമുച്ചയവും ഉണ്ട്.
സഹസ്ര ലിംഗം
കര്ണാടകയില് നിങ്ങള്ക്ക് അനുഭവിച്ചറിയാവുന്ന ഏറ്റവും കൗതുകകരമായ ഒരു പ്രദേശമായിരിക്കും ഇവിടം. സിര്സി താലൂക്കില് നിന്ന് 14 കിലോമീറ്റര് അകലെയുള്ള സഹസ്ര ലിംഗം ഒരു തീര്ത്ഥാടന കേന്ദ്രമാണ്. ശാമലാ നദിയുടെ തീരത്തുള്ള പാറകളില് കൊത്തിയെടുത്ത നിരവധി ശിവലിംഗങ്ങളും ബസവകളും (കാളകള്) ഇവിടെ കാണാം. ഈ ശിവലിംഗങ്ങല് ആയിരം ഉണ്ടെന്ന് അവര് പറയുന്നു. സിര്സി രാജ്യത്തിന്റെ രാജാവായിരുന്ന സദാശിവരയവര്മ്മയുടെ കാലത്താണ് ഈ ലിംഗങ്ങള് നിര്മ്മിച്ചത്.
ശിവനസമുദ്ര വെള്ളച്ചാട്ടം
മാണ്ഡ്യജില്ലയിലുള്ള ശിവനസമുദ്ര വെള്ളച്ചാട്ടം ചാമരാജനഗര ജില്ലയുടെ അതിര്ത്തിയോട് ചേര്ന്നാണ് സ്ഥിതി ചെയ്യുന്നത്. കുടകിലെ തലക്കാവേരിയില് നിന്നും ഉദ്ഭവിച്ച് ഹസന്, മൈസൂര്, മാണ്ഡ്യ വഴി ഒഴുക്കുന്ന പ്രസിദ്ധമായ കാവേരി നദിയിലാണ് ഈ വെള്ളച്ചാട്ടമുള്ളത്. ഇവിടെവച്ചാണ് കാവേരീ നദി രണ്ട് ശാഖകളായി പിരിഞ്ഞ് ഒഴുകുന്നത്. ഈ ശാഖകള്ക്കിടയില് രൂപപ്പെട്ട കരഭാഗമാണ് ശിവനസമുദ്ര ദ്വീപ്. ലോകത്തിലെ ഏറ്റവും വലിയ വെള്ളച്ചാട്ടങ്ങളില് പതിനാറം സ്ഥാനമാണ് ശിവനസമുദ്രയ്ക്കുള്ളത്. യഥാര്ത്ഥത്തില് ഗഗനചുക്കിയെന്നും ഭാരാചുക്കിയെന്നും അറിയപ്പെടുന്ന രണ്ടു വെള്ളച്ചാട്ടങ്ങള് ചേര്ന്നതാണ് ശിവനസമുദ്ര വെള്ളച്ചാട്ടം.
തില്മതി ബീച്ച്
രാജ്യത്തിലെ തന്നെ ഏറ്റവും ശാന്തവും തിരക്കുകളില്ലാത്തതുമായ കടല്ത്തീരമായി തില്മതി ബീച്ചിനെ കണക്കാക്കപ്പെടുന്നു. ഈ തീരം കറുത്ത മണലുകളാലും ബസാള്ട്ടിക് പാറയാലും നിറഞ്ഞുകിടക്കുകയാണ്. കാര്വാറില് സ്ഥിതിചെയ്യുന്ന ഈ ബീച്ചിലെ കറുത്ത മണല് തീരം ഒരു ക്യാന്വാസ് ചിത്രം പോലെ പ്രദേശത്തെ മാറ്റുന്നു. ബീച്ചിന് സമീപം സ്ഥിതി ചെയ്യുന്ന സീഫുഡ് സെര്വിംഗ് സ്റ്റാളുകള് പ്രാദേശിക ഭക്ഷണങ്ങള് ആസ്വദിക്കാന് പറ്റിയയിടങ്ങളാണ്. സവിശേഷമായ തനത് കാര്വാര് രുചികള് ഇവിടെ വളരെ കുറഞ്ഞ ചിലവില് രുചിക്കാന് സാധിക്കും.
സകലേഷ്പൂര്
സമുദ്രനിരപ്പില് നിന്ന് 3,136 അടി ഉയരത്തിലുള്ള സകലേഷ്പൂര്, ഹസന് ജില്ലയിലുള്പ്പെട്ട ഒരു മലമ്പ്രദേശമാണ്. പശ്ചിമഘട്ട മലനിരകളിലെ ജൈവവൈവിധ്യങ്ങളാല് സമ്പന്നമായ ഈ പ്രദേശം കാപ്പി, ഏലയ്ക്കാ, കുരുമുളക്, അടക്കാ തോട്ടങ്ങള് നിറഞ്ഞുനില്ക്കുന്ന പച്ചകുന്നുകളാല് മനോഹരമാണ്. ശ്രീരംഗപട്ടണത്തിലേക്കുള്ള ഒരു തുരങ്കത്തിന്റെ പ്രവേശന കവാടമാണെന്ന് പറയപ്പെടുന്ന നക്ഷത്രാകൃതിയിലുള്ള മഞ്ജരാബാദ് കോട്ടയും ഇവിടെയുണ്ട്. ടിപ്പു സുല്ത്താന് നിര്മ്മിച്ച മഞ്ജരാബാദ് കോട്ടയുടെ സമീപത്ത് നിന്ന് ഉത്ഭവിച്ച് പടിഞ്ഞാറോട്ട് ഒഴുകുന്ന കെമ്പുഹോളെ നദിയുടെ തീരപ്രദേശങ്ങള് ആരുടെയും മനം നിറയ്ക്കുന്നതാണ്.
രാമനഗര ജില്ലയിലാണ് ചന്നപട്ടണ ഗ്രാമം. പ്രാദേശികമായി ഈ പ്രദേശം ഗോംബെഗല നഗര അല്ലെങ്കില് കളിപ്പാട്ടങ്ങളുടെ നാട് എന്നാണ് അറിയപ്പെടുന്നത്. ഇവിടെ തദ്ദേശവാസികള് ലോകപ്രശസ്തമായ ജിഐ ടാഗ് ചെയ്ത ചന്നപട്ടണ കളിപ്പാട്ടങ്ങള് നിര്മ്മിക്കുന്നു. ചന്നപട്ടണ ഗ്രാമത്തിലെ കളിപ്പാട്ട നിര്മ്മാതാക്കള് കളിപ്പാട്ടങ്ങള് നിര്മ്മിക്കുന്നതിനായി ചില പമ്പരാഗത സാങ്കേതിക വിദ്യകളാണ് പിന്തുടരുന്നത്. തലമുറകളായി കൈമാറി വന്ന ഈ അറിവുകളാണ് ചന്നപട്ടണ കളിപ്പാട്ടങ്ങള്ക്ക് സവിശേഷ ഭംഗി നല്കുന്നത്. ഒരു പ്രത്യേക ശൈലിയിലെ നിറങ്ങളും അസംസ്കൃതവസ്തുക്കളും ഉപയോഗിച്ചുള്ള ഈ കളിപ്പാട്ടങ്ങള് വളരെ രസകരമാണ്.
യാന ഗുഹകള്
ഉത്തര കന്നഡ ജില്ലയിലെ സിര്സി, കുംത പട്ടണങ്ങള് പങ്കിടുന്ന വനപ്രദേശത്താണ് യാന ഗ്രാമം സ്ഥിതി ചെയ്യുന്നത്. കാര്സ്റ്റ് ചുണ്ണാമ്പുകല്ലില് രൂപീകൃതമായ, ക്രിസ്റ്റല് ഘടനയുള്ള യാനയിലെ രണ്ട് പാറക്കെട്ടുകള് അതിശയകരമാണ്. ഭൈരവേശ്വര ശിഖര എന്നും മോഹിനി ശിഖര എന്നുമാണ് ഈ പാറക്കെട്ടുകള് അറിയപ്പെടുന്നത്. ഇതിന് താഴെ ഗുഹാക്ഷേത്രങ്ങളമുണ്ട്. ഇടതൂര്ന്ന വനത്തിന് നടുവില് അതിശയിപ്പിക്കുന്ന ഘടനയുള്ള ഈ പാറക്കൂട്ടങ്ങള് സഞ്ചാരികളെ വളരെയധികം ആകര്ഷിക്കുന്ന ഒന്നാണ്. സാധാരണ ട്രെക്കിംഗ് റൂട്ടില് നിന്ന് അരകിലോമീറ്റര് മാറിയാണ് ഇവിടെയെത്തേണ്ടത്.
കരിഘട്ട ബ്ലാക്ക് ഹില്സ്
ബെംഗളൂരുവില് നിന്ന് 124 കിലോമീറ്റര് അകലെയാണ് കരിഘട്ട ഹില് സ്ഥിതി ചെയ്യുന്നത്. വേനല്ക്കാലത്ത് കുന്നിന് ചുറ്റുമുള്ള പുല്ല് ഉണങ്ങുകയും കുന്നിന് ഇരുണ്ട രൂപം നല്കുകയും ചെയ്യുന്നതിനാലാണ് ഇതിനെ 'കറുത്ത കുന്ന്' എന്ന് വിളിക്കുന്നത്. കൃത്യമായി കറുപ്പ് അല്ലെങ്കിലും കുന്നുകള്ക്ക് ആ സീസണുകളില് ഇരുണ്ട നിറമായിരിക്കും. കരിഘട്ട കുന്നിന് മുകളില് ഒരു ക്ഷേത്ര സമുച്ചയവും ഉണ്ട്.
സഹസ്ര ലിംഗം
കര്ണാടകയില് നിങ്ങള്ക്ക് അനുഭവിച്ചറിയാവുന്ന ഏറ്റവും കൗതുകകരമായ ഒരു പ്രദേശമായിരിക്കും ഇവിടം. സിര്സി താലൂക്കില് നിന്ന് 14 കിലോമീറ്റര് അകലെയുള്ള സഹസ്ര ലിംഗം ഒരു തീര്ത്ഥാടന കേന്ദ്രമാണ്. ശാമലാ നദിയുടെ തീരത്തുള്ള പാറകളില് കൊത്തിയെടുത്ത നിരവധി ശിവലിംഗങ്ങളും ബസവകളും (കാളകള്) ഇവിടെ കാണാം. ഈ ശിവലിംഗങ്ങല് ആയിരം ഉണ്ടെന്ന് അവര് പറയുന്നു. സിര്സി രാജ്യത്തിന്റെ രാജാവായിരുന്ന സദാശിവരയവര്മ്മയുടെ കാലത്താണ് ഈ ലിംഗങ്ങള് നിര്മ്മിച്ചത്.
ശിവനസമുദ്ര വെള്ളച്ചാട്ടം
മാണ്ഡ്യജില്ലയിലുള്ള ശിവനസമുദ്ര വെള്ളച്ചാട്ടം ചാമരാജനഗര ജില്ലയുടെ അതിര്ത്തിയോട് ചേര്ന്നാണ് സ്ഥിതി ചെയ്യുന്നത്. കുടകിലെ തലക്കാവേരിയില് നിന്നും ഉദ്ഭവിച്ച് ഹസന്, മൈസൂര്, മാണ്ഡ്യ വഴി ഒഴുക്കുന്ന പ്രസിദ്ധമായ കാവേരി നദിയിലാണ് ഈ വെള്ളച്ചാട്ടമുള്ളത്. ഇവിടെവച്ചാണ് കാവേരീ നദി രണ്ട് ശാഖകളായി പിരിഞ്ഞ് ഒഴുകുന്നത്. ഈ ശാഖകള്ക്കിടയില് രൂപപ്പെട്ട കരഭാഗമാണ് ശിവനസമുദ്ര ദ്വീപ്. ലോകത്തിലെ ഏറ്റവും വലിയ വെള്ളച്ചാട്ടങ്ങളില് പതിനാറം സ്ഥാനമാണ് ശിവനസമുദ്രയ്ക്കുള്ളത്. യഥാര്ത്ഥത്തില് ഗഗനചുക്കിയെന്നും ഭാരാചുക്കിയെന്നും അറിയപ്പെടുന്ന രണ്ടു വെള്ളച്ചാട്ടങ്ങള് ചേര്ന്നതാണ് ശിവനസമുദ്ര വെള്ളച്ചാട്ടം.
തില്മതി ബീച്ച്
രാജ്യത്തിലെ തന്നെ ഏറ്റവും ശാന്തവും തിരക്കുകളില്ലാത്തതുമായ കടല്ത്തീരമായി തില്മതി ബീച്ചിനെ കണക്കാക്കപ്പെടുന്നു. ഈ തീരം കറുത്ത മണലുകളാലും ബസാള്ട്ടിക് പാറയാലും നിറഞ്ഞുകിടക്കുകയാണ്. കാര്വാറില് സ്ഥിതിചെയ്യുന്ന ഈ ബീച്ചിലെ കറുത്ത മണല് തീരം ഒരു ക്യാന്വാസ് ചിത്രം പോലെ പ്രദേശത്തെ മാറ്റുന്നു. ബീച്ചിന് സമീപം സ്ഥിതി ചെയ്യുന്ന സീഫുഡ് സെര്വിംഗ് സ്റ്റാളുകള് പ്രാദേശിക ഭക്ഷണങ്ങള് ആസ്വദിക്കാന് പറ്റിയയിടങ്ങളാണ്. സവിശേഷമായ തനത് കാര്വാര് രുചികള് ഇവിടെ വളരെ കുറഞ്ഞ ചിലവില് രുചിക്കാന് സാധിക്കും.
സകലേഷ്പൂര്
സമുദ്രനിരപ്പില് നിന്ന് 3,136 അടി ഉയരത്തിലുള്ള സകലേഷ്പൂര്, ഹസന് ജില്ലയിലുള്പ്പെട്ട ഒരു മലമ്പ്രദേശമാണ്. പശ്ചിമഘട്ട മലനിരകളിലെ ജൈവവൈവിധ്യങ്ങളാല് സമ്പന്നമായ ഈ പ്രദേശം കാപ്പി, ഏലയ്ക്കാ, കുരുമുളക്, അടക്കാ തോട്ടങ്ങള് നിറഞ്ഞുനില്ക്കുന്ന പച്ചകുന്നുകളാല് മനോഹരമാണ്. ശ്രീരംഗപട്ടണത്തിലേക്കുള്ള ഒരു തുരങ്കത്തിന്റെ പ്രവേശന കവാടമാണെന്ന് പറയപ്പെടുന്ന നക്ഷത്രാകൃതിയിലുള്ള മഞ്ജരാബാദ് കോട്ടയും ഇവിടെയുണ്ട്. ടിപ്പു സുല്ത്താന് നിര്മ്മിച്ച മഞ്ജരാബാദ് കോട്ടയുടെ സമീപത്ത് നിന്ന് ഉത്ഭവിച്ച് പടിഞ്ഞാറോട്ട് ഒഴുകുന്ന കെമ്പുഹോളെ നദിയുടെ തീരപ്രദേശങ്ങള് ആരുടെയും മനം നിറയ്ക്കുന്നതാണ്.