ബിഗ് ബോസ് മലയാളം 2: എട്ട് വർഷം ആദ്ദേഹവുമായി ഒരുമിച്ചുണ്ടായിരുന്നു; രജിത്തിന്റെ ചോദ്യത്തിന് ആര്യയുടെ മറുപടി!

പാട്ടും ഡാൻസും ഒക്കെയായി ബിഗ് ബോസ് മലയാളം സീസൺ രണ്ട് മികച്ചരീതിയിലാണ് മുന്നേറുന്നത്. പങ്കെടുക്കാൻ എത്തുന്ന മത്സരാർത്ഥികൾ പരസ്പരം വിശേഷങ്ങൾ പങ്ക് വയ്ക്കുന്നതും, ജീവിതത്തിൽ അവർ അധികം ആരോടും പറയാത്ത രഹസ്യങ്ങൾ ഈ ലോകത്തിനോടായി വിളിച്ചുപറയുന്നതും പ്രേക്ഷകർ ഏറെ ആകാംക്ഷാപൂർവ്വമാണ് സ്വീകരിക്കുന്നത്. സ്‌ക്രീനിൽ പരിചിതരായ മത്സരാർത്ഥികൾ ഒരുമിച്ചു ഒരു വീട്ടിൽ കഴിയുക കൂടി ചെയ്തതോടെയാണ് പ്രേക്ഷകർക്ക് ഈ പരിപാടിയോടുള്ള താത്പര്യം വർധിക്കുന്നതും. ഒന്ന് രണ്ടു ആളുകളെ ഒഴിച്ച് നിർത്തിയാൽ വര്ഷങ്ങളായി പ്രേക്ഷകർക്ക് ഏറെ പ്രിയങ്കരരായി മാറിയ ഒരു പിടി താരങ്ങളാണ് ഇത്തവണ ബിഗ് ബോസിൽ ഉള്ളത്.

അവതാരക നടി, നർത്തകി, ഫാഷൻ ഡിസൈനർ തുടങ്ങിയ മേഖലകളിൽ വ്യക്തിമുദ്ര പതിപ്പിച്ച ആര്യയുടെ സാനിധ്യവും ഷോയുടെ മാറ്റ് കൂട്ടി എന്ന് വേണം പറയാൻ. മകൾ അറോയയ്ക്ക് ഒപ്പമാണ് താരം ഷോയുടെ ആദ്യ ദിവസം എത്തുന്നത്. മകൾ സമ്മതിച്ചത് കൊണ്ട് മാത്രമാണ് ഇതിലേക്കു വന്നതെന്നും താരം വ്യക്തമാക്കിയിരുന്നു. ഷോയുടെ രണ്ടാം ദിവസം താൻ ഡിവോഴ്സിയാണെന്നും, സിംഗിൾ പേരന്റാണ് താനെന്നും ആര്യ രാജിനി ചാണ്ടിയോട് വ്യക്തമാക്കി.

READ ALSO:ചില നേരം ഒരു ഹഗ് ആയിരം വാക്കുകളെക്കാളും വിലയുള്ളതാണ്! വിവാദങ്ങൾക്ക് പുല്ല് വില നൽകി ദർശനയും അനൂപും!

കഴിഞ്ഞദിവസം തനറെ ബന്ധം എത്ര നാൾ നീണ്ടു നിന്ന് എന്ന രജിത് കുമാറിന്റെ ചോദ്യത്തിനും ആര്യ വ്യക്തമായ മറുപടി തന്നെയാണ് നൽകിയത്. എട്ടുവർഷം ബന്ധം നീണ്ടു നിന്നതായിട്ടാണ് ആര്യ പറയുന്നത്.ഇടത്തരം കുടുംബത്തിൽപ്പെട്ട താൻ കോളേജിൽ പോകാഞ്ഞതിന്റെ കാരണത്തെ പറ്റിയും, പഠിച്ചുകൊണ്ടിരുന്നപ്പോൾ മുതൽ അവതാരക ആയി ഫീൽഡിൽ എത്തിയതിനെപ്പറ്റിയും, പോക്കറ്റ് മണി സ്വരൂപിച്ചതിനെപ്പറ്റിയും താരം ഷോയിൽ വാചാല ആയി.

ഷോയുടെ രണ്ടാം ദിവസം തന്റെ സഹോദരന്റെ അകാല മരണത്തെപ്പറ്റിയും, താരം സഹ മത്സരാർത്ഥികളോട് വ്യക്തമമാക്കിയിരുന്നു. ആര്യയുടെ പക്വതയോട് കൂടിയുള്ള പെരുമാറ്റ രീതിയും, കാര്യങ്ങളെ കാര്യ ഗൗരവത്തോടെ സമീപിക്കുന്നതും പ്രേക്ഷകർ അതിശയത്തോടെയാണ് ഇപ്പോൾ വീക്ഷിക്കുന്നത്. ബഡായി ബംഗ്ളാവിൽ കണ്ട ആര്യ തന്നെയാണോ എന്ന സംശയവും ചില അരാധകർ സോഷ്യൽ മീഡിയ വഴി പങ്കിടുന്നുണ്ട്. ആര്യ ഷോയിൽ ഉണ്ട് എന്ന് അറിഞ്ഞപ്പോൾ മുതൽ സോഷ്യൽ, മീഡിയ നിറയെ താരത്തിന് പിന്തുണ അറിയിച്ചു കൊണ്ടുള്ള പോസ്റ്റുകൾ നിറഞ്ഞു കഴിഞ്ഞിരുന്നു. ഈ സീസണിലെ പേളി എന്നാണ് താരത്തെ സോഷ്യൽ മീഡിയ വിളിക്കുന്നത്.