ഞങ്ങൾക്കിടയിൽ യാതൊരു പ്രശ്നമില്ല; ദയവ് ചെയ്ത് നിങ്ങളായി പ്രശ്നം വഷളാക്കാതെ ഇരിക്കുക; ഋതു

താനും തൻ്റെ കുടുംബവും മറ്റ് ആർമിക്കാരിൽ നിന്നും രൂക്ഷമായ സൈബറാക്രമണം ഇപ്പോഴും നേരിട്ടുകൊണ്ടിരിക്കുകയാണ്. സൈബറാക്രമണത്തിൽ സഹികെട്ട് തൻ്റെ മരണമാണോ നിങ്ങൾക്ക് കാണേണ്ടത് എന്നാണ് സൂര്യ ചോദിക്കുന്നത്.

മാത്രമല്ല ദയവ് ചെയ്തു എന്നെ സ്നേഹിക്കുന്നവർ ആരുടെയും അക്കൗണ്ടിൽ പോയി ചീത്ത വിളിക്കരുതെന്നും ചിലപ്പോൾ അവർ അറിയാത്ത കാര്യം ആയിരിക്കാം എന്നും സൂര്യ പറഞ്ഞു. സൂര്യക്ക് പിന്തുണയുമായി നിരവധി ആളുകൾ ആണ് എത്തുന്നത്.

അതിൽ ഋതു പങ്കിട്ട വാക്കുകൾ വായിക്കാം.

'സൂര്യയെയും അവരുടെ വീട്ടുകാരെയും സൈബർ അറ്റാക്ക് നടത്തുന്നത് എന്തിനാണ്. അത് ഒരു ഗെയിം ആണ്. ഗെയിമിനെ അതിന്റെ സെൻസിൽ എടുക്കൂ പ്ലീസ്. കാരണം ഞങ്ങൾ 19 മത്സരാർത്ഥികൾ തമ്മിൽ ഒരുപാട് ഇഷ്യൂസ് ഉണ്ടായിട്ടുണ്ട്, അഭിപ്രായ വ്യത്യാസങ്ങൾ ഉണ്ടായിട്ടുണ്ട് ഞങ്ങൾ ഇറങ്ങിയപ്പോൾ അത് അവിടെ തന്നെ വിട്ടു'

ഇറങ്ങിയ ശേഷം അതിനെ കുറിച്ച് സംസാരിച്ചു വഷളാക്കിയിട്ടില്ല. അതുപോലെ തന്നെ ഗെയിമിനെ ഞങ്ങൾ ആ ഗെയിം സെൻസിൽ ആണ് എടുത്തത്. ആർമി ഗ്രൂപ്പുകളിൽ അഭിപ്രായ വ്യത്യസം ഉണ്ടാകാം ഫൈറ്റ്സ് ഉണ്ടാകാം. പക്ഷെ ഒരു വ്യക്തിയെ പേഴ്സണൽ ആയി ആക്രമിക്കുക, അവരുടെ ഫാമിലിയെ അറ്റാക്ക് ചെയ്യുക എന്ന് പറയുന്നത് വളരെ മോശമായ കാര്യമാണ്. കാരണം സൂര്യയുടെ അച്ഛനും അമ്മയ്ക്കും അത് ഒരുപാട് പ്രയാസം ഉണ്ടാക്കും എന്ന് മനസിലാക്കുക.

'ദയവ് ചെയ്ത ഗെയിമിനെ ഗെയിം ആയി കാണാൻ ശ്രമിക്കുക.. ഒരാളെ വേദനിപ്പിക്കുന്നു എങ്കിൽ നമ്മൾ എല്ലാവരും ഇതിനു ഉത്തരവാദികൾ ആയിരിക്കും. ദയവായി അവളെ പിന്തുണക്കുക. ഒരാൾ ഒരു ഗെയിമിൽ വന്നു എന്ന് കരുതി ഒരാളുടെ കുടുംബത്തെ വേദനിപ്പിക്കുന്നത് ശരിയല്ല. നമ്മളൊക്കെ ബിഗ് ബോസിൽ വന്നു, നമ്മളൊക്കെ അതിനെ ഒരു ഗെയിം സ്പിരിറ്റിൽ ആണ് എടുത്തത്'

'അവിടെ വച്ചുണ്ടായ പ്രശ്നങ്ങൾ ഞങ്ങൾ കളഞ്ഞു. ഞങ്ങളൊക്കെ അങ്ങോട്ടും ഇങ്ങോട്ടും ഫോൺ ചെയ്തു സംസാരിക്കുന്നവർ ആണ്. ഞങ്ങൾക്കുള്ളിൽ യാതൊരു പ്രശ്നവും ഇല്ല. ദയവ് ചെയ്ത നിങ്ങളായി പ്രശ്നം ഉണ്ടാക്കരുത്. ആരെയും വ്യക്തിപരമായി ആക്രമിക്കാതെ ഇരിക്കുക. അവളെ വ്യക്‌തിപരമായി ആക്ഷേപിക്കാതെ ഇരിക്കുക. അവളെ പിന്തുണക്കുക', എന്നും ഋതു പറയുന്നു.