ഒരു സിനിമ സംവിധാനം ചെയ്യണം എന്നിട്ടേ വിവാഹം ഉണ്ടാകൂ; 'വിവാഹ'വാർത്തകളോട് അരിസ്റ്റോ സുരേഷ്!

ആക്ഷന്‍ ഹീറോ ബിജു എന്ന ചിത്രത്തിലൂടെ മലയാള സിനിമാപ്രേക്ഷകരുടെ പ്രിയങ്കരൻ ആയി മാറിയ താരമാണ് അരിസ്‌റ്റോ സുരേഷ്. തുടര്‍ന്ന് ചെറിയ ചെറിയ വേഷങ്ങളിലൂടെ അദ്ദേഹം മലയാള സിനിമയില്‍ ഒരു ഭാഗമായി മാറി. ജനപ്രിയ ഷോ ബിഗ് ബോസിന്റെ ആദ്യ സീസണിൽ പങ്കെടുത്തതോടെയാണ് സുരേഷിനെ മിനി സ്‌ക്രീൻ പ്രേക്ഷകർ നെഞ്ചേറ്റിയത്.

അൻപതുകാരനായ അരിസ്റ്റോയുടെ 'വിവാഹ വാർത്ത' കഴിഞ്ഞ ദിവസം ചില ഓൺലൈൻ മാധ്യമങ്ങൾ ആഘോഷമാക്കിയിരുന്നു. മുൻപെങ്ങോ നൽകിയ ഒരു അഭിമുഖവും, ഒപ്പം സുഹൃത്തിനൊപ്പമുള്ള ചിത്രവും ചേർത്തുവച്ചുകൊണ്ടാണ് വാർത്ത പ്രചരിച്ചത്.

ALSO READ: ആദ്യം ഉണ്ടായിരുന്ന ആകുലത ഇപ്പോഴുണ്ടോ; എത്രപേരുണ്ട് നിർദ്ദേശങ്ങൾ പിന്തുടരുന്നവർ;

പ്രചരിച്ച വാർത്തകളോട് ഇപ്പോൾ പ്രതികരിക്കുകയാണ് താരം. തന്നെയും സുഹൃത്തിനെയും ചേർത്തുവച്ച വന്ന വാർത്തകൾ വേദനിപ്പിച്ചുവെന്ന് ആണ് അരിസ്റ്റോ സുരേഷ് മാധ്യമങ്ങളോട് പറയുന്നത്.

തന്റെ അമ്മയെ കാണാൻ എത്തിയ സുഹൃത്തിന്റെ ചിത്രം ആണ് ചിലർ പ്രചരിപ്പിച്ചത്. വിവാഹം കഴിക്കില്ല എന്നൊന്നും പറയുന്നില്ല. പക്ഷെ അതിന് ആദ്യം ഒരു സിനിമ സംവിധാനം ചെയ്യണം. അതിനു ആദ്യം സംവിധാനം പഠിക്കണം. അതിനുശേഷമേ വിവാഹം ഉണ്ടാകൂ എന്നാണ് സുരേഷ് പ്രതികരിച്ചത്.

ALSO READ: സിനിമ പോലെ സിംപിൾ അല്ല സീരിയൽ; കിട്ടാത്ത ഡയലോഗിന് W W W; വീഡിയോ കാണാം!
ബിഗ് ബോസിൽ അരിസ്റ്റോ സുരേഷിനൊപ്പം മത്സരിച്ച താരത്തെയും കൂട്ടിയാണ് സുരേഷിനെതിരെ വാർത്തകൾ പ്രചരിച്ചത്. മുൻപും ഇതേപോലെയുള്ള സംഭവങ്ങൾ നടന്നിട്ടുണ്ട് എന്നും സുരേഷ് വ്യക്തമാക്കി.