'തമാശ രീതിയിൽ ആദ്യം പിരിഞ്ഞു; ഞാൻ പോലും അറിയാതെ അദ്ദേഹം വേറെ വിവാഹം കഴിച്ചു: ദയ അശ്വതി പറയുന്നു!

സോഷ്യൽ മീഡിയയിൽ ദയ അശ്വതി, ദയ അച്ചു എന്നീ പേരുകളിലാണ് ഇവർ അറിയപ്പെടുന്നത്. ശരിക്കുള്ള പേര് ഇതല്ല മറ്റൊന്നാണ് എന്ന് മാത്രമാണ് ഷോയിലൂടെ താരം പറഞ്ഞിരുന്നത്. ആദ്യകാലങ്ങളിൽ സിനിമകളിൽ സൈഡ് ആർട്ടിസ്റ്റായി നിറഞ്ഞ ദയ പിന്നീടാണ് ബ്യൂട്ടീഷ്യൻ കോഴ്സ് പഠിക്കുന്നതും ബഹ്റൈനിലേക്ക് പോകുന്നതും.

പലരും പലപ്പോഴും എന്നോട് ചോദിച്ചിട്ടുളളതാണ് എന്റെ ശരിയായ പേരിനെ കുറിച്ച്. അന്നൊന്നും പറയാൻ സാധിച്ചിട്ടില്ല. ഇപ്പോൾ അത് പറയാം എന്ന് തോന്നി. എന്റെ ശരിക്കുള്ള പേര് ദീപ എന്നാണ്. പിന്നെ എന്തുകൊണ്ട് ദയ ആയി എന്ന് ചോദിച്ചാൽ, പല ആർട്ടിസ്റ്റുകളും പേര് മാറാറുണ്ട് അതുകൊണ്ട് ഞാനും പുതിയ പേര് സ്വീകരിക്കാം എന്നും കരുതി. പിന്നെ മേമ എന്നെ വിളിക്കുന്നത് ദയ എന്ന് ആയതുകൊണ്ടും ഫേസ്ബുക്കിൽ ഞാൻ ആ പേര് സ്വീകരിക്കുകയായിരുന്നു.

പാലക്കാട് മുണ്ടൂർ സ്വദേശിയാണ് ഞാൻ. പതിനാറ് വയസ്സിൽ ആണ് വിവാഹിതയാകുന്നത്. , എനിക്ക് രണ്ട് ആൺകുട്ടികൾ ആണുള്ളത് എന്നും സ്വന്തം യൂ ട്യൂബ് ചാനലിലൂടെ താരം പറഞ്ഞു. അമ്മയോ അച്ഛനോ, ഭർത്താവോ കൂടപ്പിറപ്പുകളോ ഒപ്പമില്ലെന്നും അമ്മയുടെ അനിയത്തി മാത്രമാണ് അടുത്ത ബന്ധുവായി ഉള്ളത് എന്നും ദയ മുൻപേ വ്യക്തമാക്കിയിരുന്നു.

ചാലക്കുടിക്കാണ് വിവാഹം കഴിപ്പിച്ചു വിട്ടത്. പലരും എന്നോട് ചോദിച്ചു എന്തിനാണ് ഭർത്താവുമായി പിരിഞ്ഞത് എന്ന്. അദ്ദേഹത്തിന് നല്ല ഗുണങ്ങളും ഉണ്ട് ചീത്ത ഗുണങ്ങളും ഉണ്ട്. എങ്കിലും ഭയങ്കര സംശയം ആയിരുന്നു. സംശയത്തിന്റെ പേരിൽ അങ്ങോടും ഇങ്ങോടും ഒക്കെ ആയി. ആദ്യം തമാശ രീതിയിൽ പിരിഞ്ഞതാണ്. പക്ഷെ എന്നെ അറിയിക്കാതെ അദ്ദേഹം മറ്റൊരു വിവാഹം കഴിച്ചു. വേണമെങ്കിൽ എനിക്ക് ലീഗലി പോകാം. പക്ഷേ നമ്മൾക്ക് അർഹിക്കാത്ത സ്നേഹം നമ്മൾ പ്രതീക്ഷിക്കരുത് എന്ന് അമ്മൂമ്മ പറഞ്ഞു തന്ന അറിവാണ്. അതുകൊണ്ട് ഞാൻ ഇങ്ങനെ തന്നെ മുൻപോട്ട് പോകുന്നു.