ഹിന്ദി ലുക്കില്ല, പരീക്കുട്ടിയെ ഒഴിവാക്കാമായിരുന്നു എന്ന് കമന്റ്; വായടപ്പിക്കുന്ന മറുപടി നൽകി പരീക്കുട്ടി

ബിഗ് ബോസിലൂടെ പ്രേക്ഷകരുടെ ശ്രദ്ധ നേടിയ താരമാണ് പരീക്കുട്ടി. ഇപ്പോഴിതാ ഒമര്‍ ലുലു ഒരുക്കുന്ന ഹിന്ദി ആല്‍ബത്തിലും പരീക്കുട്ടി എത്തുന്നു. കഴിഞ്ഞ ദിവസമാണ് തന്റെ ഹിന്ദി ആല്‍ബത്തെ കുറിച്ചുള്ള വാര്‍ത്ത ഒമര്‍ ലുലു പങ്കുവച്ചത്. ഹിന്ദിയിലെ വലിയ നിര്‍മ്മാണ കമ്പനികളിലൊന്നായ ടി സീരീസാണ് ഒമര്‍ ലുലുവിന്റെ സംഗീത ആല്‍ബം ഒരുക്കുന്നത്.

Also Read: ആദ്യത്തെ ഹിന്ദി ആൽബത്തിന്റെ ഷൂട്ടിംഗ് വിശേഷം പങ്കുവെച്ച് ഒമർ ലുലു!

തന്റെ ആല്‍ബത്തിലെ താരങ്ങള്‍ക്കൊപ്പമുള്ള ചിത്രം ഒമര്‍ ലുലു പങ്കുവച്ചിരുന്നു. ഇതില്‍ പരീക്കുട്ടിയുമുണ്ടായിരുന്നു. ദുബായിലാണ് ആല്‍ബത്തിന്റെ ചിത്രീകരണം നടക്കുന്നത്. പരീക്കുട്ടിയെ ആല്‍ബത്തിലെടുത്തതിനെ കുറിച്ച് ഒരാള്‍ നടത്തിയ പ്രതികരണവും അതിന് പരീക്കുട്ടി നല്‍കിയ മറുപടിയുമാണ് ഇപ്പോള്‍ ചര്‍ച്ചയാകുന്നത്.

പരീക്കുട്ടിയെ ഒഴിവാക്കാമായിരുന്നു. ആള്‍ക്ക് ഒരു ഹിന്ദി ലുക്ക് കിട്ടുന്നില്ലല്ലോ എന്നായിരുന്നു ഇയാളുടെ കമന്റ്. ഇതിന് മറുപടിയുമായി പരീക്കുട്ടി തന്നെ നേരിട്ട് എത്തുകയായിരുന്നു. എന്നെ ഹിന്ദിക്കാരന്‍ ആയിട്ടല്ല, തുണി അലക്കാന്‍ പോകുന്ന നീഗ്രോ ആയിട്ടാണ് വിളിച്ചിട്ടുള്ളത് എന്നായിരുന്നു പരീക്കുട്ടിയുടെ മറുപടി.

Also Read: കുറുവച്ചനെ പ്രഖ്യാപിക്കാൻ മലയാള സിനിമാലോകം; ഇതൊരു ഫാൻ ഫൈറ്റ് ആക്കരുതെന്ന് സുരേഷ് ഗോപി

മറുപടിയുടെ കൂടെ മോഹന്‍ലാലിന്റേയും ശ്രീനിവാസന്റേയും മീമും പരീക്കുട്ടി പങ്കുവച്ചിട്ടുണ്ട്. പിന്നാലെ മറുപടിയുമായി ഒമര്‍ ലുലുവുമെത്തി. എന്റെ പൊന്നു പരി എന്നു പറഞ്ഞു കൊണ്ട് മീം പങ്കുവെക്കുകയായിരുന്നു ഒമര്‍ ലുലു. താരത്തിന്റെ മറുപടി വെെറലായി മാറുകയാണ്.