ജിയ ഇറാനിക്കുള്ള മറുപടിയോ? മുഗൾ വധുവായി ഋതു മന്ത്ര! ഇങ്ങനെയാവണം, ഇത് പോലെ പോയാൽ മതി! ചില കാര്യങ്ങളിൽ നിശബ്ദതയാണ് നല്ലതെന്ന് ആരാധകർ!

നാളുകള്‍ക്ക് ശേഷമായി മോഡലിംഗ് രംഗത്ത് സജീവമായിരിക്കുകയാണ് ഋതു മന്ത്ര. ബ്രൈഡല്‍ ഫോട്ടോ ഷൂട്ടിന്റെ വിശേഷങ്ങളാണ് താരം പങ്കുവെച്ചത്. മുഗള്‍ വധുവായുള്ള വീഡിയോ, നല്ലൊരു ടീം വര്‍ക്കാണ്, ക്യാമറയ്ക്ക് പിന്നിലെ രംഗങ്ങളാണ് ഇതെന്നുമായിരുന്നു വീഡിയോയക്ക് നല്‍കിയ ക്യാപ്ഷന്‍. നിമിഷനേരം കൊണ്ടായിരുന്നു വീഡിയോ ശ്രദ്ധിക്കപ്പെട്ടത്.

അനാവശ്യമായ നാടകങ്ങളേക്കാള്‍ നല്ലത് നിശബ്ദതയാണ്. പതിവ് പോലെ തന്നെ ഇത്തവണയും അതീവ സുന്ദരിയായിരിക്കുന്നു. തിരക്കിട്ട നാളുകളുമായി മുന്നേറുക. സ്വപ്‌നങ്ങള്‍ക്ക് പിന്നാലെ പോയി അത് നേടിയെടുക്കുക. ഞങ്ങളുടെ ഡയമണ്ടാണ് ഋതു മന്ത്ര തുടങ്ങിയ കമന്റുകളുമായാണ് ആരാധകരെത്തിയത്. കടുത്ത വിമര്‍ശനങ്ങള്‍ ഉയര്‍ന്നപ്പോഴും ആരാധകര്‍ താരത്തിനൊപ്പമായിരുന്നു.

തന്റെ പ്രണയത്തെക്കുറിച്ച് ഋതു നടത്തിയ തുറന്നുപറച്ചില്‍ വൈറലായി മാറിയിരുന്നു. തനിക്കൊരു പ്രണയമുണ്ടെന്നും, ബിഗ് ബോസില്‍ നിന്നും തിരിച്ച് ചെല്ലുമ്പോള്‍ അത് അവിടെയുണ്ടാകുമോയെന്ന് അറിയില്ലെന്നുമായിരുന്നു ഋതു പറഞ്ഞത്. ഈ വാക്കുകള്‍ കേട്ടതോടെ മോഹന്‍ലാല്‍ ഉള്‍പ്പടെ ഋതുവിനോട് അതെന്താണ് അങ്ങനെയൊരു സംശയം, അങ്ങനെ പോവുന്നതാണോ പ്രണയമെന്ന് ചോദിച്ചിരുന്നു. കാമുകനെക്കുറിച്ചോ മറ്റ് കാര്യങ്ങളെക്കുറിച്ചോയൊന്നും താരം പറഞ്ഞിരുന്നില്ല.

പ്രണയത്തെക്കുറിച്ച് ഋതു പറയും മുന്‍പെ ജിയ ഇറാനി പ്രിയപ്പെട്ടവളായ ഋതുവിനൊപ്പമുള്ള ചിത്രങ്ങളുമായി എത്തിയിരുന്നു. 4 വര്‍ഷമായി തങ്ങള്‍ പ്രണയത്തിലാണെന്നും അദ്ദേഹം പറഞ്ഞിരുന്നു. പര്‌സപരം മനസ്സിലാക്കിയാണ് മുന്നോട്ട് പോവുന്നത്. തിരുമ്പി വന്ത് പാറടാ കണ്ണായെന്നായിരുന്നു ഋതുവിന്റെ ആശങ്കയ്ക്ക് ജിയ നല്‍കിയ മറുപടി. ഷോയില്‍ നിന്നും പുറത്തെത്തിയെഹ്കിലും പ്രണയത്തെക്കുറിച്ചോ, ജിയ ഇറാനിയെക്കുറിച്ചോ ഋതു മിണ്ടിയിരുന്നില്ല.

ഋതുവിനൊപ്പമുള്ള സ്വകാര്യനിമിഷങ്ങളിലെ ചിത്രങ്ങളും വീഡിയോയുമായാണ് ജിയ ഇറാനി എത്താറുള്ളത്. ഋതുവിന്റെ ലൈവ് വീഡിയോയിലും കമന്റുകളുമായി ജിയ എത്തിയിരുന്നു. എന്നാല്‍ അപ്പോഴും ഋതു പ്രതികരിച്ചിരുന്നില്ല. ഋതുവിന്റെ പ്രതികരണത്തിനായി കാത്തിരിക്കുകയാണ് ആരാധകര്‍. ബിഗ് ബോസ് ഫിനാലെയ്ക്ക് ശേഷമായി ഋതു ഇതേക്കുറിച്ച് പ്രതികരിക്കുമെന്ന പ്രതീക്ഷയിലാണ് എല്ലാവരും.