Bigg Boss Malayalam 2: കണ്ണീരിന്റെ ഉപ്പ് കലർന്ന ജീവിത കഥയുമായി മഞ്ജു; ഷോയിലേക്ക് എത്താൻ കാരണമിത്!

രാജ്യം കണ്ടതിൽ വച്ചേറ്റവും വലിയ റിയാലിറ്റി ഷോയ്ക്കാണ് കഴിഞ്ഞ ദിവസം തുടക്കം കുറിച്ചത്. മോഹൻലാൽ അവതാരകൻ ആയെത്തിയ ഷോയുടെ പ്രധാന ആകർഷണവും താരം എത്തുന്നു എന്നുള്ളതാണ്. ഷോയിൽ എത്തിയ പതിനേഴ് മത്സരാർത്ഥികളും പങ്കെടുക്കാൻ ഒരു കാരണമായി പറഞ്ഞത് ലാലേട്ടന്റെ സാന്നിധ്യമാണ് ഞങ്ങൾ ഇവിടെ എത്താൻ കാരണം എന്നാണ്. ഇത്തവണത്തെ ഷോയുടെ പ്രത്യേകത സമൂഹത്തിന്റെ നാനാ തലങ്ങളിൽ പെട്ട ആളുകളും ഈ 17 മത്സരാർഥികളിലും ഉൾപ്പെട്ടിരിക്കുന്നു എന്നുള്ളതാണ്.

സീരിയൽ സിനിമാ രംഗത്ത് പ്രവർത്തിക്കുന്നവരാണ് ഇത്തവണത്തെ മത്സരാര്ഥികളിൽ അധികം പേരും എന്നുള്ളതും പ്രേക്ഷകരുടെ ആകാംക്ഷ വർധിപ്പിക്കുന്നതാണ്. ഏഷ്യാനെറ്റ് ഒഴികെയുള്ള മെഗാ സീരിയലുകളുടെ സമയത്താണ് ഷോ യുടെ സമയക്രമം. ഇത് സീരിയൽ പ്രേമികളെ ഷോയിലേക്ക് മാക്സിമം എത്തിക്കുക എന്ന ലക്ഷ്യത്തിലാകണം. മാത്രവുമല്ല തങ്ങൾക്ക് പ്രിയപ്പെട്ട കോമഡി താരങ്ങൾ ഷോയിലേക്ക് എത്തുന്നതും ബിഗ് ബോസിന്റെ മാറ്റ് കൂട്ടി. നിരവധി റിയാലിറ്റി ഷോകളിലൂടെയും, കോമഡി പരിപാടികളിപ്പോടെയും പരിചിതയായ മഞ്ജു പത്രോസിന്റെ സാനിധ്യം പ്രേക്ഷകർ ഏറെ ആഗ്രഹിച്ചതാണ്.

READ ALSO; ബിഗ് ബോസ് മലയാളം 2; ക്യാമറ കണ്ണുകൾ വെട്ടിച്ചു അയാൾ എങ്ങിനെ അകത്തു കടന്നു; ലാൽ ഇതൊന്നും അറിഞ്ഞില്ലേ!

കിടിലൻ ഡാൻസുമായിട്ടായിരുന്നു മഞ്ജുവിന്റെ ബിഗ് ബോസ് എൻട്രി. തന്റെ കുടുംബത്തിനെ മിസ് ചെയ്യും എന്ന് പറഞ്ഞ താരം, കണ്ണീർ നിറഞ്ഞ ജീവിതകഥയെപ്പറ്റിയും വാചാലയായി. കുഞ്ഞിന്റെ പിറന്നാൾ ആഘോഷിക്കാൻ കാശില്ലാതിരുന്ന സമയത്തെപ്പറ്റിയും, അഭിനയമേഖലയിലേക്ക് എത്തപെട്ടതിനെക്കുറിച്ചും താരം സംസാരിച്ചപ്പോൾ മഞ്ജു അറിയാതെ തന്നെ കണ്ണ് നിറഞ്ഞിരുന്നു. സ്വന്തമായി ഒരു വീട് ആണ് തന്റെ സ്വപ്നം എന്നാണ് മഞ്ജു ഷോയിലൂടെ വ്യക്തമാക്കിയത്. തന്റെ ആരാധകർ ആണ് തന്നെ ഇവിടെ വരെ എത്തിച്ചതെന്നും, ഇനിയും നിങ്ങളുടെ അകമഴിഞ്ഞ സപ്പോർട്ട് വേണമെന്നും മഞ്ജു ഷോയ്ക്കിടെ അഭ്യർത്ഥിച്ചു.