ബിഗ്ഗ് ബോസ് സീസണ്‍ 5 ഉടന്‍, ആരൊക്കെയാവും മത്സരാര്‍ത്ഥികള്‍?

എല്ലാ ഇന്റസ്ട്രിയിലും ജനങ്ങള്‍ പ്രേക്ഷകര്‍ അംഗീകരിച്ച റിയാലിറ്റി ഷോ ആണ് ബിഗ്ഗ് ബോസ്. മറ്റ് ഇന്റസ്ട്രികളില്‍ എല്ലാം സീസണ്‍ കുതിച്ചു മുന്നേറുകയാണ്. മലയാളത്തില്‍ സീസണ്‍ 5 ഉടന്‍ തുടങ്ങും എന്ന് സൂചനകള്‍. ഏഷ്യനെറ്റ് ചാനല്‍ തന്നെയാണ് പ്രതീക്ഷ പങ്കുവച്ചത്.

സീസണ്‍ ഒന്നിലെ മത്സരാര്‍ത്ഥികള്‍ ആയിരുന്ന പേളിയുടെയും ശ്രീനിഷിന്റെയും വീഡിയോ പങ്കുവച്ചുകൊണ്ടാണ്, സീസണ്‍ 5 ഉടന്‍ തുടങ്ങും എന്ന സ്റ്റോറി ഏഷ്യനെറ്റ് ചാനലിന്റെ ഒഫിഷ്യല്‍ ഇന്‍സ്റ്റഗ്രാം പേജില്‍ പങ്കുവച്ചത്. ശ്രീനിഷിനെയും പേളിയെയും ടാഗ് ചെയ്തുകൊണ്ടാണ് സ്റ്റോറി.

സീസണ്‍ 5 നെ കുറിച്ച് ഇതിനോടകം പല കിംവദന്തികളും പ്രചരിയ്ക്കുന്നുണ്ട്. മാര്‍ച്ച് അവസാനത്തോടെ ഷോ ആരംഭിയ്ക്കും എന്നാണ് വിവരം. മോഹന്‍ലാല്‍ തന്നെ ഹോസ്റ്റ് ആയി എത്തും. എവിടെയാണ് ഇത്തവണ ഷോ നടക്കുന്നത് എന്ന സൂചനകള്‍ ഒന്നും തന്നെ വന്നിട്ടില്ല.

സാബുമോന്‍ (തരികിട സാബു) ആണ് ബിഗ്ഗ് ബോസ് മലയാളം ആദ്യ സീസണിലെ ടൈറ്റില്‍ വിന്നര്‍ ആയത്. രണ്ടാം സീസണ്‍ കൊവിഡ് ആദ്യ തരംഗം വ്യാപിച്ചതിനാല്‍ പിരിച്ചുവിടുകയായിരുന്നു. മൂന്നാം സീസണും കൊവിഡ് കാരണം പിരിച്ചുവിട്ടുവെങ്കിലും പിന്നീട് നടത്തിയ പോളിങിലൂടെ മണിക്കുട്ടന്‍ ടൈറ്റില്‍ വിന്നറായി. ദില്‍ഷ പ്രസന്നന്‍ ആണ് ബിഗ്ഗ് ബോസ് സീസണ്‍ 4 ലെ വിന്നര്‍.

ബിഗ്ഗ് ബോസ് സീസണ്‍ 5 ലും ജീവിതത്തിന്റെ പല ഘട്ടങ്ങളെയും സാഹസികമായി അഭിമുഖീകരിച്ചു വന്ന വ്യത്യസ്തരായ മത്സരാര്‍ത്ഥികള്‍ തന്നെ ഉണ്ടാവും എന്നാണ് പ്രതീക്ഷിക്കുന്നത്.