ആര്യയുടെ വീട്ടില്‍ ഒത്തുകൂടി അവർ; നിങ്ങൾക്ക് നിയമം ബാധകമെല്ലെയെന്ന് വിമർശനം!

ബിഗ് ബോസിൽ നിന്നും നേരത്തെ ഇറങ്ങിയ സുഹൃത്തുക്കൾക്ക് ഒപ്പമാണ് ആര്യയും എലീനയും എല്ലാം ഉൾപ്പെടുന്ന ചിത്രം ആര്യ പങ്കിട്ടത് പ്രദീപ് ചന്ദ്രന്‍, സുരേഷ് കൃഷ്ണന്‍, എന്നിവര്‍ക്കൊപ്പം ആര്യയുടെ മകൾ റോയയും ചേർന്ന് നില്‍ക്കുന്ന ചിത്രമാണ് താരം പോസ്റ്റ് ചെയ്തത്.

കുറേനാളുകൾക്ക് ശേഷം ഒത്തുകൂടിയതിന്റെ സന്തോഷം എല്ലാവരുടെയും മുഖത്ത് നിന്നും വായിച്ചെടുക്കാൻ സാധിക്കും. എന്നാൽ ഇവരുടെ ഒപ്പം ഫുക്രുവിനെ കാണാൻ സാധിക്കാത്തതിന്റെ നിരാശയും ചില ആരാധകർ പങ്ക് വയ്ക്കുന്നുണ്ട്.

കുടുംബത്തെ കാണുമ്പോഴാണ് സന്തോഷം തോന്നുന്നത്. ഏറ്റവും പ്രിയപ്പെട്ടയാള്‍ക്കാരെ നാളുകള്‍ക്ക് ശേഷമായാണ് കണ്ടത്. കുടുംബത്തിലെ മറ്റുള്ള അംഗങ്ങളെ മിസ്സ് ചെയ്യുന്നുണ്ടെന്നും പക്ഷെ സാരമില്ല നമ്മൾ എല്ലാവരും കാണും, കാരണം നമ്മൾ ട്രിവിയൻസ് അല്ലെ എന്നും ആര്യ പറയുന്നു.

രഘുവിന്റെ ഭാര്യയായ സംഗീതയും പോസ്റ്റിന് കമന്റുമായെത്തിയിരുന്നു. അടിപൊളിയെന്നായിരുന്നു സംഗീത പറഞ്ഞത്.ഇതിനു മറുപടിയായി, ബിഗ് ബോസ് കുടുംബത്തിലെ എല്ലാവരേയും കാണാനായി കാത്തിരിക്കുകയാണെന്നും അതില്‍ നിങ്ങളുമുണ്ടെന്ന് ആര്യ പറയുമ്പോൾ ഞാനും ദിവസങ്ങളെണ്ണി കാത്തിരിക്കുന്നുവെന്നാണ് സംഗീതയുടെ പറഞ്ഞത്.സുജോയും കമന്റുമായി എത്തിയിട്ടുണ്ട്.

എന്നാൽ ഇവരുടെ സന്തോഷ ചിത്രം കാണുന്ന ചിലർ വിമർശനങ്ങളുമായും എത്തിയിട്ടുണ്ട്. നിങ്ങള്‍ക്ക് മാസ്‌ക്കൊന്നും ബാധകമല്ലേ, നിയമം ബാധകമല്ലേയെന്നും സോഷ്യൽ ഡിസ്റ്റൻസിങ് നോക്കാൻ പറ്റില്ലേയെന്നും ചിലർ അഭിപ്രായം പങ്ക് വയ്ക്കുന്നുണ്ട്. ആര്യ പങ്കിടുന്ന ചിത്രങ്ങൾക്ക് പൊതുവെ കടുത്ത വിമര്‍ശനങ്ങൾ ആണ് ഇപ്പോൾ ലഭിക്കുന്നത്.