ജയിലിലേക്ക് ഫിറോസ് - സജ്‌ന ദമ്പതിമാർക്കൊപ്പം സൂര്യയും; ക്യാപ്റ്റനായി കിടിലം ഫിറോസ്!

ബിഗ് ബോസ് മലയാളം സീസൺ മൂന്ന് ആരംഭിച്ചിട്ട് 33 ദിവസങ്ങൾ പിന്നിടുമ്പോൾ മറ്റൊരു വീക്കെൻഡ് എപ്പിസോഡ് കൂടി വന്നെത്തിയിരിക്കുന്നു. മോഹൻലാൽ മത്സരാർത്ഥികളെ സന്ദർശിക്കാൻ എത്തും മുൻപേ തന്നെ ജയിലിലേക്ക് പോകാൻ ഉള്ള ആളുകളെയും ക്യാപ്റ്റനെയും മത്സരാർത്ഥികൾ തെരഞ്ഞെടുക്കുന്ന എപ്പിസോഡാണ് വെള്ളിയാഴ്ച നടന്നിരിക്കുന്നത്.

കമ്മത്ത് ആൻഡ് കമ്മത്ത് സിനിമയിലെ ദോശ നല്ലൊരു ദോശ വേണോ എന്ന അലാം ഗാനത്തോടെ എപ്പിസോഡ് ആരംഭിച്ച ശേഷം പിന്നീട് കാണിക്കുന്നത് റംസാൻ ഋതു സംസാരം ആണ്. പിന്നീട് ജയിലേക്ക് അയക്കാനുള്ള നോമിനേഷൻ നടക്കുന്നു. നോമിനേഷനിൽ ഏറ്റവും കൂടുതൽ ആളുകൾ പേര് പറഞ്ഞതിന്റെ അടിസ്ഥാനത്തിൽ സജ്‌ന- ഫിറോസ്, സൂര്യ എന്നിവർ ജയിലിലേക്ക് എത്തുന്നു.

ALSO READ: കോഫി വിത്ത് ഡിആർകെ: രജിത്തേട്ടന്റെ ആളായിരുന്നോ; മിഷേലിന്റെ പുതിയ ചിത്രം!

താൻ ശിക്ഷ വാങ്ങാൻ തയ്യാറാണെങ്കിലും സജ്നയെ ഒഴിവാക്കണം എന്ന ഫിറോസിന്റെ വാക്കുകൾ ബിഗ് ബോസ് ശ്രദ്ധിക്കാതെ തന്നെ ഇരുവരുടെയും ജയിലേക്ക് അയക്കാൻ ക്യാപ്റ്റന് നിർദ്ദേശം നൽകുന്നു.

നോബിയും കിടിലൻ ഫിറോസും തമ്മിലുള്ള ചർച്ചയിലേക്ക് സായിയും ഭാഗ്യലക്ഷ്മിയും കടന്നുവരുന്നു. സായിയെ ആര് പറഞ്ഞാലും അത് ഭാഗ്യലക്ഷ്മിക്ക് പൊള്ളും എന്ന് പറയുകായും അത് അവർക്ക് വിനയാകും എന്നും വ്യക്തമാക്കുന്നു..തന്റെ പെർഫോമൻസ് മോശം ആണെന്ന് മറ്റുള്ളവർ പറഞ്ഞതിനെപ്പറ്റി രമ്യ നോബിയോട് കരഞ്ഞുകൊണ്ട് സംസാരിക്കുന്നു.

ഗുഡ് പെർഫോർമർ എന്ന് തന്നെ പറയണ്ട, ഞാൻ ചെയ്തതിന്റെ ഒരംശം എങ്കിലും പറയാമായിരുന്നു എന്നും നോബിയോട് രമ്യ പറയുന്നു. ഇരുവരും തമ്മിലുള്ള ചർച്ചയിലേക്ക് കിടിലം ഫിറോസ് എത്തുകയും ചെയ്യുന്നു.

ക്യാപ്റ്റൻസി മത്സരം ആണ് പിന്നീട് നടന്നത്. ഉശിരേറിയ മത്സരത്തിന് ഒടുവിൽ ഒരാഴ്ച ബിഗ് ബോസിനെ നയിക്കാനായി കിടിലം ഫിറോസിനെയാണ് ടീം തെരെഞ്ഞെടുത്തത്. മണികുട്ടനോ, ഫിറോസോ ജയിക്കുന്നത് താൻ ആഗ്രഹിച്ചിരുന്നു, ഋതു തോറ്റുവരാൻ ആണ് താൻ ആഗ്രഹിച്ചതെന്നും ഫിറോസ്ഖാൻ പറയുന്നു. എന്നാൽ അത്തരമൊരു ആശംസ വേണ്ടിയിരുന്നില്ലെന്ന് രമ്യ സംസാരിക്കുന്നു.

ALSO READ: പ്രണയത്തെകുറിച്ചും മീനാക്ഷിയെക്കുറിച്ചും നമിതയോട് തുറന്ന് ചോദിച്ച സായ്; നമിതയുടെ മറുപടിയും സായിയുടെ ചോദ്യങ്ങളും!
രമ്യ ചേച്ചിക്ക് പിൻ കിട്ടിയാൽ കുന്തം ആക്കും, ചിലപ്പോൾ അങ്ങനെയാകും ഇവിടെ നില്ക്കാൻ പറഞ്ഞിരിക്കുന്നത് എന്ന് റംസാൻ സായി, നോബി, കിടിലം ഫിറോസ് എന്നിവരോട് സംസാരിക്കുമ്പോൾ റംസാനെ കുറിച്ചാണ് രമ്യ സംസാരിക്കുന്നത്.

ജയിൽ പുള്ളികൾക്ക് ഇത്തവണ ആട്ട കുഴച്ചുനൽകാനുള്ള ടാസ്ക്ക് ആണ് നൽകുന്നത്.

ഭാഗ്യലക്ഷ്മിയും ഡിംപലും തമ്മിലുള്ള തർക്കം ആണ് പിന്നീട് നടക്കുന്നത്. ഫിറോസ്ഖാനെയും സജ്‌നയെയും ഡിംപൽ പിന്തുണക്കുന്നതിനാണ് ഭാഗ്യലക്ഷ്മി ചോദ്യം ചെയ്യുന്നത്. സ്‌പോൺസേർഡ് ടാസ്‌ക്കാണ് പിന്നീട് ബിഗ് ബോസ് വീട്ടിൽ നടന്നത്.