ബിഗ്ബോസ് മലയാളം ഫിനാലേയ്ക്ക് ബാക്കി മത്സരാർത്ഥികളെല്ലാമെത്തി, സായി വിഷ്ണു എവിടെ? പ്രേക്ഷകർ ചോദിക്കുന്നു!

എന്നാൽ വൈറലാകുന്ന ചിത്രങ്ങളിൽ സായി വിഷ്ണുവിനെ കാണാനില്ലല്ലോ എന്നാണ് പ്രേക്ഷകർ ചോദിക്കുന്നത്. സോഷ്യൽ മീഡിയയിലും അത്രത്തോളം സജീവമല്ലാത്ത താരം ഇപ്പോൾ എവിടെയാണെന്നാണ് ആരാധകരുടെ ചോദ്യം. എന്തായാലും ഫിനാലേ മത്സരാർത്ഥികളിലൊരാളായ സായി വിഷ്ണു എത്താതെ ഫിനാലേ നടത്തില്ലല്ലോ എന്ന ആശ്വാസത്തിലാണ് പ്രേക്ഷകരും.

അതിനിടെ സായി വിഷ്ണുവിന് മോഹൻലാൽ സംവിധാനം ചെയ്യുന്ന ബറോസ് എന്ന സിനിമയിൽ ചെറിയ വേഷം ലഭിച്ചതായും റിപ്പോർട്ടുണ്ട്. ഈ റിപ്പോർട്ടുകൾ ശരിവെക്കണമെങ്കിൽ മോഹൻലാലോ സായി വിഷ്ണുവോ നേരിട്ട് ഇക്കാര്യം സ്ഥിരീകരിക്കേണ്ടതുണ്ട്. എന്നാൽ ഇതുവരെയും ഇവരിലാരും ഇക്കാര്യം സ്ഥിരീകരിച്ചിട്ടില്ല.

ബിഗ്ബോസ് മലയാളം മൂന്നാം സീസണിലെ ശക്തരായ മത്സരാർത്ഥികളിലൊരാളാണ് സായി വിഷ്ണു. ഓസ്കാർ മോഹി കൂടിയായ താരം ചിത്രത്തിൽ ചെറിയ കഥാപാത്രത്തെ അവതരിപ്പിക്കാൻ ഒരുങ്ങുകയാണ് എന്നാണ് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. ബിഗ്ബോസ് മലയാളം സീസൺ 3 പ്രേക്ഷകരുടെ സോഷ്യൽ മീഡിയ കൂട്ടായ്മയിലാണ് ഈ റിപ്പോർട്ട് പ്രത്യക്ഷപ്പെട്ടിരുന്നത്

ഫിനാലേയ്ക്കായി മത്സരാർത്ഥികൾ അണിയറയിൽ തയ്യാറെടുക്കുമ്പോൾ പ്രേക്ഷകരെ പിടിച്ചിരുത്തുന്ന തരത്തിലുള്ള പ്രകടനങ്ങളാണ് അണിയറയില്‍ ഒരുങ്ങുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. ബിഗ് ബോസ് സീസണ്‍ 3യുടെ ഗ്രാന്റ് ഫിനാലെ ഓഗസ്റ്റ് 1ന് ആണെന്നുള്ള റിപ്പോര്‍ട്ടുകളാണ് ഒടുവിൽ പുറത്തുവന്നിട്ടുള്ളത്.