കലിതുള്ളി മോഹൻലാൽ, റിയാസിനെയും റോബിനെയും നിർത്തിപ്പൊരിച്ച്, ജാസ്മിൻ്റെ വായടപ്പിച്ച് താരം; ഈ ഷോയുടെ നിലവാരത്തോടെ സംസാരിക്കണം, ഇങ്ങനെ കളിക്കാൻ പറ്റില്ല, ഞാൻ സമ്മതിക്കില്ല! ശബ്ദം കടുപ്പിച്ച് അവതാരകൻ! ഇതാണ് ഞങ്ങൾ ആഗ്രഹിച്ചതെന്ന് പ്രേക്ഷകർ!

ഈ ആഴ്ച അവസാനം എന്ത് സംഭവിക്കുമെന്ന് അറിയാനുള്ള ആകാംക്ഷയിലായിരുന്നു പ്രേക്ഷകരെല്ലാം തന്നെ. പ്രേക്ഷകർ ഉദ്ദേശിച്ചത് തന്നെ സംഭവിക്കുകയാണ് എന്നാണ് പ്രൊമോ വീഡിയോയിൽ നിന്ന് മനസിലാക്കാനാകുന്നത്. കഴിഞ്ഞ ആഴ്ച വീട്ടിനുള്ളിൽ കലഹമുണ്ടാക്കിയവരിൽ മുൻനിരയിലുണ്ടായിരുന്ന റിയാസ് സലീമിനും ഡോ റോബിനും ജാസ്മിൻ മൂസയ്ക്കുമൊക്കെ അവതാരകൻ കണക്കിന് കൊടുക്കുന്നതായാണ് പ്രൊമോ വ്യക്തമാക്കുന്നത്.

മലയാളത്തിൽ സംസാരിക്കാത്തത് എന്താണ് എന്നായിരുന്നു റിയാസിനോടുള്ള ചോദ്യം. ആദ്യത്തെ കുറച്ച് ദിവസമായത് കൊണ്ട് എന്ന് പറഞ്ഞ് തുടങ്ങുന്ന റിയാസിനോട് ഇങ്ങനെയാണോ വീട്ടിലും സംസാരിക്കുന്നത് എന്നായിരുന്നു അവതാരകൻ്റെ മറുചോദ്യം. ഇതു കേട്ട് മുഖം വല്ലാതായി നിൽക്കുന്ന റിയാസിനെ പ്രൊമോയിൽ കാണാം. ഇങ്ങനെ കളിക്കാൻ പറ്റില്ല റിയാസ് എന്നും അവതാരകൻ റോബിനോട് പറയുന്നു.

ഡോ റോബിന് അവിടെ നിൽക്കാൻ ബുദ്ധിമുട്ടുണ്ടോ എന്നായിരുന്നു അവതാരകൻ്റെ ചോദ്യം. ഇല്ലെന്ന് മറുപടി കൊടുത്ത റോബിനോട് മര്യാദയ്ക്ക് സംസാരിക്കണം എന്ന കർക്കശമായ താക്കീതായിരുന്നു മോഹൻലാൽ നൽകിയത്. ബാക്കിയുള്ളവരെന്താ മണ്ടന്മാരാണോ എന്നും റോബിനോട് അവതാരകൻ ചോദിച്ചു. ലാസ്റ്റ് വാണിങ്ങാണെന്ന് റോബിനോട് അവതാരകൻ ഓർമ്മിപ്പിക്കുന്നുണ്ട്. ഇത് ഫാമിലി ഓഡിയൻസ് കാണുന്നതാണ്. ഈ ഷോയ്ക്ക് നിലവാരമുണ്ട് ആ നിലവാരത്തോടെ സംസാരിക്കണം. നിലവാരമില്ലാത്ത ആരായാലും ഞാൻ സമ്മതിക്കില്ല എന്നും അവതാരകൻ കർക്കശ സ്വരത്തോടെ പറഞ്ഞു.

ജാസ്മിന് മര്യാദയ്ക്ക് സംസാരിക്കാൻ പറ്റില്ലേ എന്ന് ചോദിക്കുമ്പോൾ ജാസ്മിൻ നൽകിയ മറുപടി ഞാൻ മര്യാദയ്ക്കാണ് സംസാരിക്കുന്നത് എന്നായിരുന്നു. ജാസ്മിൻ മര്യാദയ്ക്കല്ല സംസാരിക്കുന്നത് എന്നായിരുന്നു മോഹൻലാൽ ശബ്ദം കടുപ്പിച്ച് പറഞ്ഞത്.

എല്ലാവർക്കും ഒരേ നിയമം, ഒരേ നീതി, ഇതേ ഞങ്ങളും ആവശ്യപ്പെട്ടുള്ളൂ എന്നാണ് പ്രേക്ഷകരുടെ നിലപാട്. ഇപ്പോഴാണോ പ്രേക്ഷകർക്ക് നിലവാരം ഉണ്ടായത്, ഇതിനു മുൻപും ഇവർ തെറിവാക്കുകൾ പറഞ്ഞിട്ടുണ്ട്. അപ്പോൾ വഴക്ക് പറഞ്ഞിട്ടില്ലല്ലോ. ഇപ്പോൾ എങ്കിലും പറഞ്ഞല്ലോ 3 പേർക്കും അത്യാവശ്യം ആയിരുന്നുലെന്നാണ് ഒറു ആരാധകൻ്റെ കമൻ്റ്