എന്റെ ഗർഭകാലത്ത് അണ്ണൻ അടിച്ചെന്ന സ്റ്റേറ്റ്മെന്റ് തികച്ചും തെറ്റാണ്: ലോകത്തിലെ ഏറ്റവും നല്ല ഭർത്താവാണദ്ദേഹം: ലക്ഷ്മി അഖിൽ

എന്താണ് സുഹൃത്തുക്കളെ ഇങ്ങനെ..ഒരു സാധാരണ കുടുംബം തന്നെയാണ് എന്റേതും...
എല്ലാ ദാമ്പത്യ ജീവിതത്തിലും ഉണ്ടാകുന്ന അതെ പ്രശ്നങ്ങളും കൊച്ചു കൊച്ചു പിണക്കങ്ങളും ഒക്കെ ഞങ്ങൾക്ക് ഇടയിലും ഉണ്ടാകാറുണ്ട്..എന്ന് കരുതി അത് വലിയ സംഭവം ആക്കി മാറ്റണ്ട ആരും.. ഞങ്ങൾക്ക് ഇടയിലെ പിണക്കങ്ങൾ പോലും ഞങ്ങൾ ആസ്വദിക്കുന്നുണ്ട്- ലക്ഷ്മി പറയുന്നു

ഈ ലോകത്തിലെ ഏറ്റവും നല്ല ഭർത്താവ് ആണ് എന്റെ അണ്ണൻ.കാരണം എനിക്ക് എന്റതായ ഒരു വ്യക്തിത്വം ഉണ്ട് എന്നും അതിലേക്ക് മറ്റാരെയും കൈ കടത്തരുതെന്നും പഠിപ്പിച്ച മനുഷ്യൻ.. ഞങ്ങൾ രണ്ട് പേരും പരസ്പരം ബഹുമാനിക്കുകയും സ്വാതന്ത്ര്യം കൊടുക്കുകയും ചെയ്യുന്നവരാണ്..എന്റെ അണ്ണൻ എന്നെ ഏറ്റവും നന്നായി ഒരു കുഞ്ഞിനെ പോലെ നോക്കിയിരുന്ന സമയമാണ് ഞങ്ങളുടെ ഗർഭകാലം.

ചില ആരോഗ്യ പ്രശ്നങ്ങൾ ഉള്ളതുകൊണ്ടും പ്രഗ്നനൻസി സമയത്ത് ഉണ്ടാക്കുന്ന ദേഷ്യവും വാശിയും ഒക്കെ എന്നെ മാനസികമായി തളർത്തിയപ്പോഴും എന്റെ അണ്ണൻ എന്റെ ഒപ്പം ഉണ്ടായിരുന്നു.. ഒരു വാക്ക് പോലും വഴക്ക് പറഞ്ഞില്ല എന്നെ.. എപ്പോഴും ഒരു ഓർമപ്പെടുത്തൽ.. നമ്മുടെ കുഞ്ഞ്.

സാധാരണ ജീവിതത്തിൽ ഉണ്ടാകുന്ന വഴക്കുകൾക്ക് ഇടയിൽ ഞങ്ങൾ രണ്ട് പേരും അങ്ങോട്ടും ഇങ്ങോട്ടും സംസാരിക്കാറുണ്ട്, ദേഷ്യപ്പെടാറുണ്ട്.. അങ്ങോട്ട് ഇങ്ങോട്ട് ഉണ്ടാകുന്ന ചെറിയ തള്ളുകളും മറ്റും, ആരും വലിയ സംഭവം ആക്കണ്ട.. എല്ലാവരുടെയും വീട്ടിൽ നടക്കുന്നതാണ് അതും.. അഖിൽ മാരാർ ഒരു മനുഷ്യനാണ്.

എന്റെ ഗർഭകാലത്ത് എന്നെ എന്റെ അണ്ണൻ അടിച്ചു എന്ന് പറയുന്ന സ്റ്റേറ്റ്മെന്റ് തികച്ചും പൊള്ളയാണ്.. സത്യം അറിയാതെ ആരും സംസാരിക്കരുത്.. ആവശ്യം ഇല്ലാത്തത് പറയരുത്.. അത് വീട്ടിൽ ഇരിക്കുന്ന ഞങ്ങൾക്ക് എത്രത്തോളം വേദന ഉണ്ടാകുമെന്ന് ആലോചിക്കണം- ലക്ഷ്മി പറയുന്നു.