എന്റെ ഉമ്മ ഭയങ്കര സുന്ദരി ആയിരുന്നു, സ്നേഹം കൂടി ഉപ്പ ഉമ്മാനെ കൊന്നു കളഞ്ഞു; ജീവിതകഥയുമായി ജുനൈസ്

വയനാട്ടിൽ ആണ് എന്റെ ജനനം, ആറുമാസം പ്രായമുള്ളപ്പോളാണ് ഉമ്മയുടെ മരണം. അഞ്ചുമക്കൾ ആണ് ഞങ്ങൾ. ഡൊമസ്റ്റിക് വയലന്സിന് ഇരയാണ് എന്റെ ഉമ്മ. വളരെ പാവമായ സാധുവായ ഒരു സ്ത്രീ ആയിരുന്നു ഉമ്മ. ഉപ്പ ആ സമയം ഗൾഫിൽ ആയിരുന്നു. വളരെ സ്നേഹമായി പോകുന്ന ബന്ധം എന്ന് തെറ്റിദ്ധരിച്ച ബന്ധം ആയിരുന്നു അവരുടേത്. ഉമ്മ ആരോട് എങ്കിലും എന്തെങ്കിലും പറഞ്ഞിരുന്നോ എന്നുള്ള കാര്യം വ്യക്തമല്ല. എന്നാൽ ഉമ്മയോടുള്ള സ്നേഹം കൂടി കൂടി എന്റെ ഉമ്മയെ ഉപ്പ കൊന്നു കളഞ്ഞു.

ഞാൻ ഏഴാം ക്‌ളാസിൽ പഠിക്കുന്ന സമയം ആണ് എനിക്ക് മനസിലാകുന്നത് ഉമ്മ മരിച്ചു പോയി എന്നത്. ഉമ്മയുടെ ആങ്ങളുടെ വീട്ടിൽ ആയിരുന്നു എന്റെ ബാല്യകാലം. എനിക്ക് അവിടെ സുഖം തന്നെ ആയിരുന്നു, അവരുടെ രണ്ടുമക്കളുടെയും കൂട്ടത്തിൽ ആണ് എന്നെയും എന്റെ ഏട്ടനേയും നോക്കിയത്. പിന്നീട് എന്റെ ഏട്ടന്റെ കൂടെ ആയിരുന്നു എന്റെ ജീവിതം. ഉമ്മ ഭയങ്കര സുന്ദരി ആയിരുന്നു എന്ന് ഞാൻ കേട്ടിട്ടുണ്ട്.

എന്റെ ഉമ്മ സ്വതന്ത്ര ആയിരുന്നു എങ്കിൽ എന്റെ ഉമ്മ ഇന്നും ജീവനോടെ ഉണ്ടാകുമായിരുന്നു. ഉമ്മയ്ക്ക് സ്വന്തം കാലിൽ നില്ക്കാൻ ആകും ആയിരുന്നു എങ്കിൽ എന്റെ ഉമ്മ ഞങ്ങളെ വളര്ത്തിയേനെ ഇന്നും കൂടെ ഉണ്ടായേനെ എന്ന് കരുതുന്നു. ഒരു ബന്ധം ഒത്തുപോകില്ല എന്ന രീതിയിൽ ആണ് ഒരു പോകുന്നത് എങ്കിൽ നിങ്ങളുടെ മക്കളെ അതിൽ തുടരാൻ വിട്ടുകൊടുക്കരുത്. വിവാഹമോചനം ഒരിക്കലും ഒന്നിന്റെയും അവസാനം അല്ല. അത് പലതിന്റെയും തുടക്കം ആണ്.

ഇമോഷണലി മക്കളെ ബ്ലാക്ക് മെയിൽ ചെയ്തു, പൊരുത്തപ്പെട്ട് ജീവിച്ചു ജീവിച്ചു കൊണ്ടുപോയിട്ട് കാലം കുറെ കഴിയുമ്പോൾ ഡിവോഴ്സ് ആയ കുറെ ആളുകൾ ഉണ്ട്. ഇത്തരം കാര്യങ്ങൾ എല്ലാവർക്കും പറഞ്ഞു നല്ലൊരു ഇന്സ്പിരെഷന്ല് ടോക്ക് നടത്തണം എന്നുണ്ടായിരുന്നു എന്നാൽ ഞാൻ വല്ലാതെ ഇമോഷണൽ ആണ് എന്ന് ജുനൈസ് പറയുമ്പോൾ മനീഷ പൊട്ടി കരയുന്നത് കാണാമായിരുന്നു.