ഇവിടെയുള്ളവർ ഭയങ്കര ഇമേജ് കോൺഷ്യസ് ആണെന്ന് റിയാസ്, താൻ അങ്ങനെയല്ലെന്ന് സെറീന

ബിഗ് ബോസ് മലയാളം സീസൺ 5 ഫൈനലിലേക്ക് അടുത്തു കൊണ്ടിരിക്കുകയാണ്. കഴി‍ഞ്ഞ ദിവസമാണ് ബിഗ് ബോസ് മത്സരാർഥികൾക്കും പ്രേക്ഷകർക്കുമായി മറ്റൊരു സർപ്രൈസ് ഒരുക്കിയത്. ചലഞ്ചേഴ്സ് ആയി ബിഗ് ബോസ് മുൻ സീസണുകളിലെ മത്സരാർഥികളായ റിയാസ് സലിം, ഫിറോസ് എന്നിവരെയാണ് ബിഗ് ബോസ് കൊണ്ടുവന്നിരിക്കുന്നത്. മലയാളത്തിൽ ആദ്യമായാണ് മറ്റു സീസണുകളിലെ മത്സരാർഥികളെ രംഗത്തിറക്കുന്നത്. നേരത്തെ റോബിൻ രാധാകൃഷ്ണനും രജിത് കുമാറും അതിഥികളായി ബിഗ് ബോസിലെത്തിയിരുന്നു. പുറത്തു നടക്കുന്ന കാര്യങ്ങളേക്കുറിച്ച് അറിയാനുള്ള ആകാംക്ഷ മത്സരാർഥികൾക്കുണ്ടായിരുന്നു. Also Read:
ഗര്‍ഭിണിയായിരിക്കുമ്പോള്‍ ഭര്‍ത്താവ് ഉപേക്ഷിച്ചു, വേദനകളെ അതിജീവിച്ച് ദിവ്യ; കൈ കുഞ്ഞിനൊപ്പം അവാര്‍ഡ് നിശയില്‍ എത്തിയ വീഡിയോ വൈറലാവുന്നു

ഇപ്പോഴിത തങ്ങളുടെ സംശയങ്ങൾ റിയാസിനോട് ചോദിക്കുകയാണ് ജുനൈസും സെറീനയും. ഇവിടെയുള്ള ആളുകൾ ഇമേജ് കോൺഷ്യസ് ആണോ എന്ന് ജുനൈസ് റിയാസിനോട് ചോദിക്കുന്നു. പൊതുവേ ഇവിടെയുള്ളവർ ഭയങ്കര ഇമേജ് കോൺഷ്യസ് ആണ്, അതാണ് സത്യമെന്ന് റിയാസ് പറയുന്നു. എന്തിനാണ് ഇങ്ങനെയൊക്കെ, പുതപ്പിനുള്ളിലൊക്കെ ക്ലോസ് ആയി ഇരിക്കുന്നത് എന്ന് ഇവിടെയുള്ളവർ പോലും തന്നോട് പറയാറുണ്ടെന്ന് സെറീന പറയുന്നു. ആരാണ് അങ്ങനെ പറഞ്ഞതെന്ന് റിയാസ് സെറീനയോട് ചോദിക്കുന്നു. അത് ആദ്യം ചോദിച്ചത് രജിത് കുമാറാണെന്ന് സെറീന. അത് രജിത്തിന് പറയേണ്ട ആവശ്യമില്ലെന്ന് റിയാസ് പറയുന്നു.

അത് വച്ചിട്ട് അഖിൽ മാരാരും പറഞ്ഞിരുന്നു. അത് ജനങ്ങൾ ജഡ്ജ് ചെയ്യുമെന്ന്- സെറീന റിയാസിനോട് പറഞ്ഞു. എനിയ്ക്ക് ബോധിപ്പിക്കേണ്ടത് എന്നെയാണ്. അതാണ് ഞാൻ പറഞ്ഞത്, ഈ ഇമേജ് കോൺഷ്യസ് എനിക്കില്ലായെന്നും സെറീന വ്യക്തമാക്കുന്നു. ചലഞ്ചേഴ്സിനെ കൊണ്ട് വന്നത് എന്ത് കൊണ്ടും നന്നായി, ഇല്ലെങ്കിൽ ഈ ടാസ്ക് പരമ ബോർ ആക്കിയേനെ വീട്ടുകാർ, സത്യം പറഞ്ഞാൽ കഴിഞ്ഞ സീസണുകളിൽ ഏറ്റവും കൂടുതൽ വെറുപിച്ച 2 പേർ ആണ് ചലഞ്ചേഴ്സ് ആയിട്ട് വന്നിട്ടുള്ളതെങ്കിലും ഇപ്പോൾ ഒരു ഇഷ്ടം ഒക്കെ തോന്നുന്നു അവരോട് എന്നൊക്കെയാണ് പ്രൊമോയ്ക്ക് താഴെ വരുന്ന കമന്റുകൾ.

എന്തായാലും ചലഞ്ചേഴ്സ് ആയി എത്തിയിരിക്കുന്ന മത്സരാർഥികൾ വീടിനുള്ളിൽ മാറ്റങ്ങൾ കൊണ്ടുവരുമെന്നാണ് പ്രേക്ഷകരുടെ പ്രതീക്ഷ. നിലവിൽ പതിനൊന്ന് മത്സരാർഥികളാണ് ബിഗ് ബോസിലുള്ളത്.

Read Latest Malayalam Tv News And Malayalam News