വീട്ടിൽ ആലോചനകൾ വന്നിരുന്നു; ബിഗ് ബോസിൽ പ്രണയം ഉണ്ടാകും എന്ന് തോന്നുന്നില്ല; സാഗറിന്റെ അച്ഛൻ

ബിഗ് ബോസ് പുത്തൻ സീസണിലെ മത്സരാര്ഥിയാണ് സാഗർ സൂര്യ. പൊതുവെ ശാന്തപ്രകൃതക്കാരൻ ആയിട്ടാണ് സാഗർ ഷോയിൽ നില്കുന്നത്. അദ്ദേഹത്തിന്റെ ശരിക്കുള്ള സ്വഭാവം അത് തന്നെയാണ് എന്ന് പറയുകയാണ് സാഗറിന്റെ അച്ഛൻ സൂര്യ. മകന് ഒരു പ്രണയം ഉണ്ടാകും എന്ന് തോന്നുന്നില്ല, ബിഗ് ബോസിൽ പ്രത്യേകിച്ചും ഉണ്ടാകില്ലെന്ന് തോനുന്നു. പിന്നെ അറിയില്ലല്ലോ സാഹചര്യങ്ങൾ അല്ലേ.

വീട്ടിൽ അവന് ആലോചനകൾ വന്നപ്പോൾ ഇപ്പോൾ വേണ്ട എന്ന നിലപാടിൽ ആയിരുന്നു എന്നും അദ്ദേഹം വ്യക്തമാക്കി. അതേസമയം സെറീനയുമായി സാഗർ പ്രണയത്തിലാണോയെന്ന സംശയങ്ങൾ ആരാധകർക്കിടയിൽ ചർച്ചാകുമ്പോഴാണ് മകന്റെ വിവാഹകാര്യത്തെക്കുറിച്ച് സാഗറിന്റെ അച്ഛൻ സംസാരിക്കുന്നത്.

സൂര്യയുടെ വാക്കുകളിലേക്ക്.


ബിഗ് ബോസ് വീടിനുള്ളിൽ സാഗറിന് ഒരു പ്രണയം ഉണ്ടാകും എന്ന് തോന്നുന്നില്ല. അത് സാധ്യത വളരെ കുറവാണ്. ആളെ സംബന്ധിച്ചിട്ട് വിവാഹ പ്രായം ഒക്കെ ആയി. പക്ഷെ ഒരിക്കലും ബേസ് ആകാതെ ആള് വിവാഹം ചെയ്യും എന്ന് തോന്നുന്നില്ല. കാരണം വന്നു കേറുന്ന പെൺകുട്ടികൾക്ക് ഒരുപാട് സങ്കല്പങ്ങൾ ഉണ്ടാകുമല്ലോ. അതുകൊണ്ട് ഇപ്പോൾ അവൻ അങ്ങനെ ചിന്തിക്കും എന്ന് തോന്നുന്നില്ല. അച്ഛാ ഞങ്ങളുടെ ഈ ഒരു ഫീൽഡിൽ മുപ്പത്തി അഞ്ചു വയസ്സാണ് വിവാഹ പ്രായം അത്‌കൊണ്ട് ടെൻഷൻ ആകേണ്ട എന്ന് അവൻ പറയാറുണ്ട്.

ഇനിയിപ്പോ സാഹചര്യം എവിടെ കൊണ്ട് ചെന്നെത്തിക്കും എന്ന് അറിയില്ല പക്ഷെ അവൻ അങ്ങനെ അവിടെ ഒരു പ്രണയത്തിൽ ആകുമെന്ന് തോന്നുന്നില്ല. ഇനി ജീവിതത്തിൽ പ്രണയം ഉണ്ടോ എന്ന് ചോദിച്ചാൽ ഇത് വരെയും അവൻ അങ്ങനെ പറഞ്ഞിട്ടില്ല. ആളെ സംബന്ധിച്ചിടത്തോളം നല്ല ഡ്രസ്സ്, നല്ല വണ്ടി, നല്ല ഭക്ഷണം അതൊക്കെയാണ് വലിയ കാര്യം. ജീവിതം ആസ്വദിക്കുക, എന്നതാണ് അല്ലാതെ ഒന്നും പറഞ്ഞിട്ടില്ല.

സാഗറിന് വിവാഹത്തിന് പ്രായം ആയി. എന്നോട് പേഴ്സണൽ ആയി ആളുകൾ പറയാറുണ്ട് അവിടെ ഒരു പെൺകുട്ടി ഉണ്ട്, ഇവിടെ ഉണ്ട് എന്നൊക്കെ. ഞാൻ അവനോട് ചോദിക്കുമ്പോൾ അച്ഛാ ഇങ്ങനെയാണ് കാര്യങ്ങൾ എന്നാണ് അവൻ എന്നോട് പറഞ്ഞിട്ടുള്ളത്. അതിനെകുറിച്ച് അച്ഛൻ ചിന്തിക്കേണ്ട, എനിക്ക് ഇപ്പോൾ ഒരു ലക്‌ഷ്യം ഉണ്ട്. അതിനായിട്ടാണ് ലക്‌ഷ്യം വിവാഹത്തിലേക്ക് എത്തിയാൽ അതിനു തടസവും ആകും എന്നാണ് അവൻ എന്നോട് പറഞ്ഞത്. അതുകൊണ്ടുതന്നെ ഇടക്കിടക്ക് അവനോട് അത് പറഞ്ഞു ഞാൻ ബുദ്ധിമുട്ടിക്കാറും ഇല്ല- സാഗറിന്റെ അച്ഛൻ മഴവിൽ മലയാളത്തോട് പറഞ്ഞു.