ആദ്യവിവാഹം ആത്മഹത്യാ ശ്രമത്തിൽ എത്തിച്ചു; കഞ്ചാവ് കേസിൽ കുടുക്കിയ ആത്മാർത്ഥ സുഹൃത്ത്; സിനിമകളെ വെല്ലുന്ന ശോഭയുടെ കഥ

ചൈൽഡ് ആക്ടിവിസ്റ്റ് കൂടിയാണ് ബിസിനെസ്സ് സംരഭകയായ ശോഭ. സിനിമയെ വെല്ലുന്ന ജീവിത കഥയാണ് ശോഭയുടേത്. ശരിക്കുമൊരു പോരാട്ടമായിരുന്നു ശോഭയുടെ ജീവിതം. കഞ്ചാവ് കേസിൽ പെടുത്തിയ കഥയെ കുറിച്ച് ഒരു കോടിയിൽ പങ്കെടുക്കവെയാണ് ശോഭ മനസ്സ് തുറന്നത്. കടയുടെ പുനഃർനിർമ്മാണവുമായി ബന്ധപ്പെട്ടുകൊണ്ട് ഇരിക്കുന്ന സമയത്താണ് ഒരു റെയ്ഡ് ഷോപ്പിൽ നടക്കുന്നത്. കഞ്ചാവ് എന്റെ ഷോപ്പിൽ നിന്നും പിടിച്ചെടുത്തു. എന്നെയും അറസ്റ്റ് ചെയ്തു- ശോഭ പറയുന്നു.

ഞാൻ നിരപരാധിയാണ് സിസിടിവി ചെക്ക് ചെയ്യാൻ പറഞ്ഞു എങ്കിലും ആരും എന്നെ കേട്ടില്ല. നാനൂറ് ഗ്രാം കഞ്ചാവാണ് പിടിച്ചെടുത്തത്. രണ്ടുമാസം ഞാൻ അതിന്റെ പിറകെ പോയി, ആറുമാസത്തിനുള്ളിൽ യഥാർത്ഥ പ്രതികളെ കണ്ടെത്തി. ഞാൻ ഒരു നോ എന്ന് പറഞ്ഞതാണ് ഇത്രയും വലിയ ക്രിമിനൽ സംഭവത്തിലേക്ക് ആ വ്യക്തിയെ തള്ളി വിട്ടത്. എന്നോട് പ്രണയം പറഞ്ഞു എന്നാൽ ആ വ്യക്തി ശരിയല്ല എന്നുള്ളതുകൊണ്ടാണ് ഞാൻ അന്ന് നോ പറഞ്ഞത്.

ഇന്റര്നാഷണലി നമ്മൾ മുദ്ര കുത്തപ്പെടും ആ കേസിൽ ഉൾപ്പെട്ടാൽ. പക്ഷെ ഞാൻ തളരാൻ തയ്യാറല്ലായിരുന്നു. ഞാൻ പിടിച്ചുനിന്നു. നമ്മൾ ട്രാവൽ ചെയ്യുമ്പോൾ വരെയും നമ്മളെ അതിൽ പെടുത്താം. ഞാൻ വിവാഹിതയാണ്. പക്ഷെ ഇനി ഒരു വിവാഹ പേടിയാണ്. നാല് വർഷം ഞാൻ അനുഭവിച്ചു. അറേഞ്ചഡ്
വിവാഹം ആയിരുന്നു. വീട്ടിൽ ജാതകം ഒക്കെ നോക്കിയാണ് നടത്തിയത്. ബാംഗ്ലൂർ ഡെയ്‌സിൽ നസ്രിയുടെ അവസ്ഥ ആയിരുന്നു വിവാഹത്തിന്റെ സമയത്ത് തോന്നിയത്.

നാല് വര്ഷം തള്ളി നീക്കി. ഇടക്ക് അത് ബ്രേക്ക് ഡൌൺ ആകും. അദ്ദേഹം നല്ല അൽക്കോഹോളിക് ആയിരുന്നു. നല്ല മർദ്ദനവും. അതിലൂടെ പോയ ആളുകൾക്കെ അത് മനസിലാക്കാൻ ആകൂ എന്നും ശോഭ ഷോയിൽ പറയുന്നുണ്ട്.

ഇപ്പോഴും ഡിവോഴ്സ് നടന്നിട്ടില്ല ആറുവർഷമായി ഞാൻ ഫൈറ്റ് ചെയ്തുകൊണ്ടിരിക്കുകയാണ്. അദ്ദേഹം ഡിവോഴ്സ് തരാൻ റെഡിയല്ലാത്തത് ആണ് കാരണം എന്നും ശോഭ പറയുകയുണ്ടായി.

വിവാഹജീവിതത്തിലെ പൊരുത്തക്കേടുകളും പ്രശ്നങ്ങളും കാരണം താൻ ആത്മഹത്യാശ്രമം നടത്തിയിരുന്നു എന്നും ശോഭ പറയുകയുണ്ടായി. വിവാഹം കഴിഞ്ഞു ഒരു വര്ഷത്തിന്റെ ഇടക്ക് ആണ് ആ സംഭവം നടന്നത്. എനിക്ക് അത്രയും സഹിക്കാൻ ആയില്ല. പുള്ളിയുടെ ഉപദ്രവം സഹിക്ക വയ്യാതെ ആയതോടെയാണ് അങ്ങനെ ഒരു തീരുമാനം എടുത്തത്. തൂങ്ങിമരിക്കാൻ ആണ് തീരുമാനിച്ചത് എന്നാൽ ആറ്റുകാൽ അമ്മയാണ് തന്നെ രക്ഷിച്ചത് എന്നും ശോഭ പറയുന്നുണ്ട്.

വിവാഹ ജീവിതത്തിലെ വിഷമതകളിൽ നിന്നും രക്ഷപെടാനാണ് ഞാൻ കൈത്തറി ബിസിനസ് തുടങ്ങിയത്. വസ്ത്രവിപണിയിൽ ഒരുപാട് വർഷത്തെ പരിചയമുള്ള കുടുംബത്തിലേയ്ക്ക് ആണ് എന്നെ വിവാഹം കഴിപ്പിച്ച് അയച്ചത്. അതോടെയാണ് കൈത്തറിയെ കുറിച്ച് അറിയാൻ‌ കഴിഞ്ഞത് ശോഭ ഷോയിൽ പറയുകയുണ്ടായി. 2012-ലാണ് തിരുവനന്തപുരത്തെ വഴുതാക്കാട് വീവേഴ്സ് വില്ലേജ് എന്ന കൈത്തറി വസ്ത്രനിർമാണ സ്ഥാപനം ശോഭ തുടങ്ങിയത്.