ബ്ലെസ്ലി പ്രണയം പറഞ്ഞപ്പോള്‍
റോബിന് മാത്രമല്ല, ബ്ലെസ്ലിയും ദില്‍ഷയോട് ഇഷ്ടം തുറന്ന് പറഞ്ഞിരുന്നു. എന്നാല്‍ ദില്‍ഷ ബ്ലെസ്ലിയെ പറഞ്ഞ് മനസ്സിലാക്കിപ്പിക്കാന്‍ പരമാവധി ശ്രമിച്ചു. എന്നെ ചേച്ചിയെ പോലെ കാണണം എന്നൊക്കെ പറഞ്ഞു എങ്കിലും ഇപ്പോഴും ഒരു പ്രതീക്ഷയോടെ തന്റെ പ്രണയം ഉള്ളില്‍ കൊണ്ട് നടക്കുകയാണ് ബ്ലെസ്ലി.
റോബിന് പറയാന്‍ ശ്രമിച്ചപ്പോള്‍
റോബിനും ദില്‍ഷയോട് പ്രണയം തുറന്ന് പറയാനും പ്രകടിപ്പിക്കാനും പോയപ്പോള്‍ മുളയിലെ ദില്‍ഷ നുള്ളിയെടുത്തു കളഞ്ഞു. നമ്മള്‍ നല്ല സുഹൃത്തുക്കളായിരിയ്ക്കും എന്ന് റോബിനെ കൊണ്ട് സത്യം ചെയ്യിപ്പിയ്ക്കുകയും ചെയ്തു. നീ സന്തോഷവതിയായിരിയ്ക്കും എങ്കില്‍ സുഹൃത്തായിരിക്കാന്‍ ഞാന്‍ സത്യം ചെയ്യാം എന്നായിരുന്നു റോബിന് പറഞ്ഞത്.
ഇന്ന് മനസ്സ് തുറന്നു
പക്ഷെ ഇന്ന് റോബിന് തന്റെ ഇഷ്ടം ദില്‍ഷയോട് തുറന്ന് പറഞ്ഞു. എനിക്ക് നിന്നെ ഇഷ്ടമായിരുന്നു, ഇപ്പോഴും ഇഷ്ടമാണ്. പക്ഷെ ഒരു ട്രയാങ്ക്ള്‍ ലവ് സ്‌റ്റോറിയ്ക്ക് താത്പര്യമില്ല. ബ്ലെസ്ലിയ്ക്കും നീ പ്രതീക്ഷ കൊടുത്തു. ജീവിതം അത്യാവശ്യം സീരിയസ് ആയി കാണുന്ന ആളാണ് ഞാന്‍. എനിക്ക് 32 വയസ്സ് ആയി. വെറുതേ കുട്ടിക്കളി കളിച്ച് കളയാന്‍ താത്പര്യമില്ല. ഇവിടെ വന്നത് ഗെയിം കളിക്കാനാണ്. ഇനി എനിക്ക് അത് മാത്രം മതി - എന്നൊക്കെയാണ് റോബിന് സംസാരിച്ചത്.
ദില്‍ഷ കരഞ്ഞു
റോബിന്റെയും ദില്‍ഷയുടെയും ഇടയിലെ നല്ല കൂട്ടുകാരിയാണ് അപര്‍ണ മള്‍ബറി. താന്‍ ബ്ലെസ്ലിയെ പറഞ്ഞ് മനസ്സിലാക്കി കൊടുക്കാനാണ് ശ്രമിച്ചത്, ഡോക്ടര്‍ റോബിന് എന്നോട് ഇഷ്ടമുണ്ട് എന്നറിഞ്ഞിട്ടും സുഹൃത്തായി തുടരാന്‍ ഞാന്‍ നിര്‍ബന്ധിയ്ക്കുകയായിരുന്നു. എനിക്കങ്ങനെ ഒരാളെ പ്രേമിക്കാന്‍ കഴിയില്ല എന്നൊക്കെ ദില്‍ഷ വളരെ വികാര ഭരിതയായി അപര്‍ണയോട് മനസ്സു തുറന്നു.
റോബിനും അപര്‍ണയും സംസാരിച്ചത്
ടര്‍ന്ന് അപര്‍ണ റോബിനോടും സംസാരിച്ചു. ദില്‍ഷ നല്ല ഒരു സുഹൃത്താണ്, ഈ ഒരു കാര്യം കൊണ്ട് ആ സൗഹൃദം വേണ്ട എന്ന് വയ്ക്കരുത് എന്നൊക്കെയായിരുന്നു അപര്‍ണയുടെ ഉപദേശം. എനിക്ക് ഇവിടെ സുഹൃത്തായി അപര്‍ണയുണ്ടല്ലോ, ദില്‍ഷയോട് സൗഹൃദം കൂടിയത് തന്നെ അവളോടുള്ള താത്പര്യം കൊണ്ടാണ്. അല്ലാതെ ഒരു സഹൃദ് ബന്ധം എനിക്ക് ആവശ്യമില്ല. ഇനി ഒന്നും വേണ്ട എന്ന തരത്തില്‍ റോബിന് അപര്‍ണയോട് സംസാരിക്കുന്നു.
