ഇത്തവണ ഇനി എന്തൊക്കെ കാണേണ്ടി വരും? ബിഗ്ബോസിലേക്ക് ഇവരൊക്കെയാണോ വരുന്നെ?; ചർച്ചയായി പുതിയ പ്രവചനം!

മലയാളത്തിൽ ഏറ്റവും കൂടുതൽ പ്രേക്ഷകർ ഉള്ള ഷോ ആണ് ബിഗ് ബോസ്. മാർച്ച് 27 നാണ് ബിഗ് ബോസ് സീസൺ 4 തുടങ്ങുക എന്നാണ് വിവരം. എന്നാൽ ഇത് സംബന്ധിച്ച് ഔദ്യോഗിക അറിയിപ്പുകളോ സ്ഥിരീകരണമോ ഉണ്ടായിട്ടില്ല.

എന്തായാലും ബിഗ്ബോസിന്റെ പുതിയ വിശേഷങ്ങൾക്കായി കാത്തിരിക്കുകയാണ് മിനി സ്ക്രീൻ പ്രേക്ഷകർ. നേരത്തെ മോഹൻലാലിന് പകരം സുരേഷ് ഗോപിയായിരിക്കും അവതാരകനായെത്തുക എന്ന അഭ്യൂഹങ്ങളും പരന്നിരുന്നു.

എന്നാൽ അഭ്യൂഹങ്ങൾക്ക് വിരാമമിട്ട് മോഹൻലാൽ തന്നെ പ്രൊമോ വീഡിയോയിൽ രംഗത്തെത്തുകയായിരുന്നു. കഴിഞ്ഞ ദിവസം പുറത്ത് വിട്ട പ്രൊമോയിലും ഇക്കാര്യമായിരുന്നു സംസാരിച്ചികുന്നത്. ചുമ്മാ ബഫ്ലിംഗ് എന്നാണ് അവതാരകൻ ഇതിനോട് പ്രതികരിച്ചത്.

ഇപ്പോഴിതാ ചർച്ചയാകുന്ന ലിസ്റ്റിൽ നടി സരയു, മാളവിക സി മേനോൻ, സീരിയൽ നടൻ ശരത്ത് ദാസ്, നടിയും നർത്തകിയുമമായ പാരിസ് ലക്ഷ്മി എന്നിവരൊക്കെയുണ്ട്. കൂടാതെ ഇൻ്റർനെറ്റ് സെലിബ്രിറ്റിയായ പാലാ സജി, അവതാരകയും നടിയുമായ നന്ദിനി എന്നിവരും ലിസ്റ്റിലുണ്ട്.

മോഡലും ഫിറ്റ്നെസ്സ് ഫ്രീക്കുമായ വിഷ്ണു ജോഷി, താരപുത്രനും നടനുമായ സിനിൽ സൈനുദ്ദീൻ, ടിവി കോമഡി ആക്ടർ കുട്ടി അഖിൽ, സംഗീത സംവിധായകനും ഗായകനുമായ ഗോവിന്ദ് വസന്ദ, സോഷ്യൽ ആക്ടിവിസ്റ്റായ ശ്രീലക്ഷ്മി അറയ്ക്കൽ എന്നിവരുമുണ്ടാകുമെന്നും സാധ്യതകളായി ബിഗ്ബോസ് പ്രേമികൾ പറയുന്നു.

നടി അഷിക എജെ, ഗിന്നസ് സെലിബ്രിറ്റിയായ അഭീഷ്, നടിയും ട്രാൻസ്വുമൺ ആക്ടിവിസ്റ്റുമായ സൂര്യ ഇഷാൻ, പച്ച മലയാളം പറഞ്ഞ് മലയാളികളെ അമ്പരപ്പിക്കുന്ന അപർണ മൾബറി, വെബ് സീരീസ്, ടിവി നടി ഡോണ അന്ന എന്നിവരും ഇത്തവണയുണ്ടായേക്കാൻ സാധ്യതയുള്ളതായി പറയുന്നു.

ഇതോടൊപ്പം രണ്ട് വൈൽഡ് കാർഡ് എൻട്രികളെയും പ്രവചിച്ചിട്ടുണ്ട്. മോട്ടിവേൽണൽ സ്പീക്കറും ആർജെയുമായ ജോസഫ് അന്നംകുട്ടി ജോസ്, നടിയും മേക്കപ്പ് ആർട്ടിസ്റ്റുമായ റോഷ്ന ആൻ റോയ് എന്നിവരെയാണ് വൈൽഡ് കാർഡ് എൻട്രിയായി പ്രവചിച്ചിരിക്കുന്നത്.

എന്തായാലും ഇവരിൽ ആരൊക്കെ ഉണ്ടാകുമെന്നും എന്തൊക്കെ കാണേണ്ടി വരുമെന്നും അറിയാനുള്ള ആകാംക്ഷയിലാണ് ബിഗ്ബോസ് പ്രേമികളും. മോഡല്‍ ആയ ജിയ ഇറാനി ബിഗ്ഗ് ബോസ് സീസണ്‍ 4 ല്‍ എത്തുന്നു എന്ന സ്ഥിരീകരിക്കാത്ത റിപ്പോർട്ടുകളുമുണ്ടായിരുന്നു. എന്നാൽ ഇവയൊന്നും ഔദ്യോഗികമായി സ്ഥിരീകരിച്ചിട്ടില്ല.