Also Read: സന്തോഷ വാര്ത്ത പങ്കുവച്ച് അര്ച്ചന കവി, എല്ലാവരുടെയും പ്രാര്ത്ഥനയും അനുഗ്രഹവും വേണം; ആശംസകളുമായി താരങ്ങള്
ബ്ലെസ്ലിയുടെ ആദ്യ കാമുകി
ബിഗ്ബോസ് 4ലെ ബ്ലെസ്ലിയുടെ ആദ്യ കാമുകിയാണ് എന്ന് പറഞ്ഞാണ് കൃഷ്ണ സ്വയം പരിചയപ്പെടുത്തുന്നത്. ബ്ലെസ്ലി ഷോയിൽ പറഞ്ഞതു പോലെ തന്നെ, ബ്ലെസ്ലിയുടെ ആദ്യ ആൽബത്തിലെ നായിക താനായിരുന്നു, ഞങ്ങൾ പ്രണയത്തിലായിരുന്നു. അതൊരു ടോക്സിക് റിലേഷനായിരുന്നു എന്നൊക്കെ ബ്ലെസ്ലി പറഞ്ഞ കുറച്ച് ആരോപണങ്ങൾ ഉണ്ടായിരുന്നുവല്ലോ. അത് തൻ്റെയും ആദ്യ ആൽബമായിരുന്നുവെന്ന് കൃഷ്ണ പറയുന്നു. ഞങ്ങൾ ഒരുമിച്ച് ഒരു ടീം വർക്കായി ചെയ്ത വീഡിയോ ആൽബായിരുന്നു. അതിനു പിന്നാലെയാണ് ഞങ്ങൾ പിന്നീട് പ്രണയമാകുന്നത്. പിന്നീട് ഒരു വർഷത്തോളം ഞങ്ങൾ ഒരുമിച്ച് വർക്ക് ചെയ്തു, പ്രണയവും മുന്നോട്ട് പോയി.
സൌന്ദര്യപ്പിണക്കങ്ങൾ
പിന്നീട് ചെറിയ ചെറിയ സൌന്ദര്യപ്പിണക്കങ്ങളൊക്കെയുണ്ടായി. ഞാൻ അത് എപ്പോഴും എഫോർട്ട് ഇട്ട് സോൾവ് ചെയ്യാൻ ശ്രമിക്കാറുണ്ടായിരുന്നു. ബ്ലെസ്ലിയുടെ ഭാഗത്ത് നിന്ന് അത്തരത്തിലൊരു എഫോർട്ട് ഫീൽ ചെയ്തിട്ടില്ല, പ്രായത്തിൻ്റേതായിട്ടുള്ള ഇമ്മെച്യൂരിറ്റി കൊണ്ടായിരിക്കാം എന്നാണ് ഞാൻ വിചാരിച്ചത്. ഞങ്ങൾ തമ്മിൽ വലിയ പ്രശ്നങ്ങളൊന്നും ഉണ്ടായിട്ടില്ല. കൂടുതലും സ്നേഹക്കൂടുതൽ കൊണ്ടുള്ള പിണക്കങ്ങളും പരിഭവങ്ങളുമൊക്കെയായിരുന്നു. പക്ഷേ അതിനെ നല്ല രീതിയിൽ ഹാൻഡിൽ ചെയ്യാൻ ബ്ലെസ്ലിയ്ക്ക് സാധിക്കാതെ പോയതാണ്. അതാണ് പക്വതയില്ലായ്മ എന്നത് കൊണ്ട് ഉദ്ദേശിച്ചത്. ബ്ലെസ്ലിയുടെ പ്രണയിനി എന്ന നിലയ്ക്ക് എനിക്ക് കിട്ടിയ അനുഭവമാണ് ഞാൻ പറയുന്നത്.
ആത്മാർത്ഥ സുഹൃത്തുക്കൾ
ആദ്യം ഞങ്ങൾ ആത്മാർത്ഥ സുഹൃത്തുക്കൾ എന്നാണ് കരുതിയിരുന്നത്. പിന്നെ ദൂരം കൂടുന്തോറും സ്നേഹം കുറയും എന്നാണല്ലോ. കുറെ കാര്യങ്ങളൊക്കെ മനസിലാക്കുമായിരുന്നു. പക്ഷേ കുറച്ച് അനാവശ്യകാര്യങ്ങൾ വന്നപ്പോഴാണ് പ്രശ്നങ്ങൾ വന്നത്. അതോടെ ഈ ബന്ധത്തിൽ എനിക്ക് പേടി തൊന്നി. അത് തുറന്ന് ചോദിക്കുകയായിരുന്നു. അതിനുള്ള മറുപടികളൊന്നും കൃത്യമല്ലാതെ വന്നതോടെയാണ് പ്രശ്നങ്ങൾ വലുതായി മാറിയത്.
ഒരു മാസത്തോളം മിണ്ടാതെ
ഏകദേശം ഒരു മാസത്തോളം മിണ്ടാതെയായി. കൂടുതലും വഴക്കായപ്പോൾ മിണ്ടാതെ നിൽക്കാൻ തീരുമാനിക്കുകയായിരുന്നു. അപ്പോഴൊക്കെ വല്ലാത്ത ബുദ്ധിമുട്ടുകളുണ്ടായിരുന്നു. അത് പരസ്പരം ഇടയ്ക്ക് വിളിക്കുമ്പോൾ പറയാറുമുണ്ടായിരുന്നു. പിന്നെ തിരക്കുകളായി. തിരക്കൊഴിയുമ്പോൾ വന്ന് നിന്നെ പ്രേമിച്ചോളാം എന്ന് തന്നെയായിരുന്നു ബ്ലെസ്ലി അന്ന് പറഞ്ഞിരുന്നത്. പിന്നെ ബ്ലെസ്ലിയ്ക്ക് സമയം കിട്ടുമ്പോൾ വന്ന് പ്രേമിക്കാറായിരുന്നു പതിവ്. ഞാൻ കൊടുക്കുന്ന വില തിരിച്ച് പലപ്പോഴും കിട്ടാതെ പോകുന്നതായി തോന്നിയിരുന്നു. അങ്ങനെയാണ് മാറി നിൽക്കുന്നത്. അതിനു ശേഷമായിരുന്നു ബ്ലെസ്ലിയുടെ ബാപ്പ മരിക്കുന്നത്.
അന്ന് അവൻ പറഞ്ഞത്
ബാപ്പ മരിക്കുന്ന സമയത്ത് ബ്ലെസ്ലി എന്നോട് പറഞ്ഞ ഒരു കാര്യമുണ്ട്. എൻ്റെ അച്ഛൻ (കൃഷ്ണയുടെ) അറുപതിനു മുകളിലാണ് പ്രായം. ബ്ലസ്ലിയുടെ ബാപ്പ കുറച്ചുകൂടി ചെറുപ്പമായിരുന്നു. നിൻ്റെ അച്ഛന് ഇത്ര പ്രായമുണ്ടായിട്ടും ഇപ്പോഴും ജീവിച്ചിരുപ്പുണ്ടല്ലോ എന്നായിരുന്നു അന്ന് അവൻ എന്നോട് പറഞ്ഞത്. ബ്ലെസ്ലിയുടെ ബാപ്പ ഇത്ര പെട്ടെന്ന് മരിക്കുമന്ന് അവൻ വിചാരിച്ചിരുന്നില്ല. ബാപ്പയെ വേണ്ട രീതിയ്ക്ക് ട്രീറ്റ് ചെയ്തില്ലെന്ന് അവന് തോന്നിയിരുന്നു. അതിൽ ഒരുപാട് സങ്കടമുണ്ടായിരുന്നു. വേണ്ടപ്പെട്ടവരെ കഴിയുന്നത്ര സ്നേഹിക്കണമെന്ന് ഞാൻ പറഞ്ഞു കൊടുത്തിട്ടുണ്ടെന്നും കൃഷ്ണ പറയുന്നു.
ബിഗ്ബോസിൽ പറഞ്ഞ കാര്യത്തെകുറിച്ച്
ബ്ലെസ്ലി ബിഗ്ബോസിൽ പറഞ്ഞ കാര്യത്തെകുറിച്ച് വിശദമായി പറയാനാണ് ഇക്കാര്യങ്ങൾ കൃഷ്ണ പറഞ്ഞത്. ഈ ബന്ധം ടോക്സിക്ക് ആയിരുന്നു. തന്നെ സ്നേഹിക്കാത്തത് കൊണ്ടാണ് ബ്ലെസ്ലിയുട ബാപ്പ മരിച്ച് പോയതെന്ന് താൻ പറഞ്ഞതായാണ് ബ്ലെസ്ലി ബിഗ്ബോസ് ടാസ്ക് നടക്കുമ്പോൾ പറഞ്ഞതെന്ന് കൃഷ്ണ ഓർമ്മിക്കുന്നു. അത് തനിക്ക് വലിയ വേദനയുണ്ടാക്കിയെന്നും കൃഷ്ണ പറയുന്നു. ഞാൻ അങ്ങനെയായിരുന്നില്ല അത് പറഞ്ഞത്. ബ്ലെസ്ലി അങ്ങനെയാണോ അത് മനസിലാക്കിയതെന്നോ ബ്ലെസ്ലി അങ്ങനെ വളച്ചൊടിച്ചതാണോ എന്നും തനിക്ക് അറിയില്ല.
ജീവനോടെയുള്ളപ്പോൾ വേണ്ടപ്പെട്ടവരെ സ്നേഹിക്കണം
വേണ്ടപ്പെട്ടവരെ അവർ ജീവനോടെയുള്ളപ്പോൾ വേണം സ്നേഹിക്കാൻ. അല്ലാതെ താൻ സമ്പാദിച്ച ശേഷം അവരെ നോക്കാം എന്ന ചിന്ത മണ്ടത്തരമാണെന്നും ഓരോ മനുഷ്യരും ഇത്ര വയസ്സുവരെ ജീവിച്ചിരിക്കും അപ്പോൾ അവരെ സ്നേഹിക്കാം, ഇപ്പോൾ സമ്പാദിക്കാം എന്ന ചിന്ത പക്വതയില്ലായ്മയാണ് എന്നാണ് ഞാൻ അന്ന് ബ്ലെസ്ലിയോട് പറഞ്ഞ് കൊടുത്തതെന്നും കൃഷ്ണ ഓൺലൈൻ മലയാളിയ്ക്ക് നൽകിയ വീഡിയോയിൽ വ്യക്തമാക്കി.
താൻ കണ്ട ബ്ലെസ്ലിയല്ല ബിഗ് ബോസ് വീട്ടിൽ
താൻ കണ്ട ബ്ലെസ്ലിയല്ല ബിഗ് ബോസ് വീട്ടിലുള്ളത്. പുകവലി ശീലം പണ്ടേ ഉണ്ടായിരുന്നു, ഭക്ഷണം നന്നായി കഴിച്ചുകൊണ്ടിരുന്ന ആളാണ്. പക്ഷേ ബിഗ് ബോസ് വീട്ടിലേക്കെത്തിയപ്പോൾ പുതിയ ശീലങ്ങളുമായാണ് ബ്ലെസ്ലി എത്തിയത് അതിൻ്റെ ഭാഗമായി വരുത്തിയ മാറ്റങ്ങളാകാം ഇത്. ബ്ലെസ്ലിയുടെ ആൽബത്തിലെ മറ്റു നായികമാരോട് അടുപ്പത്തിലാകാൻ ശ്രമിച്ചിട്ടുണ്ട്. അതിൻ്റെ പേരിലും താൻ പ്രശ്നങ്ങളുണ്ടാക്കിയിട്ടുണ്ട്. ഒരാളെ കാണുമ്പോൾ പെട്ടെന്ന് ഇഷ്ടം തോന്നുന്ന ആളാണെന്നതിന് വലിയ ഉദാഹരണമാണല്ലോ ദിൽഷയോട് തോന്നിയതെന്നും കൃഷ്ണ ചൂണ്ടിക്കാട്ടുന്നുണ്ട്.