ബിഗ് ബോസിന്റെ അവസാന ക്യാപ്റ്റൻ; മിനി സ്‌ക്രീനിന്റെ സ്വന്തം കല്യാണിന് പിറന്നാൾ; ആശംസയുമായി സീതയും!

ബിഗ് ബോസ് ആരാധകരുടെ പ്രിയ മത്സരാർത്ഥിയാണ് അനൂപ് കൃഷ്ണൻ. ബിഗ് ബോസ് മത്സരാർത്ഥി എന്ന ലേബലിൽ അറിയപ്പെടും മുൻപേ മിനി സ്‌ക്രീൻ പ്രേക്ഷകരുടെ സ്വന്തം കല്യാൺ ആയിരുന്നു അനൂപ്.

തങ്ങൾ സ്‌ക്രീനിൽ കണ്ട ആളിനെ കുറച്ചുകൂടി മനസിലാക്കാൻ സാധിച്ചു എന്നാണ് ഇപ്പോൾ മിനി സ്‌ക്രീൻ പ്രേക്ഷകർ പറയുന്നത്. ബിഗ് ബോസിൽ മികച്ച മത്സരം കാഴ്ചവയ്ക്കുന്ന അനൂപിന്റെ പിറന്നാൾ ദിനം കൂടിയാണ് ഇന്ന്. നിരവധി ആരാധകരും സുഹൃത്തുക്കളും ആണ് അനൂപിന് ആശംസകൾ നേർന്നുകൊണ്ട് രംഗത്ത് എത്തുന്നത്.


സ്‌ക്രീനിൽ അനൂപിന്റെ നായികയായി എത്തുന്ന ധന്യ മേരി വർഗീസ് അനൂപിൻറെ കലാസൃഷ്ടിയുടെ ചിത്രവും, ഒപ്പം ഇരുവരും തമ്മിൽ എടുത്ത മനോഹരമായ ഒരു ഫോട്ടോയും സോഷ്യൽ മീഡിയ വഴി പങ്കിട്ടിട്ടുണ്ട്. പ്രിയസുഹൃത്തിന് ജന്മദിനാശംസകൾ. ജീവിതത്തിൽ എല്ലാ വിജയവും ഞാൻ നേരുന്നു എന്നാണ് ധന്യ കുറിച്ചത്.

ALSO READ: 'പൈങ്കിളിയിൽ നിന്നും പോയതെന്തിനാണ്? ഏട്ടനെ സങ്കടപ്പെടുത്തിയവർക്ക് നാളെ അതോർത്തു പശ്ചാത്തപിക്കേണ്ടിവരും ഏട്ടാ തിരികെ വരൂ'; ദേവയോട് ആരാധകരുടെ അപേക്ഷ!
പട്ടാമ്പി സ്വദേശിയാണ് അനൂപ് കൃഷ്ണൻ. ചുരുങ്ങിയ സമയം കൊണ്ടാണ് മിനി സ്‌ക്രീൻ വീട്ടമ്മമാരുടെ പ്രിയ താരമായി നടൻ മാറിയത്. സ്‌ക്രീനിൽ എത്തും മുൻപ് സ്റ്റേജ് ഷോകളിൽ അവതാരകനായും ചില ചിത്രങ്ങളിൽ ജൂനിയർ ആർട്ടിസ്റ്റായും അനൂപ് പ്രവർത്തിച്ചിട്ടുണ്ട്.

ജി പ്രഭ സംവിധാനം ചെയ്ത സംസ്‌കൃത സിനിമയായ 'ഇഷ്ടി'യിലെ അനൂപിന്റെ കഥാപാത്രം ഏറെ ജനശ്രദ്ധയാകർഷിച്ച ഒന്നായിരുന്നു. ചില സംഗീത ആൽബങ്ങളും അനൂപ് കൃഷ്ണൻ സംവിധാനം ചെയ്തിട്ടുണ്ട്.