ബിഗ് ബോസിൽ ഏറ്റവും കൂടുതൽ സമയം ചിലവഴിച്ചത് ഇതിന് വേണ്ടി; അർച്ചന സുശീൽ

ബിഗ് ബോസ് സീസൺ രണ്ട് എത്താൻ നാളുകൾ മാത്രം ശേഷിക്കെ പ്രമോ വീഡിയോകൾ സോഷ്യൽ മീഡിയയിൽ വൈറൽ ആകുന്നു. ബിഗ് ബോസ് സീസൺ ഒന്നിൽ പങ്കെടുത്ത സെലിബ്രിറ്റികളെ പങ്കെടുപ്പിച്ചു കൊണ്ടാണ് ഇപ്പോൾ സീസൺ രണ്ടിന്റെ പ്രോമോ വീഡിയോകൾ സോഷ്യൽ മീഡിയയിൽ നിറയുന്നത്. കഴിഞ്ഞദിവസം ബിഗ് ബോസ് വിജയി സാബു മോന്റെ വാക്കുകൾ ആയിരുന്നു സോഷ്യൽ മീഡിയ ഏറ്റെടുത്തതെങ്കിൽ ഇന്ന് മുൻ മത്സരാർത്ഥി ആയി എത്തിയ അർച്ചന സുശീലിന്റെ വാക്കുകളാണ് ബിഗ് ബോസ് ആരാധകർ ഹൃദയത്തിൽ ഏറ്റെടുത്തിരിക്കുന്നത്.

ബിഗ് ബോസ് മത്സരാർത്ഥി ആകുന്നതിനു മുൻപ് തന്നെ അർച്ചന സുശീൽ മിനി സ്‌ക്രീൻ പ്രേക്ഷകരുടെ താരമായിരുന്നു. പക്ഷെ തന്നെ പറ്റിയുള്ള മൊത്തത്തിലുളള ഇമേജ് അങ്ങ് മാറി കിട്ടിയത് ഈ റിയൽ റിയൽ റിയാലിറ്റി ഷോയിലൂടെയെന്ന് താരം വെളിപ്പെടുത്തുകയാണ് ഇപ്പോൾ. എവർഗ്രീൻ വില്ലത്തി എന്നാണ് താരത്തെ പൊതുവെ പ്രേക്ഷകർ വിളിക്കാറ്. കാരണം മാനസപത്രിയിലെ ഗ്ലോറി മുതൽ, ഇപ്പോൾ സീത കല്യാണത്തിലെ ശ്രാവണി വരെ എത്തി നിൽക്കുകയാണ് താരത്തിന്റെ വില്ലത്തിയാത്ര. വില്ലത്തി ആയി സ്‌ക്രീനിൽ എത്തുന്നത് കൊണ്ടാകാം, താൻ ജീവിതത്തിലും ഭയങ്കരി എന്നാണ് പ്രേക്ഷകർ കരുതിയിരുന്നതെന്ന് അർച്ചന പറയുന്നു. ചാനൽ പുറത്ത് വിട്ട പ്രമോ വീഡിയോയിലൂടെയാണ് താരം രസകരമായ ചില വിശേഷങ്ങൾ പങ്ക് വയ്ക്കുന്നത്.

ALSO READ: ചർമ്മം കണ്ടാൽ പ്രായം തോന്നുകേയില്ല! ശാലുമേനോന്റെ ചിത്രത്തിന് മികച്ച പ്രതികരണം

"കഴിഞ്ഞ വർഷം ഈ സമയം ബിഗ് ബോസ് സീസൺ ഒന്ന് അവസാനിച്ചു. ഓർമ്മകൾക്ക് എന്ത് സുഗന്ധമാണ്. ഏറ്റവും കൂടുതൽ ബിഗ് ബോസ് ഹൗസിൽ താൻ സമയം ചിലവഴിച്ചത് കുക്കിങ്ങിനും മേക്കപ്പിനും ആയിരുന്നതായി അർച്ചന പറയുന്നു. പിന്നെ ഏറ്റവും കൂടുതൽ അടിയിട്ടത് ഫുഡിന്റെ കാര്യത്തിൽ ആയിരുന്നതായും താരം വ്യക്‌തമാക്കുന്നു. ഏകദേശം പതിനഞ്ചുവര്ഷമായി നിങ്ങൾ എന്റെ അഭിനയം കണ്ടുതുടങ്ങിയിട്ട്. പക്ഷെ അവിടെ അഭിനയം ഇല്ലായിരുന്നു"

ഞങ്ങൾ എല്ലാവരും ജീവിക്കുകയായിരുന്നു അവിടെ. ബിഗ് ബോസിലൂടെയാണ് തനിക്ക് നല്ലൊരു ചേട്ടനെയും ചേച്ചിയേയും കിട്ടിയത്. സാബുച്ചേട്ടനെയും, രഞ്ജിനി ചേച്ചിയേയും. തന്റെ സീരിയൽ കഥാപാത്രങ്ങൾ കണ്ട് എല്ലാ മലയാളി പ്രേക്ഷകരും ധരിച്ചിരുന്നത് താൻ ഒരു ദുഷ്ടത്തി ആണെന്നാണ്. പക്ഷേ ബിഗ് ബോസ് ഷോയിലൂടെ ആ ഒരു ഇമേജ് അങ്ങ് മൊത്തത്തിൽ മാറിക്കിട്ടി. അതിന് പ്രത്യേക നന്ദി അറിയിക്കേണ്ടത് റിയൽ റിയാലിറ്റി ഷോ ആയ ബിഗ് ബോസിനോട് ആണെന്നും അർച്ചന പ്രോമോ വീഡിയോയിലൂടെ പറയുന്നു.


ALSO WATCH THIS VIDEO