ജാസ്മിൻ നീ കാണിക്കുന്ന ദേഷ്യം റോബിന് പോസിറ്റീവായാണ് വരുന്നത്! അത് മനസിലാക്കുന്നില്ലല്ലോ! ബി​ഗ് ബോസ് എപ്പിസോഡിനെക്കുറിച്ച് അശ്വതി കുറിച്ചത്?

പാവ ടാസ്ക്കിൽ നിമിഷയുടെ പാവ റോബിൻ തട്ടിയെടുത്തിരുന്നു. അന്ന് ജാസ്മിൻ റോബിനുമായി വഴക്കിട്ടിരുന്നു. എങ്ങനെ വേണമെങ്കിലും പാവയെ കൈക്കലാക്കാമെന്ന് ബിഗ് ബോസ് നിർദേശിച്ചിരുന്നു. റോബിൻ മാത്രമല്ല അങ്ങനെ ചെയ്തതെന്ന് പലരും പറഞ്ഞിരുന്നു. നിമിഷയുടെ തെറ്റിദ്ധാരണ മാറിയെങ്കിലും റോബിനോടുള്ള വിരോധം ജാസ്മിൻ അതേപോലെ നിലനിർത്തുകയാണ്. ജാസ്മിന്റെ പ്രവർത്തികൾ റോബിന് പോസിറ്റീവായി വരുന്നത്, അതേക്കുറിച്ച് ജാസ്മിൻ ഇതുവരെ മനസിലാക്കിയില്ലല്ലോയെന്നായിരുന്നു അശ്വതി കുറിച്ചത്. ജയിലിൽ നിന്നും പുറത്തുവന്നപ്പോൾ റിയാസിന് ഭക്ഷണം നൽകിയ ജാസ്മിൻ റോബിനെ അവഗണിക്കുകയായിരുന്നു. കഴിഞ്ഞ ദിവസത്തെ എപ്പിസോഡിനെക്കുറിച്ചുള്ള അശ്വതിയുടെ വിലയിരുത്തൽ ഇങ്ങനെയാണ്:-
ജയിലിൽ പോയ റോബിനും റിയാസും ഒരേപോലെ ക്ഷീണിതരാണ്. റോബിന്റെ മുന്നിൽവെച്ചു തന്നെ റിയാസിന് എനർജിക്കുള്ള കാപ്പിയോ ചായയോ കൊടുത്തു. എന്നാൽ റോബിനോട് വേണമോ എന്നുപോലും ചോദിച്ചില്ല. എന്തോ എനിക്ക് കഷ്ട്ടം തോന്നി. ജാസ്മിൻ ഈ കാണിക്കുന്നത് നിന്റെ മാത്രം ദേഷ്യം ആയിരിക്കാം, പക്ഷെ അത് എത്രത്തോളം വെളിയിൽ റോബിന് പോസിറ്റീവ് ആകുന്നു എന്ന് ആ മണ്ടൻ തലയിൽ ഉദിക്കുന്നില്ലല്ലോ എന്നാലോചിക്കുമ്പോഴാണ്. റിയാസേ ലാലേട്ടൻ മുട്ടൻ പണി തരുമെന്ന് പറഞ്ഞപ്പോൾ ഇത്ര പ്രതീക്ഷിച്ചില്ല ല്ലേ? ജയിലിൽ നിന്നിറങ്ങി "ലല്ലലം ചൊല്ലുന്ന ചെല്ലക്കിളികളെ" എന്ന് ചാടി ചാടി ആപ്പിളും കടിച്ചു നടന്നപ്പോൾ ആലോചിക്കണമായിരുന്നു.
അല്ലാ എനിക്കൊരു ഡൌട്ട്. എല്ലാരുംകൂടി സ്ഥാനങ്ങൾക്കായുള്ള ടാസ്ക് നടന്നതിന്റെ ചില വീഡിയോസ് യൂട്യൂബിൽ കണ്ടു അത് ടെലികാസ്റ്റ് ചെയ്തോ? ഞാൻ എപ്പിസോഡിൽ കണ്ടില്ല. ഇനി ഞാനെങ്ങാനും കാണാത്ത എപ്പിസോഡിൽ ആണോ? എന്തായാലും നാളത്തെ എപ്പിസോഡ് ചിരി മാസ്സ് ആയിരിക്കും എന്ന് പ്രോമോ കണ്ടു. കാത്തിരിക്കാം ല്ലേയെന്നുമായിരുന്നു അശ്വതി കഴിഞ്ഞ ദിവസത്തെ എപ്പിസോഡിനെക്കുറിച്ച് കുറിച്ചത്.
റോബിൻ ഫൈനലിൽ വന്നാൽ ബിഗ് ബോസ് വീട് പെട്രോളൊഴിച്ചു കത്തിക്കും (ജാസ്മിൻ ) മലയാളം പറയാൻ മഹാനടൻ നിർദ്ദേശിച്ചിട്ടും ഇപ്പോൾ ഹിന്ദിയും ഇംഗ്ലീഷും കൂട്ടിക്കലർത്തി സംസാരിക്കുന്ന റിയാസ്. ചീത്തവാക്കുകൾ ഇനി ആവർത്തിക്കരുത് എന്ന് അദ്ദേഹം പറഞ്ഞിട്ടും അത് ഇംഗ്ലീഷിലേക്ക് ട്രാൻസിലേറ്റ് ചെയ്തു പറയുന്ന ജാസ്മിന്റെ സൈക്കോളജിക്കൽ മൂവ്മെന്റ്. ജാസ്മിനും റിയാസും ഡോക്ടർക്കെതിരെ തൊടുത്തു വിടുന്ന അഗ്നിശരങ്ങൾ പുഷ്പ ശകലങ്ങളായി ഡോക്ടറുടെ ആവനാഴിയിൽ വീഴുന്നു എന്നുള്ള കാര്യം ഇവർഅറിയുന്നില്ല. എല്ലാം അറിയുന്നു പുറത്തുള്ള നിമിഷ. ആകെ കണ്ണുതള്ളി പ്രതികരിക്കുന്നു. ഇന്നലെ നിമിഷയുടെ വാക്കുകൾ കടമെടുത്താൽ റോബിൻ ഏഴാഴ്ച മുൻകൂട്ടി കളിക്കുന്നു എന്ന് അഭിപ്രായം എന്നായിരുന്നു ഒരാളുടെ കമന്റ്. ജാസ്മിന്റെ പല നീക്കങ്ങളും പുറത്ത് റോബിന് ഗുണമായി വരുന്നുവെന്ന കാര്യം നിമിഷയ്ക്ക് മനസിലായിട്ടുണ്ട്, പുറത്തുവന്നാലേ ജാസ്മിനും ഇത് മനസിലാവൂയെന്നുമായിരുന്നു പ്രേക്ഷകരുടെ കമന്റുകൾ.