നിന്നെ സ്‌നേഹിക്കുന്നയാളായിരിക്കണം എന്ന് പറയുമായിരുന്നു! റോബിനേയും ആരതിയേയും കുറിച്ച് ലക്ഷ്മി പ്രിയ

കഴിഞ്ഞ ദിവസമായിരുന്നു റോബിനും ആരതിയും തമ്മിലുള്ള എന്‍ഗേജ്‌മെന്റ്. ലക്ഷ്മി പ്രിയയും ശ്രീറാമും ഉള്‍പ്പടെയുള്ള താരങ്ങള്‍ ചടങ്ങിനെത്തിയിരുന്നു. അതീവ സന്തോഷത്തോടെയായാണ് താന്‍ ചടങ്ങില്‍ പങ്കെടുത്തതെന്ന് താരം പറയുന്നു. വിവിധ മാധ്യമങ്ങളോട് സംസാരിക്കവെയാണ് ലക്ഷ്മി പ്രിയ റോബിനെയും ആരതിയേയും കുറിച്ച് സംസാരിച്ചത്.
ഒരുപാട് സന്തോഷമുണ്ട്. എപ്പോഴാണ് ഇത് ഒഫീഷ്യലി ഡിക്ലയര്‍ ചെയ്യുന്നതെന്നറിയാനായി കാത്തിരിക്കുകയായിരുന്നു ഞങ്ങള്‍. റോബിനെന്തായാലും കല്യാണം കഴിക്കാതിരിക്കാന്‍ ആവില്ലല്ലോ. ഇതെന്നല്ല റോബിന്‍ എന്തായാലും കല്യാണം കഴിക്കുമെന്നും ഞാന്‍ അതില്‍ പങ്കെടുക്കുമെന്നും വിചാരിച്ചിരുന്നു. അത് ആരെന്നായിരുന്നു അറിയാതിരുന്നത്. റോബിനെ ഏറ്റവും നന്നായി മനസിലാക്കുന്നൊരാള്‍ ജീവിതത്തിലേക്ക് വന്നതില്‍ സന്തോഷമുണ്ട്.നിന്നെ സ്‌നേഹിക്കുന്ന ആളായിരിക്കണം ജീവിതത്തിലേക്ക് വരേണ്ടതെന്ന് ഞാനെപ്പോഴും പറയാറുണ്ടായിരുന്നു. റോബിന്‍ തിരഞ്ഞെടുക്കുന്നയാള്‍ക്ക് റോബിനോട് സ്‌നേഹം വേണ്ടേ, എന്നാലല്ലേ നല്ലൊരു ലൈഫുണ്ടാവൂയെന്ന് ഞാന്‍ പറഞ്ഞിരുന്നു.
അടുത്ത സീസണില്‍ ഞങ്ങളേക്കാളും വലിയ ഓളമുണ്ടാവട്ടെ എന്നാഗ്രഹിക്കുന്നു. ബിഗ് ബോസിനെ സ്‌നേഹിക്കുന്നവര്‍ വരണമെന്നാഗ്രഹിക്കുന്നു. ഷോ കണ്ടിട്ടില്ലെന്നൊക്കെ ഞാനും പറഞ്ഞിട്ടുണ്ട്. എങ്ങനെയെങ്കിലും നിന്നാല്‍ മതി എന്ന് പറയുന്നവരോടൊന്നും താല്‍പര്യമില്ല. ഷോ മനസിലാക്കി നില്‍ക്കുന്നവരാവട്ടെ. എല്ലാവരും എപ്പിസോഡ് പരാവധി കണ്ടതിന് ശേഷം തന്നെ അതിലേക്ക് പോവണമെന്നാണ് എനിക്ക് പറയാനുള്ളത്. ഞാന്‍ ഇറങ്ങിയതിന് ശേഷം എപ്പിസോഡുകളൊന്നും കണ്ടിട്ടില്ല. റിവ്യൂ ഒക്കെ കണ്ടിരുന്നു. നല്ല കാര്യങ്ങളൊക്കെ കണ്ടതില്‍ സന്തോഷമുണ്ട്. ഷോയിലെ കാര്യങ്ങള്‍ ഇപ്പോഴും കൊണ്ട് നടക്കാതെ ഓരോരുത്തര്‍ അവരവരുടെ ജീവിതത്തിലേക്ക് പോയിരുന്നാല്‍ നന്നായേനെ എന്ന് കരുതാറുണ്ട്. വിവാദങ്ങളില്‍ തിളങ്ങി നില്‍ക്കാന്‍ പറ്റുന്നവരുണ്ടെങ്കില്‍ അങ്ങനെ നടക്കട്ടെ. എനിക്ക് രണ്ടുമൂന്ന് പേരായിട്ടേ കോണ്ടാക്റ്റുള്ളൂ. ഫേക്കായി നില്‍ക്കുന്നവരുമായൊന്നും കൂട്ടില്ല. സ്‌നേഹിക്കുന്ന കുറച്ച് പേരുമായി ബന്ധമുണ്ട്. വെജിറ്റേറിയനായത് കൊണ്ട് പരിപ്പ് കറി മിക്കവാറുമുണ്ട്. പരിപ്പ് കറിയാണെന്നറിഞ്ഞാല്‍ മോള്‍ അപ്പോള്‍ത്തന്നെ ട്രോളാന്‍ തുടങ്ങും. എന്നെ ട്രോളാന്‍ മോള്‍ തന്നെ ധാരാളമെന്നുമായിരുന്നു ലക്ഷ്മി പ്രിയ പറഞ്ഞത്.