'ഈ നിലയിലെത്താൻ ഒരുപാട് കഷ്ടപ്പെട്ടു'; ഹൃദയം കൊണ്ട് പറഞ്ഞ് ഷിയാസ്, വീഡിയോ!

ബിഗ്ബോസ് മലയാളം ആദ്യ ഭാഗത്തിൻ്റെ റണ്ണറപ്പായി മാറിയ പെരുമ്പാവൂരുകാരനായ ഷിയാസ് ഇന്ത്യയിലെ മുൻനിര ഡിസൈനേഴ്സിന്‌ വേണ്ടി മോഡലായിട്ടുള്ളയാളാണ്. ഒരു സിനിമാനടനാവണമെന്നുള്ള മോഹവുമായിട്ടായിരുന്നു ഷിയാസിന്റെയും തുടക്കം. മോഡലിംഗ് രംഗത്തു സ്വന്തം വ്യക്തിമുദ്ര പതിപ്പിച്ച ഷിയാസ് ബൾഗേറിയയിൽ നടന്ന 'മിസ്റ്റർ ഗ്രാൻഡ് സീ വേൾഡ് 2018'-ൽ ആദ്യ അഞ്ചു പേരിൽ ഒരാളായിരുന്നു. നാട്ടിൽ അറിയപ്പെടുന്ന ഒരു ഫുട്ബോൾ താരം കൂടിയാണ് ഷിയാസ് കരീം.

മുൻപ് ചില ചെറിയ റോളുകൾ ചെയ്ത് ശ്രദ്ധ നേടിയ ഷിയാസ് ബിഗ്ബോസ് താരമായി മാറിയതോടെ കരിയറിലും തിരക്കേറി. മോഹൻലാൽ നായകനാകുന്ന മരക്കാർ അറബിക്കടലിൻ്റെ സിംഹം എന്ന ബിഗ്ബജറ്റ് ചിത്രത്തിൽ ഒരു കഥാപാത്രത്തെ ഷിയാസ് അവതരിപ്പിച്ചിട്ടുണ്ട്. ഇപ്പോഴിതാ ഷിയാസ് ഇൻസ്റ്റാഗ്രാമിൽ കുറിച്ചിരിക്കുന്ന വാക്കുകളാണ് ശ്രദ്ധ നേടുന്നത്.

Also Read: 'അതിലും കുറഞ്ഞ ശിക്ഷ ഇയാൾ അർഹിക്കുന്നില്ല എങ്കിലും സാന്ദ്ര ചെയ്തത് മറിച്ചാണ്'; കൈലാസ് മേനോൻ്റെ കുറിപ്പ് വൈറൽ!

തൻ്റെ ജീവിതത്തിൽ ഇതുവരെ നേടിയതൊക്കെ പൊരുതി നേടിയത് തന്നെയാണെന്നാണ് ഷിയാസ് അടിവരയിട്ട് ചൂണ്ടിക്കാട്ടുന്നത്. തൻ്റെ ജീവിതം വരച്ചിടുന്ന ഒരു വീഡിയോ ആണ് ഇപ്പോൾ പങ്കുവെക്കുന്നതെന്നും ഒരുപാട് തവണ ഇക്കാര്യങ്ങൾ താൻ പലയിടത്തായി പറഞ്ഞിട്ടുണ്ടെന്നും ഷിയാസ് കുറിച്ചിരിക്കുന്നു.

തൻ്റെ കഠിനപ്രയത്നം കൊണ്ടും പ്രതിസന്ധികളെ ധൈര്യമായി തരണം ചെയ്തതുകൊണ്ടുമാണ് ഇന്നത്തെ നിലയിൽ താൻ എത്തി നിൽക്കുന്നതെന്നും ഒരുപാടൊന്നും താൻ നേടിയെന്നല്ല അർത്ഥമാക്കുന്നതെന്നും ഷിയാസ് കുറിച്ചു. ഇനിയും തനിക്ക് ചെയ്യാനാകുമെന്ന ആത്മവിശ്വാസമുണ്ട്, തൻ്റെ യാത്ര തുടങ്ങിയിട്ടേയുള്ളു, ഇനിയുമൊരുപാട് ദൂരം താണ്ടാനുണ്ട്. ഷിയാസ് കുറിച്ചിരിക്കുന്നതിങ്ങനെയാണ്.

Also Read: 'ആളിക്കത്തി മനുഷ്യസ്നേഹത്തിന്റെ തീപ്പന്തങ്ങള്‍'; പ്രതീക്ഷയുടെ വിളക്കുകൾ അണഞ്ഞു പോവുന്നില്ലെന്ന് മമ്മൂട്ടി