'വീണ നായർ എന്റെ വീട്ടിൽ എത്തിയപ്പോൾ ഫൗസിയ ബീഗം ആയി' വിവാഹ വിശേഷങ്ങളുമായി കിടിലൻ ഫിറോസ്!

ബിഗ് ബോസിൽ വച്ച് ആദ്യമായി തുറന്നുപറയാൻ ഫിറോസിന് അവസരം കിട്ടിയത് 'ജീവിത പോരാട്ടം' വിഷയത്തിൽ ആയിരുന്നു. എട്ട് ലക്ഷം രൂപ മാസശമ്പളത്തില്‍ നിന്ന് പട്ടിണിയിലേക്ക് വീണുപോയ ജീവിതാനുഭവമാണ് ഫിറോസ് ആദ്യ ഊഴത്തിൽ പങ്കുവച്ചത്. രണ്ടാം ഊഴത്തിൽ വിവാഹത്തെകുറിച്ചുള്ള തുറന്നുപറച്ചിൽ ആണ് ഫിറോസ് നടത്തിയത്. അദ്ദേഹത്തിന്റെ വാക്കുകൾ നോക്കാം.

എന്റെ ഭാര്യ വീണ നായർ എം എസ് ആണ്.അവിടെ മുതൽ ഞങ്ങളുടെ വിവാഹത്തിന്റെ പ്രശ്നങ്ങൾ തുടങ്ങി.വീണ നായർ എം എസ് വീട്ടിൽ വന്നു കയറിയപ്പോൾ വാപ്പയും ഉമ്മയും പേരിടുന്നതിനു മുൻപേ തന്നെ ബന്ധുക്കൾ ഫൗസിയ എന്ന് പേരിട്ടല്ലോ. ഫൗസിയ ബീഗം എന്ന് പേരിട്ടു. ചിരിച്ചുകൊണ്ട് നിന്നു. രണ്ടാം വട്ടം ഇവർ വന്നപ്പോൾ എന്തൊക്കെയോ സംഗതി പേരുകൾ ഒക്കെ ഇട്ടു.

ഞാൻ പയ്യെ അവളേം വിളിച്ചുകൊണ്ട് തിരുവനന്തപുരത്തു കൊച്ചു വീടെടുത്തു അങ്ങോട്ട് മാറി. നിന്റെ പേര് വീണ നായർ എന്നായിരുന്നു. എന്റെ അടുത്ത് വരുന്ന പതിനെട്ടാമത്തെ വയസ്സ് വരെ. ഇനിയങ്ങോട്ട് നീ മുൻപോട്ട് പോകുമ്പോൾ നിന്റെ പേര് എന്ന് വരെ മാറ്റണം എന്ന് തോന്നുന്നില്ലയോ അന്ന് വരെയും നീ വീണ നായർ എംഎസ് തന്നെ ആയിരിക്കും. അതിന്റെ പേരിൽ ആരെങ്കിലും എന്തെങ്കിലും വിഷയങ്ങൾ ഉണ്ടാക്കും എങ്കിൽ അത് ഞാൻ ഫ്രണ്ടിൽ നിക്കാം ഒരു പ്രശ്നവും ഇല്ല.

അങ്ങനെ ഭാര്യയോട് പറഞ്ഞത് പറഞ്ഞുകൊണ്ടുതന്നെ മക്കളുടെ കാര്യത്തിലും ആ തീരുമാനം തന്നെയാണ് ഞാൻ എടുത്തത്. അവർ നോക്കുമ്പോൾ പപ്പ പടച്ചോനെ എന്ന് വിളിക്കുന്നു. ഭക്ഷണം കഴിച്ചിട്ട് പടച്ചോന് നന്ദി പറയുന്നു. പടച്ചോൻറെ പേരിൽ അത് ചെയ്യുന്നു ഇത് ചെയ്യുന്നു. മമ്മ പൊങ്കാല ഇടുന്നു, അമ്ബലത്തിൽ പോകുന്നു അത് ചെയ്യുന്നു ഇത് ചെയ്യുന്നു. അപ്പോൾ അവർക്കിതിൽ ഏതിൽ പോണം എന്ന് ഒരു കൺഫ്യൂഷൻ വരും.

'അതുകൊണ്ടുതന്നെ എന്റെ തീരുമാനത്തിൽ എനിക്ക് അറിവുള്ള പ്രബലമായ മതങ്ങൾ എല്ലാം മക്കളെ പഠിപ്പിക്കണം എന്നാണ്. എല്ലാ മതങ്ങളും പഠിപ്പിച്ചിട്ട് അവർ ഒന്നുകിൽ പതിനെട്ടു വയസിന് ശേഷം അവർ മതം ഇല്ലാത്തവർ ആയി വളരും, അല്ലെങ്കിൽ അവർക്ക് ഇതിൽ ഏതു മതം ആണോ ഇഷ്ടം അവർ അത് തെരെഞ്ഞെടുത്തു ആ വഴിക്ക് വളരും', എന്നും ഫിറോസ് വ്യക്തമാക്കി.