കാപട്യ ഫെമിനിസ പ്രകടനങ്ങളെ ഫെമിനിച്ചികൾ എന്ന് വിളിക്കാൻ കാരണങ്ങൾ കൂടുമെന്ന് സാബു!

ബിഗ് ബോസ്‌ താരം സാബുമോന്റെ സോഷ്യൽ മീഡിയ പോസ്റ്റ് ചർച്ചയാകുന്നു. കുറച്ചുദിവസങ്ങളായി സാബു പങ്ക് വയ്ക്കുന്ന പോസ്റ്റുകളിൽ ഫെമിനിസ്റ്റും ഫെമിനിച്ചിയും തമ്മിലുള്ള വ്യത്യാസങ്ങളെ പറ്റിയായിരുന്നു സൂചിപ്പിച്ചിരുന്നത്. ഇതിനു പിന്നാലെയാണ് പുതിയ പോസ്റ്റ് കൂടി സാബു പങ്കിട്ടത്. പോസ്റ്റിന് ഒപ്പം തൻറെ വീട്ടിലെ സ്ത്രീകളെ അപമാനിക്കുന്ന തരത്തിൽ കമന്റിട്ട ആളുടെ വാക്കുകളും സാബു പങ്ക് വച്ചു.

സാബുവിന്റെ വാക്കുകൾ!

അഭിനവ "കുലസ്ത്രീകൾ" ഫെമിനിസ്റ്ററുകൾക്ക് ഭർത്താവില്ലായെന്ന് പറഞ്ഞ് കേട്ട നൊടിയിൽ ഭർത്താവിൻ്റെയും പങ്കാളികളുടെയും കണക്കും, അതിൽ അവർ പുലർത്തുന്ന മേന്മകളുടെ വിശദീകരണവും നിരത്താതെ വിശ്രമം ഇല്ലായെന്നപ്പോലെ.. അല്ലാ, ഭർത്താവില്ലായെന്നതൊക്കെ ശരിക്കും ഒരു പ്രശനവും കുറവുമാണല്ലേ? അതിൻ്റെ മൊറാലിറ്റി ചെക്കിംഗിൽ എനിക്ക് കോമഡിക്കപ്പുറം കാര്യം തോന്നാത്തത് കൊണ്ട് വിടുന്നു. പക്ഷെ, കുലകൾ (പുരുഷനോ, സ്ത്രീയോ) ഞങ്ങൾക്കുള്ളത് നിങ്ങൾക്കുണ്ടോ, ഞങ്ങൾ ധരിക്കുന്നത് നിങ്ങൾ ധരിക്കുന്നുണ്ടോ എന്നൊക്കെ ചോദിച്ചാൽ ഈ പാവങ്ങൾ പ്രതിസന്ധിയിലാകും. സ്വാതന്ത്രം ചോർന്ന് പോകാതെ ലക്ഷണമൊത്തൊരു കുലയാകണമെന്നതാണിവരുടെ ആവശ്യം.
ALSO READ: നാല്പതിലും 19 ന്റെ ചെറുപ്പം; മക്കൾക്കും ഭർത്താവിനും ഒപ്പം പിറന്നാൾ ആഘോഷമാക്കി രശ്മി

സ്ത്രീകളെ പ്രകോപിതരാക്കാൻ അവരെ അഭിസാരികയാക്കി ചിത്രീകരിക്കുകയെന്നതാണ് പണ്ട് മുതൽ പാട്രിയാർക്കി ചെയ്തു പോരുന്നത്. ലിംഗ ഭേതമില്ലാത്ത സ്വാതന്ത്രത്തിൽ വിശ്വസിക്കുകയും അതിനായി പോരാടുകയും ചെയ്യുന്നവർ ഇന്നും ആ സദാചാര തന്ത്രത്തിൽ വീണ് പോകുന്നത് ആശ്ചര്യം ജനിപ്പിക്കുന്നതാണ്. അഭിനവ ഫെമിനിസ്റ്റുകൾ അഥവാ ഫെമിനിച്ചികൾക്ക് ലൈംഗിക തൊഴിലാളികളോട് അറപ്പും കൂട്ടത്തിൽ കൂട്ടാൻ കൊള്ളത്തവരാണെന്ന തോന്നൽ ഈ കാലഘട്ടത്തിലും നിലനിൽക്കുന്നു എന്ന തിരിച്ചറിവ് കുറച്ച് അരോചകമാണ്. ഒരേ അനാട്ടമിയിൽ ബോറടിക്കാതെ വ്യത്യസ്തയിൽ ആനന്ദം കണ്ടെത്തുകയാണ് ഞങ്ങളുടെ പോരാട്ടത്തിൻ്റെ ലക്ഷ്യം എന്നൊക്കെ പറഞ്ഞാൽ തീരുന്നതേയുള്ളു. കുലകൾ പറഞ്ഞാലതിൽ പൊരുളുണ്ടെന്ന് പറഞ്ഞ് ആത്മാർത്ഥമായി കരയുന്ന പാവങ്ങൾ!

ALSO READ: ഭർത്താവിന്റെ സീരിയലിൽ ഭാര്യ വില്ലത്തി; വർഷങ്ങൾക്ക് ശേഷം തിരിച്ചു കൊണ്ടുവന്നത് സ്വന്തം സംവിധായകൻ; അഞ്ജിത

കഴിഞ്ഞ ദിവസം എൻ്റെയൊരു പോസ്റ്റിനടിയിൽ ഒരു വഴിപോക്കൻ വന്ന് കുഞ്ഞുങ്ങളെയടക്കം എൻ്റെ വീട്ടിലെ സ്ത്രീകളെ കുറിച്ച് അസഭ്യം പറഞ്ഞു. ഓർക്കണം, എങ്ങുംമെങ്ങും സഭ്യത പുലരാൻ പൊരുതുന്ന സ്ത്രീകൾക്കായാണ്. പറയുന്നത് എൻ്റെ വീട്ടിലെ സ്ത്രീകളെയായത് കൊണ്ട് പ്രശ്നമില്ലായെന്നതാകും. ഒരു പുരുഷനായ എന്നോടുള്ള വിയോജിപ്പിനും തെറി പറയുന്നത് എൻ്റെ വീട്ടിലെ സ്ത്രീകളെ. അതായത്, സ്ത്രീകളെ വിളിക്കുന്ന തെറികൾക്കാണ് സ്ഫോടന വീര്യമെന്ന വിഖ്യാത തിയറിയെ അവഗണിക്കാൻ പ്രാപ്തരാകാത്ത ശുദ്ധാത്മാക്കൾ. നല്ലത്! സെലക്ടീവ്/കാപട്യ ഫെമിനിസ പ്രകടനങ്ങളെ ഫെമിനിച്ചികൾ എന്ന് വിളിക്കാൻ എനിക്ക് കാരണങ്ങൾ കൂടും.