ധർമ്മജൻ ബിഗ് ബോസിലേക്ക്! ആർക്ക് പകരക്കാരൻ; പ്രേക്ഷകരുടെ അഭ്യർത്ഥന മാനിച്ചതോ; നിരവധി ചോദ്യങ്ങൾ!

ധർമ്മജൻ ബോൾഗാട്ടി എന്ന കലാകാരൻ ബിഗ് ബോസ് മലയാളം രണ്ടിലേക്ക് എത്തുന്നു എന്ന അഭ്യൂഹങ്ങൾ ഈ സീസൺ ആരംഭിക്കുന്നതിന് മുൻപ് തന്നെ ഉയർന്നിരുന്നു. എന്നാൽ ധർമ്മജൻ ഇല്ലാതെ പതിനേഴ് മത്സരാര്ഥികളുമായിട്ടാണ് ഈ സീസൺ ജനുവരി അഞ്ചു മുതൽ ആരംഭിച്ചത്. കോമഡി താരങ്ങളും സിനിമ താരങ്ങളും സീരിയൽ താരങ്ങളും അടക്കം സമൂഹത്തിന്റെ നാനാതലങ്ങളിൽ പെട്ട ആളുകളാണ് ഈ സീസണിൽ പങ്കെടുക്കുന്നത്.

ഈ ഷോയിലേക്ക് ആളുകളെ നിർദ്ദേശിക്കാൻ പ്രേക്ഷകർക്ക് അവസരം നൽകിയപ്പോൾ മുതൽ പ്രേക്ഷകർ ഉയർത്തുന്ന പേരാണ് ധർമ്മജന്റേത്. എന്നാൽ അവർ പ്രതീക്ഷിച്ച പോലെ ധർമ്മജനെ ഷോയിൽ എത്തിക്കാഞ്ഞതിൽ പ്രേക്ഷകർക്ക് നിരാശ ഉണ്ടായിരുന്നു.

READ ALSO: ബിഗ് ബോസ് സ്‌ക്രിപ്റ്റഡോ? പ്രേക്ഷകർ കാത്തിരുന്ന രഹസ്യങ്ങള്‍ വെളിപ്പെടുത്തി ഡയറക്ടര്‍!

ധർമ്മജൻ ഷോയിൽ പങ്കെടുത്തത്തിന്റെ ദൃശ്യം വച്ചാണ് സോഷ്യൽ മീഡിയയിൽ പ്രചരണം നടക്കുന്നത്.
പ്രേക്ഷകരുടെ മനം അറിഞ്ഞുകൊണ്ടാണോ ധർമ്മജനെ ഷോയിലേക്ക് ബിഗ് ബോസ് അണിയറപ്രവർത്തകർ എത്തിക്കാൻ ഒരുങ്ങുന്നതെന്നും, അതോ കഴിഞ്ഞ സീസണിൽ മുകേഷ് വന്നുപോയത് പോലെ അതിഥി താരമായിട്ടാണോ ധർമജൻ എത്തുന്നതെന്നും പ്രേക്ഷകർ സംശയം ഉന്നയിക്കുന്നുണ്ട്. മാത്രമല്ല 17 പേരിൽ നിന്നും ആരെങ്കിലും പുറത്ത്‌ പോകുന്നതിന്റെ അടിസ്ഥാനത്തിൽ ആണോ ധർമ്മജനേയും ഷോയിൽ എത്തിക്കുന്നതെന്നും ബിഗ് ബോസ് ആരാധകർ പറയുന്നു.

അതേസമയം ഇത്തവണ ബിഗ് ബോസ് അണിയറപ്രവർത്തകർ ഇത് എന്ത് ഭാവിച്ചിട്ടാണ് ഈ കോമഡി കഥാപാത്രങ്ങളേയും സീരിയൽ താരങ്ങളേയും കൂടുതലായി ഷോയിൽ എത്തിക്കുന്നത്. ഒന്നാമതേ ഇപ്പോൾ ഒരു കണ്ണീർപരമ്പര കാണുന്ന ഫീലാണ് ഷോയിലൂടെ കിട്ടുന്നതെന്നും സോഷ്യൽ മീഡിയയിൽ ചിലർ അഭിപ്രായം പങ്ക് വയ്ക്കുന്നുണ്ട്.