എന്തൊരു കുശുമ്പാണിത്!
എന്തൊരു കുശുമ്പാണിത് പെണ്ണെ, മണിക്കുട്ടൻ പ്രണയം തുറന്നുപറഞ്ഞാൽ അപ്പോൾ എന്താകുമായിരുന്നു അവസ്ഥ എന്ന് തുടങ്ങി നിരവധി അഭിപ്രായങ്ങൾ ആണ് സോഷ്യൽ മീഡിയ സൂര്യയോട് ചോദിക്കുന്നത്.
"എന്താ അവിടെ", എന്ന് ഇടക്ക് മണിക്കുട്ടന്റെയും ഋതുവിന്റെയും സംസാരത്തിനിടയിൽ വന്നു സൂര്യ ചോദിക്കുമ്പോൾ ആരാണ് മണിക്കുട്ടി ഇത് നിന്റെ സിസ്റ്റർ ആണോ എന്ന ചോദ്യമാണ് ഋതു ചോദിക്കുന്നത്. ഓണർ എന്ന് മറുപടി മണിക്കുട്ടൻ നൽകുമ്പോൾ ഓർഡറോ എന്ന് ഋതു ചോദിക്കുന്നതും ബിഗ് ബോസ് പ്ലസിലൂടെ പ്രേക്ഷർക്ക് കാണാൻ കഴിയും.
മണിക്കുട്ടിയെ കൊണ്ടുപോകുകയാണ്.
'മണിക്കുട്ടിയെ ഞാൻ എന്റെ വീട്ടിലേക്ക് കൊണ്ട് പോകുകയാണ്. ഞങ്ങൾ കല്യാണം കഴിക്കാൻ തീരുമാനിച്ചു', എന്ന ഡയലോഗും 'ചുള്ളൻ' ഋതു പറയുന്നുണ്ട്. എന്നാൽ അങ്ങനെയങ്ങ് കൊണ്ടുപോകേണ്ട. എന്നാണ് മറുപടിയായി സൂര്യ നൽകിയത്.
നിങ്ങളുടെ ഓണറുടെ അടുത്ത് പോകൂ രമ്യയുടെ അടുത്ത്. എന്നും സൂര്യ പറയുന്നു. എങ്കിലും സൂര്യയെ കേൾപ്പിക്കാൻ എന്ന പോലെ വീണ്ടും മണിക്കുട്ടിയോട് ഋതു സംസാരിക്കുന്നത് പ്രേക്ഷരിൽ ചിരി പടർത്തി.
അത്ഭുത വിളക്ക് വരെ മണികുട്ടിക്ക് വേണ്ടി
താൻ ലേലത്തിൽ സ്വന്തമാക്കിയ അത്ഭുതവിളക്ക് വരെ മണിക്കുട്ടിക്ക് വേണ്ടി സ്വന്തമാക്കിയതാണ് എന്നും ഋതു പറയുന്നു. എനിക്ക് മണിക്കുട്ടിയെ കാണുമ്പോൾ പറയാതിരിക്കാൻ വയ്യ എന്നും എക്സ്പ്രെഷൻ ഇട്ടുകൊണ്ട് താരം സംസാരിക്കുന്നു. ചെറു ചിരിയോടെയല്ലാതെ പ്രേക്ഷർക്ക് ആ രംഗങ്ങൾ കാണാൻ സാധിക്കില്ല. അത്രയും നർമ്മം തുളുമ്പുന്ന രംഗങ്ങൾ ആണ് ഇരുവരും ചേർന്ന് സംസാരിച്ചത്.
മണിക്കുട്ടന്റെ സംസാരവും!
ഋതുവിന്റെ മാത്രമല്ല, മണിക്കുട്ടനും ഉള്ളിലുള്ള പ്രണയം പറയുന്ന പോലെയാണ് ചുള്ളൻ ആയെത്തിയ ഋതുവിനോട് സംസാരിച്ചത്.
ഇരുവരുടെയും സംഭാഷണവും ആക്ഷനുകളും അമ്പരപ്പോടെയാണ് സൂര്യ നോക്കി നിൽക്കുന്നത്.
തമാശയ്ക്ക് ആണെങ്കിലും ഇരുവരുടെയും ജോഡി പ്രേക്ഷർക്ക് ഏറെ പിടിച്ച മട്ടാണ്. പ്രത്യേകിച്ചും മണിക്കുട്ടന്റെ സംസാരം." സത്യം പറ, ഈ നാട്ടിൽ വച്ച് എന്നെ കല്യാണം കഴിക്കുമോ, ഇനി രണ്ടാഴ്ച കൂടി കഴിയട്ടെ, എന്നെ പിരിഞ്ഞു നീ പോകുമോ? വേറെ സുന്ദരികളെ കാണുമ്പൊൾ എന്നെ മറക്കുമോ? ഞാൻ ഒരു പാവപ്പെട്ട കുട്ടിയാണ് എന്നെ കൈവിടരുത്", എന്നും മണിക്കുട്ടൻ സംസാരിക്കുന്നുണ്ട്.
കാത്തുസൂക്ഷിച്ച കസ്തൂരി മാമ്പഴം!
'കാത്തുസൂക്ഷിച്ച കസ്തൂരി മാമ്പഴം കൂട്ടുകാരി കൊത്തിക്കൊണ്ടുപോയി', എന്നാണ് ഇപ്പോൾ സൂര്യയെ കളിയാക്കി സോഷ്യൽ മീഡിയ സംസാരിക്കുന്നത്. ഏറ്റവും ഒടുവിൽ ഇനി മണിക്കുട്ടനും ഋതുവും ഒന്നാകുമോ എന്നുള്ള ചർച്ചകളും വിവിധ ഫാൻ ഗ്രൂപുകളിൽ സജീവമാണ്. അടുത്തിടെയായി സൂര്യയും ഋതുവും തമ്മിൽ നല്ല സൗഹൃദത്തതിൽ ആണ് മുൻപോട്ട് പോകുന്നത്.