നിന്നെ കിട്ടിയ ഞാനെത്ര ഭാഗ്യവാനാണ്, സഞ്ജനയെ ചേര്‍ത്തു പിടിച്ച് സുജോ മാത്യുവിന്റെ വാക്കുകള്‍!

ബിഗ് ബോസ് സീസണ്‍ 2ലൂടെയായിരുന്നു സുജോ മാത്യുവിനെക്കുറിച്ച് പ്രേക്ഷകര്‍ കൂടുതലറിഞ്ഞത്. ഇത്തവണത്തെ മസില്‍മാനായിരുന്നു സുജോ. പ്രോട്ടീന്‍ പൗഡര്‍ കിട്ടാത്തതിലുള്ള പരിഭവം പറഞ്ഞുള്ള സുജോയുടെ വരവൊന്നും ആരാധകര്‍ മറന്നിട്ടില്ല. ചുരുങ്ങിയ കാലം കൊണ്ടായിരുന്നു സുജോ മാത്യു ആരാധകരെ സ്വന്തമാക്കിയത്. സാന്‍ഡ്രയും സുജോയും തമ്മില്‍ പ്രണയത്തിലാണെന്ന തരത്തിലുള്ള റിപ്പോര്‍ട്ടുകളായിരുന്നു തുടക്കത്തില്‍ പുറത്തുവന്നത്. ഇത്തവണത്തെ പ്രണയജോഡികള്‍ ആരായിരിക്കുമെന്ന ചര്‍ച്ച നടക്കുന്നതിനിടയിലായിരുന്നു ഇരുവരും പ്രണയത്തിലാണെന്ന് പലരും പറഞ്ഞ് തുടങ്ങിയത്.

Also Read: ഇത് ഇത്തിരി കടന്നുപോയി; ആരാധികയിൽ നിന്നും നേരിട്ട കയ്പ്പ് അനുഭവം പങ്കിട്ട് സായ് കിരൺ!

സുജോയുടെ കസിനായ പവന്‍ ജിനോ തോമസും ബിഗ് ബോസിലേക്കെത്തിയിരുന്നു. വൈല്‍ഡ് കാര്‍ഡ് എന്‍ട്രിയിലൂടെയായിരുന്നു പവന്റെ വരവ്. സുജോയുടെ കാമുകിയായ സഞ്ജനയെക്കുറിച്ച് നിര്‍ണ്ണായകമായ വെളിപ്പെടുത്തലുകളായിരുന്നു പവന്‍ നടത്തിയത്. ഇരുവരും നേരത്തെ തന്നെ പ്രണയത്തിലാണെന്നും തങ്ങളും ഇവരോടൊപ്പം ഔട്ടിങ്ങിന് പോയിട്ടുണ്ടെന്നും പവന്‍ പറഞ്ഞിരുന്നു. സഞ്ജനയെക്കുറിച്ചും പ്രണയത്തെക്കുറിച്ചുമൊക്കെ സുജോയും തുറന്നുപറഞ്ഞിരുന്നു പിന്നീട്. ബിഗ് ബോസില്‍ മത്സരിച്ചില്ലെങ്കിലും സഞ്ജനയും സുപരിചിതയായി മാറുകയായിരുന്നു പിന്നീട്.

Also Read: ഞാൻ കണ്ട ആദ്യത്തെ ഫെമിനിസ്റ്റ്; മാനത്തിന് വിലയിടാൻ ഒരുത്തനേം സമ്മതിക്കരുതെന്നു പഠിപ്പിച്ച ഫെമിനിസ്റ്റ്!

നിന്നെ കിട്ടിയതില്‍ എത്ര ഭാഗ്യവാനാണ് താനെന്ന് പലപ്പോഴും ചിന്തിക്കാറുണ്ടെന്നായിരുന്നു സുജോ മാത്യു പറഞ്ഞത്. സഞ്ജനയ്‌ക്കൊപ്പമുള്ള പുതിയ ചിത്രം പങ്കുവെച്ച് എത്തിയിരിക്കുകയാണ് സുജോ ഇപ്പോള്‍. നിന്നെ ഞാന്‍ ഒരുപാട് സ്‌നേഹിക്കുന്നുവെന്നും, ഇതേക്കുറിച്ചോര്‍ത്ത് അത്ഭുതപ്പെടാറുണ്ടെന്നുമായിരുന്നു സഞ്ജനയും പറഞ്ഞത്. ബിഗ് ബോസില്‍ തിരിച്ചെത്തിയതിന് പിന്നാലെയായി സഞ്ജനയെ കാണാനും സുജോ എത്തിയിരുന്നു. ഇവരുടെ പോസ്റ്റുകളെല്ലാം പെട്ടെന്ന് തന്നെ വൈറലായി മാറാറുമുണ്ട്.