അഖിലും ദേവുവും എന്ത് ടോക്സിക്ക് ആണ്; ഗോപിക ഫയർ ആണ് ഫയർ, എന്റെ ഹീറോ റിനോഷ് ആണ്; ശ്രീ ലക്ഷ്മി!

ബിഗ് ബോസ് സീസൺ 5 തുടങ്ങി നാല് ദിനങ്ങൾ പിന്നിടുമ്പോൾ സോഷ്യൽ മീഡിയ പേജുകളും ഗ്രൂപ്പുകളും വളരെ ആക്റ്റീവ് ആണ്. തങ്ങളുടെ മത്സരാർത്ഥികൾക്ക് വേണ്ടിയുള്ള വാദം തകൃതിയായി നടക്കുന്നുണ്ട്. ഇത്തവണ മിനി സ്‌ക്രീൻ താരങ്ങളും ഏറെ ആയതുകൊണ്ടുതന്നെ താരങ്ങളും പിന്തുണയുമായി എത്തിയിട്ടുണ്ട്.

മുൻ ബിഗ് ബോസ് താരങ്ങളും സോഷ്യൽ മീഡിയ വഴി തങ്ങളുടെ അഭിപ്രായങ്ങൾ പറഞ്ഞുകൊണ്ട് രംഗത്തുണ്ട്. ഇതിനിടയിലാണ് ശ്രീ ലക്ഷ്മി അറക്കലിന്റെ പോസ്റ്റ് ശ്രദ്ധേയം ആകുന്നത്. കഴിഞ്ഞദിവസത്തെ എപ്പിസോഡിനു ശേഷം പങ്കിട്ട വാക്കുകൾ നോക്കാം.
ഇന്ന് ബിഗ് ബോസിൽ കഥ പറഞ്ഞ 2 പേരുടെ അമ്മമാരും ഡൊമസ്റ്റിക് വയലൻസിന്റെ ഇരകൾ ആണ്. അതായത് പുരുഷന്മാർ സ്ത്രീകളെ അബ്യൂസ് ചെയ്ത കഥയാണ് അവിടെ പറഞ്ഞത്. എന്തിനാണ് ഫെമിനിസം എന്നൊക്കെ ചോദിക്കുന്നവർക്ക് ഉള്ള ഉത്തരം ഉണ്ട് ആ കഥകളിൽ.

ആഞ്ജലീന പാവം കുട്ടി. അവൾക്ക് ശരിക്കും സൈക്കോളജിക്കൽ പ്രോബ്ലെംസ് ഉണ്ട്. അവളുടെ മെൻ്റൽ ഹെൽത്ത് പ്രശ്നത്തെ വളരെ നിസ്സാരം ആയി കാണുന്ന ദേവു ഒക്കെ ഈ സമൂഹത്തിലെ ബോധം ഇല്ലാത്തവരുടെ പ്രതിഫലനം ആണ്. ഇന്നലെ സീരിയൽ നടനും ഇരുന്നു ഉപദേശിക്കുന്നത് കേട്ടു _ " എത്ര വലിയ മാനസിക പ്രശ്നങ്ങളും ബോധ മനസ്സുകൊണ്ട് കൺട്രോൾ ചെയ്യാം" എന്ന്.
അപ്പോള് ഈ സൈക്കാട്രി പഠിച്ചവർ ഒക്കെ പിന്നെ എന്തിനാ?

അഖിൽ മാരാർ, viber good Devu ഇവർ രണ്ടുപേരും എന്തൊരു toxic ആൾക്കാരാണ്.

ആളുകളെ തമ്മിൽ തല്ലിക്കുന്ന കളിയിൽ ഉഴപ്പൻ ആയി നിന്ന (ബിഗ് ബോസ് മലയാളം) Rinosh ആണ് ഇന്ന് എൻ്റെ ഹീറോ .

ഗോപിക കോമണർ ആയി വന്നെന്നു കരുതി നല്ല ഫയർ ഉള്ള ആൾ ആണ്.കോമണർ എന്ന് പറഞ്ഞു കൊറേ ആൾക്കാർ എന്തിനാണ് ഗോപികയെ തരംതാഴ്ത്തുന്നത് എന്ന് എനിക്ക് അറിയില്ല. അവൾ അടിപൊളിയാണ് - ശ്രീലക്ഷ്മി കുറിച്ചു.

ഇത്തവണ ഷോയിൽ കോമണർ ആയി എത്തിയ ആളാണ് ഗോപിക ഗോപി. മൂവാറ്റുപുഴ സ്വദേശിനി ആയ ഗോപിക നല്ലൊരു ഗെയിം പ്ലാനോടെ തന്നെയാണ് ഷോയിൽ എത്തിയത്. ഉള്ളിൽ ഉള്ള ആളുകൾ തന്നെ ഗോപിക നല്ലൊരു ഗെയിമർ തന്നെയെന്ന് സമ്മതിക്കുന്നുണ്ട്. അതേസമയം, ഇത്തവണത്തെ നോമിനേഷനിലും ഗോപിക ഉൾപ്പെട്ടിട്ടുണ്ട് എന്നതാണ് വാസ്തവം.