Also Read: പുനഃർജന്മം കിട്ടിയ തീയേറ്ററുകളിൽ ആദ്യമെത്തുന്ന മലയാള ചിത്രം 'വെള്ളം'
പ്രതികരിച്ച് ദിയ
തൻ്റെ യൂട്യൂബ് ചാനലിലൂടെ പങ്കുവെച്ച വീഡിയോയിലൂടെയാണ് ദിയ ഇക്കാര്യത്തിൽ വിശദീകരണം നൽകുന്നത്. താനും സഹോദരി ഇഷാനിയും ബിഗ്ബോസിലുണ്ട് എന്നാണ് പുറത്ത് പ്രചരിക്കുന്നതെന്നും ഇക്കാര്യത്തിൽ വ്യക്തത വരുത്താനാണ് വീഡിയോ ഇടുന്നതെന്നും ദിയ കൃഷ്ണ പങ്കുവെച്ച വീഡിയോയിലൂടെ പറയുന്നു.
ശ്രദ്ധ നേടി പ്രതികരണം
സുഹൃത്തിൻ്റെ വീട്ടിൽ പിറന്നാളാഘോഷത്തിന് വന്നപ്പോൾ പോലും അത് സംബന്ധിച്ച് ചർച്ചകൾ നടന്നുവെന്നും അത് ക്ലിയറാക്കാനാണ് വീഡിയോ ഇടുന്നതെന്നും പറഞ്ഞുകൊണ്ടാണ് ദിയ വീഡിയോ പങ്കുവെച്ചിരിക്കുന്നത്. എന്നാൽ പ്രചരിക്കുന്നത് വലിയൊരു വ്യാജ വാർത്തയാണ് എന്നും താനും ഇഷാനിയും ബിഗ്ബോസിലുണ്ടാകില്ലെന്നും ദിയ വ്യക്തമാക്കി.
കമൻ്റടിച്ച് ആരാധകരും
പലരും തൻ്റെ യൂട്യൂബ് വീഡിയോകൾക്ക് താഴെ കമൻ്റുകളിൽ കുറിക്കുന്നത് ബിഗ്ബോസിൽ കാണാൻ കാത്തിരിക്കുന്നു എന്ന മട്ടിലൊക്കെയാണ്. പ്രചരിക്കുന്ന വാർത്തകളിൽ യാതൊരു വാസ്തവവുമില്ലെന്നും അങ്ങനെയൊന്നും സംഭവിക്കില്ലെന്നും ദിയ കൃഷ്ണ വീഡിയോയിൽ പറയുന്നു.
ബിബിഎം 3 ലേക്കില്ല!
ബിബിഎം 3യിൽ ദിയയും ഇഷാനിയും വന്നിട്ട് വേണം അവരെങ്ങനെയാണ് എന്ന് കാണാൻ എന്ന് കാത്തിരിക്കുന്ന ചിലരുണ്ടെന്നും അതേസമയം തങ്ങൾക്ക് മൊബൈലില്ലാതെ ജീവിക്കാൻ പറ്റില്ലെന്ന് ചൂണ്ടിക്കാട്ടുന്നവരുണ്ടെന്നും കമൻ്റ് ബോക്സിലുണ്ടെന്നും ദിയ പറയുന്നു. അത് സത്യമാണെന്നും അങ്ങനെയാണ് ഞങ്ങളുടെ ജീവിതമെന്നും ഫോണും ഇൻസ്റ്റാഗ്രാമുമൊന്നുമില്ലാത്ത ജീവിതം ബുദ്ധിമുട്ടായിരിക്കുമെന്നും ദിയ പറഞ്ഞു.